1 यूहन्ना 3:2 - Sirmouri

² हे प्यारों, ऐबे आँमें पंण्मिश्वर की अलाद असो, अरह् हेबी तोड़ी ऐजो पर्गट ने हऐ रई, के आँमें आँणों वाल़े बख्तो दे का हंदे! परह् आँमें ऐजो जाँणों ऐ, के जबे से पर्गट हले, तअ आँमें भे तिनके जिऐं हंदे, किन्देंखे के तिनू आँमें तैष्णें ही दे:ख्दे जैष्णें से असो ऐ।

सिरमौरी नौवाँ नियम

² ओए रै प्यारो, ऐबै आमु पौरमेशवर कै ओलाद औसौ, औरौ इबी तौड़ी ऐजौ प्रगट ना हौए रैई कै आमु का बौणदै। आमु ऐतरो जाणु कै जोबै यीशु मसीह प्रगट हौला तौ आमै तैसकै जैशणै हौंदै जिथुकै आमै तैसीखै तैशणाई दैखदै जैशणा सै औसौ।

1 यूहन्ना 3:2 ပူးပေါင်းရင်းမြစ်များ

मत्ती 5:8

भागोईत असो! सेजे जिनके मंन शुद्ध असो, किन्देखे के से पंणमिश्वर देख्दे।

लूका 17:30

अरह् तैसी देसे भे ऐष्णों ही हंदो; जैसी देसे आदमी का बैटा पर्गट हला।

लूका 20:36

किन्दें खे के सेजे लोग हजो कंद्दी ने मंर्दी; अरह् से स्वर्गोदूत्त के जैष्णें हंऐ ज़ाँव; अरह् से तबे पंण्मिश्वर के अलाद अरह् बारीस बंणी ज़ाँव।

यूहन्ना 1:12

परह् जै-तोड़े लोगे ऐं तिनू धारण करे, मतल्व तिन के नाँव दा बिश्वाष करा; तिनू सोभी लोगों खे तिन्ऐ पंण्मिश्वर के अलाद बंण्णों का हंक-अधिकार दिता।

यूहन्ना 11:52

ऐ सिर्फ यहूदी जात्ति खे ने, परह् ईन्देंखे भे के से खिदर-बिदर हंऐ अंदी; पंण्मिश्वर के अलाद कंट्ठी करह्।

यूहन्ना 17:24

हे बाबा! मेरी हिछ़्या ऐजी असो, के ऐजे लोग भे जिनू तुऐं मुँह कैई देऐ थुऐ; ऐ भे मेरी गंईलो, तेथी रंह्; जेथै हाँव असो, के ऐ मेरी सेजी बड़ियाऐ देखी सको; जुण्जी तुऐं मुँखे देऐ थंऐ थी, किन्देंखे के ईयों संईसारी की रंचणाँ कर्णो शो आगे भे तुऐं मुँह आरी प्यार करह् थिऐ।

रोमियों 8:16

पबित्र-आत्त्मा आपु ही अमाँरी आत्त्मा आरी गुवाऐ-शाज़्त दियों, के सत्तिखे आँमें पंणमिश्वर के अलाद असो।

रोमियों 8:18

किन्देंखे के मेरे जाँणियों के ऐसी बख्तो की अमाँरी परेशानी अरह् कल़ेष तियों बड़ियाऐं के साम्णें किऐं ने आथी, जुण्जी के आँमों गाशी पर्गट हणों वाल़ी असो।

रोमियों 8:19

किन्देंखे के बादी संईसारिऐं बेजाऐ भूर्षे की नंजर शी पंणमिश्वर की अलाद पर्गट हंणों की बाट जुई लई।

रोमियों 8:29

किन्देंखे के पंणमिश्वर ऐजा बीचार करा, के जिनू तिन्ऐं आगे ही आप्णें जाँणा, सेजे तिनके बैटे के सरूप दें बंणाँऐं ज़ाँदे; जिन्दें लई तिनका बैटा सोभी भाईयों मुँझी जैठा बंणों।

1 कुरिन्थियों 13:12

हेभी अमाँरे सीसे दो झाँमंरो दे:खियों, परह् तेसी बख्ते आँम्णें-सहाँम्णें दे:ख्दे: ऐसी बख्ते मेरा ज्ञाँन आधा-अ; धुरा असो, परह् तेसी बख्ते सुवाँ करियों पछ़याँणुबा, जेष्णाँ मुँह पछ़याँणा गुवा।

1 कुरिन्थियों 15:49

अरह् जेष्णाँ आँमें तेस्का रूप धारण करा, जू सेजा माँटी का थिया, तेष्णा ही तिनू स्वर्गो वाल़े का रूप भे आँमें धारण कर्दे।

1 कुरिन्थियों 2:9

जेष्णों पबित्र-ग्रन्थों दो लिखी थो, “जुण्जी बातो आ:खिऐं ने दे:खी, अरह् काँने ने शुणीं, अरह् जुण्जी बातो आदमी के चींते-मंने भे थी ने, से सेजे ही असो जू पंणमिश्वर ऐ आपु आरी पियार कर्णो वाल़े खे तियार करी थई।”

2 कुरिन्थियों 3:18

परह् जबे आँमों सोभी के खुलै मुँख्ड़े शा प्रभू का त्तेज-प्रकाष ऐशा दाँई पर्गट हों, जैष्णाँ के सिस्सै दा साफ नंजर आँव, तअ प्रभू के जाँणें जू आत्त्मा असो, आँमें तैसी ही त्तेजमंऐं सरूप दे अंष-अंष बदल़्दे ज़ाँव।

2 कुरिन्थियों 4:17

किन्देखे के अमाँरा ऐगड़ी का दाँणिंक जिया कल़ेष आँमों खे बैजाऐ प्रभू यीशू के अरह् हमेशा की बड़ियाऐं पय्दा करदा ज़ाँव जिन्दें बरा-बरी ने करी ज़ादी;

गलातियौं 3:26

किन्देंखे के तुँऐं बादे तेसी बिश्वाष के जाँणें जू प्रभू यीशू मसीया गाशी असो; तुँऐं पंण्मिश्वर के नहाँन्ड़िया अलाद असो।

गलातियौं 4:6

अरह् तबे तुँऐं जू पंण्मिश्वर के बैटे असो, ईन्देंखे पंण्मिश्वर ऐ तुवाँरे सासो दी बैटे की आत्त्मा देऐ थऐ; जू तुँऐं “हे अब्बा, हे बाबा” करियों बुली सको।

फिलिप्पियों 3:21

से आप्णी शक्त्ति के तेसी असर के मुँताबिक शे जिन्दे के जाँणें, से बादी चींजो आप्णी बंष दी करी सको; अमाँरी नाँष बाँन देह्-शरीर का रूप बद्ल़ियों, आप्णी बड़ियाऐ की देह्-शरीर के जैष्णें बंणाऐं देंदे।

कुलुस्सियों 3:4

जबे मसीया जू अमाँरा जीवन असो से पर्गट हंदा; तबे तुँऐं भे तिनकी गईलो बड़ियाऐ आरी पर्गट करे ज़ाँदे।

इब्रानियों 9:28

तेष्णा ही मसीया भे भहीते के पापो थागणों खे ऐकी बई बल़ीदाँण हुऐ, अरह् जुण्जे लोग तिनकी बाट-बाट जुहों, तिनके पाप के छ़ुट्कारे खे, हजो से दुज़ाल़िऐ बिना पाप के थागी देखाई पड़्दे।

2 पतरस 1:4

जिन्दे के जाँणें तिन्ऐ आँमों खे किम्त्ति बर्दांन देऐ थुऐ, जिनू देणों का तिन्ऐं बाय्दा करी थुवा थिया: जू तुँऐं तिनके जाँणें आपु खे पंण्मिश्वर के जैष्णें बंणी ज़ाँव, अरह् तेसी नाँष शे बंची ज़ाँव, जू लोगो की बुरी हिछ़ा के जाँणें ईयों संईसारी दे असो।

1 यूहन्ना 2:28

हे प्यारे नहाँन्ड़िया, तिन्दी पाक्के बंणें अंदे अट्ल़ रूऐ, के जबे प्रभू पर्गट हों, तअ आँमें निडर हुऐ चेंई, अरह् तिनके आँव्णों गाशी आँमें शर्मिन्दें ने हुऐ चेंई।

1 यूहन्ना 2:7

हे प्यारों, हाँव तुँओं खे किऐ नंऐं अज्ञाँ ने लिख्दा, परह् सेजी ही पुराँणी अज्ञाँ जू शुरू शी तुँओं भेटी रऐ; ऐजी पुराँणी अज्ञाँ सेजा बचन असो, जेसी तुँऐ शुणी थुवा।

1 यूहन्ना 3:1

बिचार करह्, के कैत्रा गऐरा पियार परंम-पिता पंण्मिश्वर आँमों आरी करह्, जिन्दें का कुँऐ भे किऐ पता नें लाऐ पाँदा, खास करियों संईसारी के लोगों कैई पंण्मिश्वर की पछ़याँण ने आथी; ईन्देंखे के से आँमों भे पंछ़याँण्दी ने, के आँमें तिनकी अलाद असो।

1 यूहन्ना 3:10

पंण्मिश्वर की अलाद अरह् शैतान की अलाद के पछ़याण ईन्दें लई हों; के कुँऐं भे आदमी, जैस्का जीवन धार्मिक ने आथी, अरह् से आप्णें भाई-बंईणीं आरी पियार ने करदा सेजा आदमी पंण्मिश्वर का जंण ने आथी।

1 यूहन्ना 3:21

हे प्यारों, जे अमाँरी अन्तर-आत्त्मा आँमों दुषी कसूरबार ने बाँणों, तअ आँमें पंण्मिश्वर के साम्णें नीडर बंणें अंदे रंह्दे;

1 यूहन्ना 5:1

जैस्का ऐजा बिश्वाष असो, के प्रभू यीशू ही मसीया असो, तअ सेजा पंण्मिश्वर की अलाद असो; अरह् जुण्जा कुँऐं आप्णें परमं-पिता पंण्मिश्वर शो पियार करह्, तअ से तैस्की अलादी आरी भे पियार करह्।

प्रकाशितवाक्य 2:28

अरह् हाँव तेस्खे भेंयाँस्रोह् का तारा देऊँबा।

प्रकाशितवाक्य 22:4

से तिनू आप्णीं आखिऐ देख्ले, अरह् तिनको नाँव तिनू लोगों के माँथे गाशी लिखो अंदो हलो।