1 यूहन्ना 3:19 - Sirmouri

¹⁹ ईन्दी ही लई आँमों दीड़-हिम्मत भेटो, के आँमें तियों ही सच्चाई के असो; ईन्दी के जाँणें आँमें पंण्मिश्वर के साम्णें तिनू सोभी बातो के भूर्षे दे रंऐ सको।

सिरमौरी नौवाँ नियम

^19-20 जोबै आमु ऐकी दुजैआरी प्यार कौरु तौ इथी लैई आमै जाणुए कै आमु सौचाई कै औसौ; औरौ जैसी बातौ दा अमारा मन आमु दोषी ठोहरांव, तियौं बातौ कै बारै मुंजी आमै आपणै मनो कै तैसकी मौजूदगी दै चोयन दिलाए सौकु। जिथुकै पौरमेशवर अमारै मनो शै बौड़ा औसौ औरौ सै सौबै ठुँ जाणौए।

1 यूहन्ना 3:19 ပူးပေါင်းရင်းမြစ်များ

यूहन्ना 13:35

जे तुँऐं आपु मुँझी ओका ओकी शो प्यार थंह्ले, तअ ईन्दी ही लई बादे लोग जाँण्ले के तुँऐं मेरे चैले असो।”

यूहन्ना 18:37

ईन्दें गाशी हाकम-पिलातुस ऐ तिनखे बुलो, “तअ तू राजा असो?” प्रभू यीशू ऐ जबाब दिता, “तुऐं ठीक ही बुली लो; हाँव राजा असो! हाँव ईन्दी ही खे पय्दा हऐ रूवा; अरह् ईयों संईसारी दा मेरे आँणों का कारण ऐजा ही असो! के हाँव सच्चाई के गुवाऐ-शाज़्त्त देऊँ; किन्देंखे के ऐक नाँम आदमी जुण्जा साच्चा असो, से मेरो शुँणों।”

रोमियों 4:21

अरह् ऐजो पाको जाँणों के जियों बातो का बाय्दा पंणमिश्वर ऐ करी थुवा, से तेसी बाय्दा पुरा कर्णो के भे शक्त्ति थंह्।

रोमियों 8:38

किन्देंखे के हाँव जुरूर जाँणू, के ना मऊँत, ना जीवन, ना स्वर्गो के दूत, अरह् ना बुरी राज कर्णो वाल़ी आत्त्मा, ना हेभी की बातो, अरह् ना बिती अंदी बातो, अरह् ना हंणों वाल़ी बातो, ना शक्त्ति, अरह् ना अगाषो की किऐ शक्त्ति,

2 तीमुथियुस 1:12

ऐजा ही कारण असो, के हाँव दु:ख्ह भे संऐन करू, परह् तिन्दा हाँव सरमाँदा ने आथी; किन्देंखे के हाँव ऐजो जाँणू ऐं के मुँऐ कंस्दा बिश्वाष करी थुवा, अरह् मेरे ऐजी पुरी ढैठ असो, के से तेसी देसो तोड़ी मेरी रंक्षा पुरी कर्णों ज़ूगै शक्त्ति शाली असो।

इब्रानियों 10:22

तअ आव, आँमें साच्चै मंन, अरह् बादे बिश्वाष आरी, अरह् आप्णी अंन्त्तर आत्त्मा का दोष दूर कर्णो खे आप्णें दिल गाशी छ़िड़कावा करियों, अरह् आप्णी देह्-शरीर शुद्ध जंल शी धोऐयों पंण्मिश्वर के नंजीक ज़ाँव।

इब्रानियों 11:13

तेसी बाय्दे का फ़ल़ भेंटे बिना से बिश्वाष कर्दे मंरी भे गुऐ; परह् तिनू सेजी बाय्दें करी अंदी चींजों ताँव तोड़ी ऊँडी ने भेटी रंई थी, अरह् तिन्ऐ सेजी चींजो दुर्के शी ही देखी, अरह् तिनू चीजों का स्वागत्त करियों तिन्ऐ पंण्मिश्वर का धन्यबाद करा; किन्देंखे के से आपु खे ईयों धर्ती गाशी प्रदेशी अरह् बाईले लोग माँनों थिऐ।

1 यूहन्ना 1:8

जे आँमें ऐजो बुलो, के आँमों दो किऐ पाप ने आथी, तअ आँमें आपु आपू खे धोखा दियों; अरह् आँमु दी किऐ सच्चाऐ ने आथी।

1 यूहन्ना 2:21

मुँऐं तुँओं खे ईन्देंखे ने लिखी थई, के तुँऐं सच्चाई ने जाँण्दे, परह् ईन्देंखे लिखी थो, के तुँऐं ऐजो जाणोंऐं, के झूठो, दी किऐ भे सच्चाऐ ने हंदी।

1 यूहन्ना 3:14

आँमें जाँणोऐं, के आँमें मऊँत्ती के बष शे दुर्के हऐयों अमर-जीवन दे पंऊँची रूऐ; किन्देंखे के आँमें आपु मुझी ओका ओकी शो पियार थंह्। परह् जुण्जा कुँऐं ओका ओकी शो पियार ने थंह्दा से हजो भे मऊँत्ती की बष दा असो।

1 यूहन्ना 3:20

जबे कद्दी अमाँरी अन्तर-आत्त्मा आँमों दुषी कसूरबार बाँणों; किन्देंखे के पंण्मिश्वर अमारे सासो शे बड़े असो, से सब-कुछ जाँणों।

1 यूहन्ना 3:21

हे प्यारों, जे अमाँरी अन्तर-आत्त्मा आँमों दुषी कसूरबार ने बाँणों, तअ आँमें पंण्मिश्वर के साम्णें नीडर बंणें अंदे रंह्दे;