1 यूहन्ना 3:16 - Sirmouri

¹⁶ पियार का असो? ऐजो आँमें ईन्दें लई जाँणों: के मसीया प्रभू यीशू ऐ अमाँरी ताँईऐं आप्णी जीयाँन-प्राण की कुरबाँणी दिती, ईन्देंखे अमाँरा ऐजा फरज बंण्दा ने, के आँमों खे भे आप्णें भाई-बंईणों की ताँईऐं आप्णें प्राण-जीयाँन कुरबाँण कर्णे ठीक आथी ने।

सिरमौरी नौवाँ नियम

¹⁶ आमुए प्यार इथलैई जाणा कै यीशु मसीहे आमु कारिए आपणै प्राण दैय दियै, इथकारिए आमु बै भाईटु कारिए प्राण दैणै चैंई।

1 यूहन्ना 3:16 ပူးပေါင်းရင်းမြစ်များ

मत्ती 20:28

ठीक तेष्णा के आदमी का बैटा; ईथै ईन्देंखे ने आई, के आप्णीं सेवा कराँव; परह् से ईन्देखे आया, के सेवा करह्, अरह् भहिते लोग छुड़ोणों की ताईऐ आप्णा जीवन पराँण भे बल़ीदाँण करी दियों।”

यूहन्ना 10:11

“आछा भैंड़वाल़ा हाँव असो: आछा भैड़वाल़ा आप्णीं भैंड़ो की ताँईऐं आप्णी जीयाँन-प्राँण देऐ दियों।

यूहन्ना 10:15

जेष्णाँ बाबा मुँह पंह्छ़ियाँणों, अरह् हाँव बाबा पंह्छ़ियाँणू; तेष्णें ही हाँव आप्णीं भैंड़ो की ताँईऐ आप्णीं जीयाँन-प्राँण देऐ देंऊँ।

यूहन्ना 13:34

हाँव तुँओं खे ऐक नंऐं अज्ञाँ देऊँ, के ओका ओकी शो प्यार करह्; जेष्णों मुँऐं तुँओं आरी प्यार करी थो, तेष्णों ही तुँऐं भे ओका ओकी शो प्यार करह्।

यूहन्ना 3:16

“किन्देंखे के पंण्मिश्वर ऐं संईसारी शो ऐत्रो प्यार करो, के तिन्ऐं आप्णा ऐक्लोत्ता बैटा देऐ दिता; किन्देंखे के जुण्जा कुँऐं तिनू गाशी बिश्वाष करला; से नाँष ने हों, परह् से अमर-जीवन पाँव।

प्रेरितो कै काम 20:28

“तुऐं लोग आपु खे, अरह् आप्णीं बादी मंडल़ी खे संक्न्नै-च़ौक्ष रूऐ; ईन्देंखे के पबित्र-आत्त्मा ऐ तुओं खे ईयों मंडल़ी की रंख्वाल़ी का पंद्-भार देऐ थुवा, के तुऐं पंण्मिश्वर की कलीसिया के साच्चै भेंड़वाल़े बंणों; जिनू पंण्मिश्वर ऐं आप्णें बैटे के लंह्ऊँ देऐयों धारण करी थुऐ।

रोमियों 16:4

तिन्ऐ मेरे प्राँण खे आप्णी ही जियाँन खतरे दी पाँऐ दिती; अरह् सिर्फ हाँव ही ने, परह् गऐर यहूदी की बादी कलीसिया भे तिनका धन्यबाद करह्।

रोमियों 5:8

परह् पंणमिश्वर आँमों गाशी आप्णे पियार के भलाऐ ऐशी दाँई पर्गट करह्, के जबे आँमें पापी ही थिऐ, तबे ही मसीया अमाँरी ताँईऐं मरे।

2 कुरिन्थियों 4:12

ऐशा दाँई मंऊँत्त आँमों गाशी असर पाँव, अरह् जीवन तुँओं गाशी।

इफिसियों 5:2

प्यार की बाटो दे चालो, जेष्णों मसीया ऐ तुँओं आरी प्यार कोरो, अरह् आच्छ़ी खुष्बू बणियों आपु अमाँरी ताँईऐं पंण्मिश्वर के साम्णिऐं भेंट बंणियों बल़ीदाँण करी दियों।

इफिसियों 5:25

हे घरवाल़ों, आप्णी-आप्णी घरवाल़ी आरी प्यार थुऐं, जेष्णाँ मसीया ऐ भे कलीसिया आरी प्यार करियों आपु आपु खे तिनकी ताँईऐं देऐ दिता।

फिलिप्पियों 2:17

तुँवारा बिश्वाष ऐक बल़ी के रूप दा असो, अरह् जे मेरो लह्ऊँ तुँवारी बल़ी गाशी पेरी देईलो तअ हाँव भे तुँवारी खुशी आरी खुशी असो।

फिलिप्पियों 2:30

किन्देंखे के से मसीया की काँम-काज़ खे आप्णे पराँण भे जोख्मि दे पाँऐयों मऊँत्ती के नंजीक आऐ गुआ थिया जू कंम्मीं तुवाँरे ढबे शी मेरी सेवा दे रऐ रंऐ थी, से तियों कंम्मीं पुरी करह्।

1 थिस्सलुनीकियों 2:8

अरह् तैष्णी ही आँमें भे तुँवारी हिछ़या कर्दें ना सिर्फ पंण्मिश्वर की खुषख्बरी गाशी आप्णे-आप्णे प्राण भे तुँओं खे देणों खे तैयार थिऐ, ईन्देंखे के तुँऐं अमाँरे प्यारे ज़ाऐ रूऐ थिऐ।

तीतुस 2:13

अरह् तेसी धन्यबाद के भुर्षें दे मतल्व आप्णे बड़े पंण्मिश्वर अरह् छुट्कारे देणों वाल़े प्रभू यीशू मसीया कि बड़ियाऐं के पर्गट हंणों की ताक दे रंह्।

1 पतरस 1:18

किन्देंखे के तुँऐं जाँणों ऐ के तुवाँरा निकारा चाल-चल़्ण जू तुवाँरे बुड़ाईको शा ऊँबा असो, तिन्दे लई तुवाँरा मुँक्त्ति सुन्नें, चाँदी अरह् नाँष बाँन चीजो के जाँणें ने हऐ रंई;

1 पतरस 2:24

से आपु ही अमाँरे पाप आप्णे देह्-शरीर दे निईयों शुँल़ी-फ़ाँशी हुटे, जिन्दे लई आँमें पापो खे मरियों धार्मिक्त्ता खे जीवन बिताँव: तिन्ही की ही मार खाँणों शे आँमें चाँगे हुऐ।

1 पतरस 3:18

किन्देंखे के मसीया ऐ भी अमाँरे पापों की ताँईऐं ऐकी बंई दु:ख भूगा, मतल्व जू बै-कसूर थिऐ, तिन्ऐं आँमों पापियों की ताँईऐं ऐकी बई मंऊँत्त कबूल करी, जू आँमों पंणमिश्वर के साम्णें नीयों, शरीर के भाव शे तअ से माँरी गुऐ, परह् पबित्र-आत्त्मा के भाव शे तिनू ऊबे जीयाल़े गुऐं।

1 यूहन्ना 2:6

जू कुँऐं ऐजो बुलो, के हाँव पंण्मिश्वर दा पाक्का असो, तअ तेसी प्रभू यीशू जैष्णाँ जीवन जीऊँणा पड़ो।

1 यूहन्ना 2:9

जुण्जा कुँऐं ऐजो बुलो, के हाँव ज्योत्ति-प्रकाष दा असो, अरह् तबे भे से आप्णें भाऐ बंऐणीं दा शंगाऐयों तिनशो बईर करह्, तअ से हेबी तोड़ी भे ईनाँरे दा ही असो।

प्रकाशितवाक्य 1:5

अरह् यीशू मसीया की ढबे शी जू बिश्वाष ज़ूगे गुवाह्-शाज़्त्त अरह् मँरे अँदे मुँझ शे जीऊँदे हणों वाल़े मुँझ्शे जैठे अरह् धर्ती के राजाओं लोगो का हाकम असो, तुँओं खे कृपा, अरह् शाँण्त्ति, भेंट्दी रंह्। से आँमों आरी प्यार करह्, अरह् तिन्ऐं आप्णें लह्ऊँ के कारण आँमों पाप शे छुड़ाऐ थुऐ।

प्रकाशितवाक्य 5:9

से ऐजो नुंवों गीत्त गाँदे लागे: “तू ईयों कताबे कर्णो खे, अरह् ईन्देकी सिलो खुल्णों ज़ूगा असो, किन्देंखे के तुँऐं कुरबाँण हऐयों आप्णें लह्ऊँ शी ऐक नाँम कुल़-बंष अरह् भाषा बुली अरह् लोग अरह् हर जात्ती मुँझ़्शे पंण्मिश्वर खे लोग मोले-खरीदियों लुऐ;