1 यूहन्ना 3:15 - Sirmouri

¹⁵ जुण्जा भे कुँऐं बिश्वाषी भाऐ-बंईणी दा शंगाँव, से हंत्त्या करह्; अरह् तुँऐं ऐजो भे जाँणोंऐं, के कुँऐं भे हत्त्यारा खुन्नी सदा-सदा के अमर-जीवन दा दाखिल ने हऐ सक्दा।

सिरमौरी नौवाँ नियम

¹⁵ जू कुणिए आदमी आपणै बिशवाशी भाईआरी बैर कौरौ, सै हथियारा औसौ; औरौ तुऐं जाणौए कै कोसी हथयारै दै सौदा कै जिन्दगी ना रौंव।

1 यूहन्ना 3:15 ပူးပေါင်းရင်းမြစ်များ

मत्ती 5:28

परह् हाँव तुँओं खे ऐजो बुलू, के जे कुँऐं कोसी तिरोंई गाशी ऐई भे बुरी नंजर थह्ला, तअ तेने आप्णें मंन शी तियों आरी चोरी-जारी करी पाऐ।

मरकुस 6:19

ईन्देंखे सेजी हेरोदियास संत्त-यूहन्ना शो बईर करह् थी; अरह् ऐशो जाणों थी, के ऐसी किया-किया मंराऊँ।

यूहन्ना 4:14

परह् जुण्जा कुँऐं मेरो दितो अंदो ऐजो जल पीला, तेसी हजो कोद्दी भे च़ीष ने लागदी; अरह् जुण्जों जल हाँव तेस्खे देऊँबा, सेजो जल तेस्दो फट्वाँणी जियों फाट्लो, जुण्जो हमेशा के अमर-जीवन खे बड़्दो रंह्लो।”

यूहन्ना 8:44

तुऐं आप्णें बाबा शैतान के असो, अरह् तुऐं आप्णें बाबा के हिछ़या पुरी कर्णी चहाँव; से शुरू शा ही ऊँबा हत्त्यारा असो। अरह् से सच्चाई का हिस्सा कंद्दी ने बंणीं, किन्देंखे के तेस्दी सच्चाऐ ने आथी; किन्देंखे के जबे भे से झुठो बुलो, तअ से आप्णें ही सभाव के कारण बुलो; किन्देंखे के से झुठा, अरह् झुठे का बाबा असो।

प्रेरितो कै काम 23:12

देस हंणों गाशी कुछ़ यहूदियों ऐ मीलियों ऐशी रंच्णाँ रंची, अरह् तिन्ऐं ऐजी षौंह्-कंस्म खाई, के ताँव तोड़ी आँमें किऐ भे खाँदे-पींन्दें ने; जाँव तोड़ी आँमें तेसी पौलुस जीयाँनिऐं ने माँरी दियों।

प्रेरितो कै काम 23:14

तिन्ऐं मुँख्या-याजकों अरह् बुड़े बुजूर्गो कैई ज़ाऐयों बुलो, “आँमें ठाटी थो, के जाँव तोड़ी आँमें पौलुस मारी ने दियों, ताँव-तोड़ी जे आँमें किऐ चाख्ह भे तअ आँमों खे फीट्कारा-लाँणत् असो।

याकूब 1:15

तबे सेजा लूभ-लाल़्च बड़ियों पाप कराँव, अरह् मऊँत्ती के मुँओं दे नींयों।

1 पतरस 1:23

किन्देंखे के तुँऐं नाँष बाँन ने, परह् नाँष ने हंणों वाल़े बीज़ो शे, पंणमिश्वर के जीऊँदे अरह् सदा अट्ल़ बचन के जाँणें नुवाँ जीवन पाँऐ थुवा।

1 यूहन्ना 2:11

परह् जुण्जा कुँऐं आप्णे बिश्वाषी भाई-बंईणों दा शंगाँव से ईनाँरे दा असो, अरह् से ईनाँरे दा चालो, किन्देंखे के तैस्के ईनाँरे आगु ने दे:खिंदो अरह् तैस कैई ऐजा भे पता ने लागदा के से कैशे खे ज़ाँदा लागा,

1 यूहन्ना 2:9

जुण्जा कुँऐं ऐजो बुलो, के हाँव ज्योत्ति-प्रकाष दा असो, अरह् तबे भे से आप्णें भाऐ बंऐणीं दा शंगाऐयों तिनशो बईर करह्, तअ से हेबी तोड़ी भे ईनाँरे दा ही असो।

प्रकाशितवाक्य 21:8

परह् डराड़ो, अरह् बै-बिश्वाषियों, नींच़ हत्त्याँरे, अरह् च़ूर-जार, अरह् जादू-टूण्णें कर्णों वाल़े, मुँर्त्ती पूज्णों वाल़े, अरह् हर किस्समं के झूठों बुल्णों वाल़े, का नाँष हंदा, अरह् तिनू भभ्कदीं आग, अरह् गंन्धक की झ़ील, दे पाऐ देईदें, जुण्जी के दुज़ी मंऊँत्त हंदी!”