1 यूहन्ना 3:10 - Sirmouri

¹⁰ पंण्मिश्वर की अलाद अरह् शैतान की अलाद के पछ़याण ईन्दें लई हों; के कुँऐं भे आदमी, जैस्का जीवन धार्मिक ने आथी, अरह् से आप्णें भाई-बंईणीं आरी पियार ने करदा सेजा आदमी पंण्मिश्वर का जंण ने आथी।

सिरमौरी नौवाँ नियम

¹⁰ इनु बातौ लैई पौता चालौ पौरमेशवर कै सन्‍तान औरौ शैतान कै सन्‍तान कुण औसौ; जूणजै लोग धार्मिकता कै काम कौरौ सै पौरमेशवर कै ढौबौशै औसौ, औरौ जू आपणै भाईटु आरी प्यार कौरौ सैजैई पौरमेशवर कै ढौबौशै औसौ।

1 यूहन्ना 3:10 ပူးပေါင်းရင်းမြစ်များ

मत्ती 13:38

खैच़ संईसारी असो, अरह् आछो बींज़ पंणमिश्वर के राज्य के लोग असो, अरह् जागल़ी बींज़ दुष्ट शैतान के लोग असो।

लूका 6:35

परह् तुऐं आप्णें बईरी आरी पियार करह्, अरह् तिनका भला करह्; अरह् उधार देऐयों पाछ़ू लअणों के आशा ने करे, तबै ही तुवाँरा ईनाँम बड़ा हला, अरह् तबै ही तुऐं परमप्रधान पंण्मिश्वर के अलाद बण्लें, किन्देंखे के पंण्मिश्वर तिनू गाशी भे जुण्जे धन्यबाद ने कर्दे, अरह् बुरे लोगो गाशी भे दया-कृपा करह्।

यूहन्ना 1:12

परह् जै-तोड़े लोगे ऐं तिनू धारण करे, मतल्व तिन के नाँव दा बिश्वाष करा; तिनू सोभी लोगों खे तिन्ऐ पंण्मिश्वर के अलाद बंण्णों का हंक-अधिकार दिता।

यूहन्ना 11:52

ऐ सिर्फ यहूदी जात्ति खे ने, परह् ईन्देंखे भे के से खिदर-बिदर हंऐ अंदी; पंण्मिश्वर के अलाद कंट्ठी करह्।

यूहन्ना 8:44

तुऐं आप्णें बाबा शैतान के असो, अरह् तुऐं आप्णें बाबा के हिछ़या पुरी कर्णी चहाँव; से शुरू शा ही ऊँबा हत्त्यारा असो। अरह् से सच्चाई का हिस्सा कंद्दी ने बंणीं, किन्देंखे के तेस्दी सच्चाऐ ने आथी; किन्देंखे के जबे भे से झुठो बुलो, तअ से आप्णें ही सभाव के कारण बुलो; किन्देंखे के से झुठा, अरह् झुठे का बाबा असो।

यूहन्ना 8:47

सेजा जू पंण्मिश्वर का असो, अरह् पंण्मिश्वर के बचन शुँणों; परह् ऐजे बचन तुऐ ईन्देंखे ने शुण्दें, के तुऐं पंण्मिश्वर के ने आथी।”

प्रेरितो कै काम 13:10

अरह् तेस्खे बुलो, “तू शैतान की अलाद असो! ‘ओ, नींच-दूष्ट, तू कप्ट अरह् छ़ल़ शा दाबी-दाबियों भराअँदा असो’; अरह् सात्त-भाँत्ती धार्मिक्त्ता का बऐरी असो! कियों तू प्रभू की सीधी बाट, च़ैली-बाँगी बाँण्णों शा भाज्दी ने?

रोमियों 13:8

आपस मुँझी पियार के सुवाऐ ओका कोसी भी बातो दे कर्जदार ने रूऐ; किन्देंखे के जू ओकी आरी पियार करह्, तेने ही ऋषी-मूसा खे भेटे गुऐं निय्म का पाल़्ण पुरा करी थुवा।

इफिसियों 5:1

हे, प्यारे नहाँन्ड़िया तुँऐं पंण्मिश्वर के अलाद असो, ईन्देंखे तिनके जिऐ बंणों;

कुलुस्सियों 3:14

ईनू सोभी गाशी प्यार जू ऐक्त्ता का चींन असो, सदा तुँऐं ईदे बाँनिऐं अंदें रूऐ।

1 तीमुथियुस 1:5

अज्ञाँ का मंतल्व ऐजा असो, के शुद्ध मंन अरह् आछे बरताव, अरह् बिना कऊँट्ल़े बिश्वाषों लई प्यार पय्दा हों।

1 यूहन्ना 2:29

जे तुँऐं ऐजो जाँणों ऐ के तुँऐं प्रभू दे धरमाँत्त्मा असो, तअ ऐजो भे जाँणीं पाव, के ऐक नाँम धरमाँत्त्मा आदमी भे तिन शे ही पय्दा हऐयों तिनकी ही अलाद असो।

1 यूहन्ना 3:1

बिचार करह्, के कैत्रा गऐरा पियार परंम-पिता पंण्मिश्वर आँमों आरी करह्, जिन्दें का कुँऐ भे किऐ पता नें लाऐ पाँदा, खास करियों संईसारी के लोगों कैई पंण्मिश्वर की पछ़याँण ने आथी; ईन्देंखे के से आँमों भे पंछ़याँण्दी ने, के आँमें तिनकी अलाद असो।

1 यूहन्ना 3:2

हे प्यारों, ऐबे आँमें पंण्मिश्वर की अलाद असो, अरह् हेबी तोड़ी ऐजो पर्गट ने हऐ रई, के आँमें आँणों वाल़े बख्तो दे का हंदे! परह् आँमें ऐजो जाँणों ऐ, के जबे से पर्गट हले, तअ आँमें भे तिनके जिऐं हंदे, किन्देंखे के तिनू आँमें तैष्णें ही दे:ख्दे जैष्णें से असो ऐ।

1 यूहन्ना 4:21

ऐजी अज्ञाँ आँमों तिन्ही कैई शी भेटी रंऐ, के जुण्जे पंण्मिश्वर आरी पियार करह्, से आप्णें बिश्वाषी भाई-बंईणों आरी भे पियार करह्।

1 यूहन्ना 4:6

आँमें पंण्मिश्वर के असो, अरह् जुण्जे कुँऐं पंण्मिश्वर जाँणों, से अमाँरी शुणो; परह् जुण्जें कुँऐं पंण्मिश्वर ने जाँण्दें, से अमाँरी भे शुण्दें ने। ईन्दी ही लई आँमें साच्ची अरह् झुठी आत्त्मा की पछ़याँण करी सको।

1 यूहन्ना 4:8

परह् जैस्दो पियार ने आथी, से पंण्मिश्वर शा अजाँण्दा असो, किन्देंखे के पंण्मिश्वर पियार असो।

1 यूहन्ना 5:19

आँमें जाणो ऐ, के आँमें पंण्मिश्वर के असो; अरह् बादी संईसारी तैसी शैतान के बष दी असो।

1 यूहन्ना 5:2

पंण्मिश्वर के अलाद हंणों का ऐजा परमाँण असो, के आँमें तिनशो पियार करह्; अरह् सेजो पियार तिनकी अज्ञाँ का पाल़्ण कर्णो के ही जाँणें पुरा हों।

3 यूहन्ना 1:11

हे प्यारों, बुराई के ने, परह् भलाई के साथी बणों। किन्देंखे के भला कर्णो वाल़े का पंण्मिश्वर असो; परह् जुण्जा बुराई कर्णो वाल़ा असो, तेने पंण्मिश्वर ने दे:खी थई।