1 यूहन्ना 2:7 - Sirmouri

⁷ हे प्यारों, हाँव तुँओं खे किऐ नंऐं अज्ञाँ ने लिख्दा, परह् सेजी ही पुराँणी अज्ञाँ जू शुरू शी तुँओं भेटी रऐ; ऐजी पुराँणी अज्ञाँ सेजा बचन असो, जेसी तुँऐ शुणी थुवा।

सिरमौरी नौवाँ नियम

⁷ ओए रै प्यारो, मोऐं तुऔं खै कुणजै नोऐं आज्ञा ना लैखै लैई, पौरौ सैजी पुराणी आज्ञा जू शुरु सै तुऔं भैट रौए; जिथु तुऐं शौणै राए जोबै तुऐं मसीह पांदी बिशवाश कौरा।

1 यूहन्ना 2:7 ပူးပေါင်းရင်းမြစ်များ

मत्ती 5:43

“ऋषी-मूसा खे भेटे गुऐ निय्म दो तुँऐं शुणी थो, के बुलो गुओं थियों, के ‘आप्णे पड़ोसी शो पियार थुऐं, अरह् आप्णी बऐरी शो बईर।’

यूहन्ना 13:34

हाँव तुँओं खे ऐक नंऐं अज्ञाँ देऊँ, के ओका ओकी शो प्यार करह्; जेष्णों मुँऐं तुँओं आरी प्यार करी थो, तेष्णों ही तुँऐं भे ओका ओकी शो प्यार करह्।

प्रेरितो कै काम 17:19

ईन्देंखे तिन्ऐं संत्त-पौलुस आप्णी गंईलो अरियुपगुस कैई नीयाँ, अरह् तेस कैई शो पुछ़ो; “कियों ऐजो आँमें भे जाँण्णों चहाँव, के ऐजी नंऐ शिक्षा जुण्जी तू आँमों कैई शी शुँणाँऐं ऐजी का शिक्षा असो?

इब्रानियों 6:9

परह् हे प्यारे साथियों, जे आँमें ऐजी बातो बुलो, तबे ही आँमें तुवाँरे बारे दी, ईन्दें शी आच्छ़ी अरह् छ़ुट्कारा देंणों वाल़ी बातो का बिश्वाष करह्।

1 यूहन्ना 2:24

ईन्दें का ख्याल थुऐ, के तुँओं दी सेजी ही शिक्क्षा पाक्की रंऐ च़ेंई, जुण्जी तुँऐं आगे शुभी शुणीं थऐ, अरह् जे तुँऐं तियों ही शिक्क्षा दे पाके अट्ल़ रंह्ले; तअ तुँऐं बैटे अरह् स्वर्गो के पिता दे भे बंणें अंदे रंह्दे।

1 यूहन्ना 3:11

तुऐं शुरू शी ऊबी ऐजी खुषख्बरी शुणीं थऐ, के ओका ओकी शो आपु जैष्णों पियार थुऐ;

1 यूहन्ना 3:2

हे प्यारों, ऐबे आँमें पंण्मिश्वर की अलाद असो, अरह् हेबी तोड़ी ऐजो पर्गट ने हऐ रई, के आँमें आँणों वाल़े बख्तो दे का हंदे! परह् आँमें ऐजो जाँणों ऐ, के जबे से पर्गट हले, तअ आँमें भे तिनके जिऐं हंदे, किन्देंखे के तिनू आँमें तैष्णें ही दे:ख्दे जैष्णें से असो ऐ।

1 यूहन्ना 3:21

हे प्यारों, जे अमाँरी अन्तर-आत्त्मा आँमों दुषी कसूरबार ने बाँणों, तअ आँमें पंण्मिश्वर के साम्णें नीडर बंणें अंदे रंह्दे;

1 यूहन्ना 3:23

ऐजी पंण्मिश्वर की अज्ञाँ असो, के आँमें तिनके बैटे मसीया प्रभू यीशू के नाँव गाशी बिश्वाष करह्, अरह् आँमों मुँझी पियार हों, जैष्णी तिन्ऐ आँमों खे अज्ञाँ देऐ थऐ।

1 यूहन्ना 4:1

हे प्यारों, सोभी आत्त्मा का बिश्वाष ने करे, परह् आत्त्मा के परख करह्, के सेजी आत्त्मा पंण्मिश्वर की असो ऐ, के आथी ने; किन्देंखे के बैजाऐ झूठे ऋषी संईसारी दे ऋषी बंणियों चाल पड़े।

1 यूहन्ना 4:11

हे प्यारों, जबे पंण्मिश्वर आँमों आरी ऐष्णों पियार करह्, तअ आँमों भे आपु मुँझी ऐष्णों ही पियार थंणों पड़ो।

1 यूहन्ना 4:21

ऐजी अज्ञाँ आँमों तिन्ही कैई शी भेटी रंऐ, के जुण्जे पंण्मिश्वर आरी पियार करह्, से आप्णें बिश्वाषी भाई-बंईणों आरी भे पियार करह्।

1 यूहन्ना 4:7

हे प्यारों, आँमें आपु मुँझी पियार थंह्; किन्देंखे के पियार पंण्मिश्वर शो भेटो। अरह् जू कुँऐं पियार करह्, से पंण्मिश्वर की अलाद असो, अरह् से पंण्मिश्वर जाँणों ऐ।