1 यूहन्ना 2:4 - Sirmouri

⁴ जू कुँऐं ऐजो बुलो, के “हाँव तिनू जाँणूऐं,” अरह् तिनकी अज्ञाँ ने से माँन्दा, तअ से झुठा असो; अरह् तैस्दी किऐ सच्चाऐ ने आथी;

सिरमौरी नौवाँ नियम

⁴ जू कुणिए आदमी ऐजौ बौल़ौ, “हांव तैसीखै जाणै गौआ,” पौरौ तैसकी आज्ञाओं खै ना मानौ, सै झूठा औसौ; औरौ सै पौरमेशवर कै साची सौंदेश कै हिसाब शै ना जियौं।

1 यूहन्ना 2:4 ပူးပေါင်းရင်းမြစ်များ

यूहन्ना 8:44

तुऐं आप्णें बाबा शैतान के असो, अरह् तुऐं आप्णें बाबा के हिछ़या पुरी कर्णी चहाँव; से शुरू शा ही ऊँबा हत्त्यारा असो। अरह् से सच्चाई का हिस्सा कंद्दी ने बंणीं, किन्देंखे के तेस्दी सच्चाऐ ने आथी; किन्देंखे के जबे भे से झुठो बुलो, तअ से आप्णें ही सभाव के कारण बुलो; किन्देंखे के से झुठा, अरह् झुठे का बाबा असो।

तीतुस 1:10

किन्देंखे के बैजाऐ लोग निकारे, बकबादी, अरह् धोखा देणों वाल़े असो; खास करियों यहूदी लोग खतना वाल़े मुँझ शे हों।

तीतुस 1:16

से ऐशो बुलो, के आँमें पंण्मिश्वर जाँणो ऐ, परह् से आप्णे काँम-काज़ लई तैष्णों पर्गट ने कर्दे; किन्देंखे के से शंगाव्णें अरह् अज्ञाँ ना-माँनणों वाल़े असो, अरह् किऐ भे आच्छ़ै काँम-काज़ कर्णो ज़ुगे भे आथी ने।

1 यूहन्ना 1:10

जे आँमें बुलो के आँमें किऐ पाप ने करी थई, तअ आँमें तिनू झूठे बाँणों; अरह् तिनका बचन आँमों दा बसा अंदा ने आथी।

1 यूहन्ना 1:6

जे आँमें बुलो, के तिनकी गईलो आँमें साजी असो, अरह् तबे भे आँमें ईनाँरे दे चालो, तअ आँमें झूठे असो, अरह् आँमें सच्चाई दे ने चाल्दे;

1 यूहन्ना 1:8

जे आँमें ऐजो बुलो, के आँमों दो किऐ पाप ने आथी, तअ आँमें आपु आपू खे धोखा दियों; अरह् आँमु दी किऐ सच्चाऐ ने आथी।

1 यूहन्ना 2:3

पंण्मिश्वर के अज्ञाँ का पाल़्ण करणा ईयों बातो का प्रमाँण असो, के आँमें पंण्मिश्वर जाँणी संम्झी पाया।

1 यूहन्ना 2:9

जुण्जा कुँऐं ऐजो बुलो, के हाँव ज्योत्ति-प्रकाष दा असो, अरह् तबे भे से आप्णें भाऐ बंऐणीं दा शंगाऐयों तिनशो बईर करह्, तअ से हेबी तोड़ी भे ईनाँरे दा ही असो।

1 यूहन्ना 3:6

जुण्जा कुँऐं मसीया दा बंणा अंदा रंह्, से पाप ने करदा: अरह् जुण्जा कुँऐं पाप करदा रंह्, तेने ना तअ कोद्दी तिनू दे:खी थई, अरह् ना से तिनू जाँण्दा।

1 यूहन्ना 4:20

जे कुँऐं ऐशो बुलो, के “हाँव पंण्मिश्वर शो पियार करू” अरह् से आप्णे बिश्वाषी भाई-बंईणों दा शगाँऐयों तिनू आरी बईर करह्, तअ से झूठा असो; किन्देंखे के जेने आप्णे बिश्वाषी भाई-बंईणों दे:खियों भे तिनू आरी पियार ने करी, तअ पंण्मिश्वर शो जेसी तेने दे:खी ने थई, तैच़्छ़ौ से पियार करी सक्दा।

1 यूहन्ना 4:7

हे प्यारों, आँमें आपु मुँझी पियार थंह्; किन्देंखे के पियार पंण्मिश्वर शो भेटो। अरह् जू कुँऐं पियार करह्, से पंण्मिश्वर की अलाद असो, अरह् से पंण्मिश्वर जाँणों ऐ।