1 यूहन्ना 2:3 - Sirmouri

³ पंण्मिश्वर के अज्ञाँ का पाल़्ण करणा ईयों बातो का प्रमाँण असो, के आँमें पंण्मिश्वर जाँणी संम्झी पाया।

सिरमौरी नौवाँ नियम

³ जै आमु पौरमेशवर कै आज्ञाओं खै मानुए, तौ तेसीयांदा ही आमु पौता चालदा कै आमु तैसीखै जाणुए।

1 यूहन्ना 2:3 ပူးပေါင်းရင်းမြစ်များ

लूका 6:46

“जबे तुँऐं मेरा कऐणाँ ने माँन्दे। तअ मुँखे ‘हे प्रभू, हे प्रभू’ किन्दें खे बुलो?

यूहन्ना 14:15

“जे तुँऐं मुँह आरी प्यार कर्दे, तअ तुऐ मेरी अज्ञाँओं का पाल़्ण कर्दे।

यूहन्ना 15:10

जे तुँऐं मेरे प्यार दे पाक्कै बंणें अंदे रंह्ले, तअ तुऐं मेरी अज्ञाँयों का पाल़्ण कर्ले; जेष्णाँ हाँव आप्णें बाबा की अज्ञाँयों का पाल़्ण करदा आऐ रूवा, अरह् तिनके प्यार दा पाक्का बंणाँ अंदा रंह्ऐ रूवा।

यूहन्ना 15:14

जे तुऐं मेरी अज्ञाँ का पाल़्ण करह्; तअ तुऐं मेरे दोस्त्त-साथी बँण्दे।

यूहन्ना 17:3

अमर-जीवन ऐजा ही असो, के तुँऐं सिर्फ ऐक साच्चै पंण्मिश्वर असो; जिन्ऐं आप्णाँ बैटा यीशू मसीया जेसी तुऐं डेयाल़ी थुवा, तिनू सेजी बादी जात्ती, अरह् बादे प्राँणीं जाँणों अरह् पंह्छ़ियाँणों।

2 कुरिन्थियों 4:6

किन्देंखे के पंण्मिश्वर ही असो, जिन्ऐं बुलो, “ईनाँरें मुँझ्शी ज्योत्ति-चंम्को,” अरह् सेही अमाँरे सासो दी चंम्की, के पंण्मिश्वर की बड़ियाऐ की पंछ़याँण की चंम्क यीशू मसीया के मुँख्ड़े शी प्रकाषमाँन हऐ।

इब्रानियों 5:9

अरह् सीद्ध बंणियों आप्णें बादे अज्ञाँ माँनणों वाल़े की ताँईऐं सदा खे छ़ुट्कारा देणों वाल़े बंणें;

1 यूहन्ना 2:13

हे पुराणियों, हाँव तुँओं खे ईन्देंखे लिखू, के जू ज़ूगौ शो ऊबो असो, सेजो तुँऐं जाँणों ऐ। हे जुवाँनों, हाँव तुँओं खे ईन्देंखे लिखू, के तुँऐं तैसी शैतान गाशी जींत्त पाँऐ थऐ। हे प्यारे नहाँन्ड़िया, मुँऐं तुँओं खे ईन्देखे लिखी थो, के तुँऐं स्वर्गो के पिता के बारे दो जाँणी थो।

1 यूहन्ना 3:14

आँमें जाँणोऐं, के आँमें मऊँत्ती के बष शे दुर्के हऐयों अमर-जीवन दे पंऊँची रूऐ; किन्देंखे के आँमें आपु मुझी ओका ओकी शो पियार थंह्। परह् जुण्जा कुँऐं ओका ओकी शो पियार ने थंह्दा से हजो भे मऊँत्ती की बष दा असो।

1 यूहन्ना 3:19

ईन्दी ही लई आँमों दीड़-हिम्मत भेटो, के आँमें तियों ही सच्चाई के असो; ईन्दी के जाँणें आँमें पंण्मिश्वर के साम्णें तिनू सोभी बातो के भूर्षे दे रंऐ सको।

1 यूहन्ना 3:6

जुण्जा कुँऐं मसीया दा बंणा अंदा रंह्, से पाप ने करदा: अरह् जुण्जा कुँऐं पाप करदा रंह्, तेने ना तअ कोद्दी तिनू दे:खी थई, अरह् ना से तिनू जाँण्दा।

1 यूहन्ना 4:13

ईन्दें लई ऐजो जाणी ज़ाँव के आँमें तिन्दा अरह् से आँमों दा बास करह्; किन्देंखे के तिन्ऐं आप्णी आत्त्मा आँमों खे देऐ थऐ।

1 यूहन्ना 4:7

हे प्यारों, आँमें आपु मुँझी पियार थंह्; किन्देंखे के पियार पंण्मिश्वर शो भेटो। अरह् जू कुँऐं पियार करह्, से पंण्मिश्वर की अलाद असो, अरह् से पंण्मिश्वर जाँणों ऐ।

1 यूहन्ना 5:19

आँमें जाणो ऐ, के आँमें पंण्मिश्वर के असो; अरह् बादी संईसारी तैसी शैतान के बष दी असो।

1 यूहन्ना 5:2

पंण्मिश्वर के अलाद हंणों का ऐजा परमाँण असो, के आँमें तिनशो पियार करह्; अरह् सेजो पियार तिनकी अज्ञाँ का पाल़्ण कर्णो के ही जाँणें पुरा हों।

1 यूहन्ना 5:3

पंण्मिश्वर की अज्ञाँ का पाल़्ण करणा ही पंण्मिश्वर शो पियार कर्णों का परमाँण असो, परह् तिनकी अज्ञाँ कठींण ने आथी;

प्रकाशितवाक्य 12:17

तबे सेजा पाँखों वाल़ा बड़ा अजंगर तियों तिरंई खे घीपा, अरह् तियाँरी ओकी अलादी शो, ज़ूद्ध करदा नींक्ल़ा, मंतल्व तिनू लोगों आरी जुण्जे पंण्मिश्वर के अज्ञाँओं का पाल़्ण करह्, अरह् प्रभू यीशू के बारे दी देई गंई गुवाई-शाज़्त्त दे पाक्कै-अट्ल़ रंह्।

प्रकाशितवाक्य 14:12

ईन्देंखे ऐजो जरूरी असो, के पबित्र लोगो का धीरज ईन्दी ही असो, के जुण्जे पंण्मिश्वर की आत्त्मा की अज्ञाँ माँनों अरह् प्रभू यीशू गाशी बिश्वाष थंह्।

प्रकाशितवाक्य 22:14

“भागोईंत्त असो! सेजे जिन्ऐं आप्णें चाल-चल्ण के खोट्णों जिऐ धूई पाँऐ; किन्देंखे के से जीवन के डाल़ो के हंकदार, अरह् से कुवाड़ो बाटी सुऐं करियों तेसी नंगर दे हाजीर हंदें।