1 यूहन्ना 2:29 - Sirmouri

²⁹ जे तुँऐं ऐजो जाँणों ऐ के तुँऐं प्रभू दे धरमाँत्त्मा असो, तअ ऐजो भे जाँणीं पाव, के ऐक नाँम धरमाँत्त्मा आदमी भे तिन शे ही पय्दा हऐयों तिनकी ही अलाद असो।

सिरमौरी नौवाँ नियम

²⁹ जिथुकै तुऐं जाणौए, कै मसीह धरमी औसौ, तौ ऐजौ बै जाणौ कै जू कुणिए धार्मिकता का काम कौरौए सै पौरमेशवर कै संतान औसौ।

1 यूहन्ना 2:29 ပူးပေါင်းရင်းမြစ်များ

यूहन्ना 1:13

से ना तअ लह्ऊँ शा, ना देह्-शरीर की हिछ़्या शा; अरह् ना कोसी आदमी की हिछ़्या शा, परह् से पंण्मिश्वर शा पय्दा हुवा।

यूहन्ना 7:18

किन्देंखे के जुण्जा कुँऐं आप्णें बिचार शुँणाँव, से आप्खे ही आदर-ईज्ज्त्त चहाँव; परह् जुण्जा आप्णें डेयाल़्णों वाल़े खे आदर-ईज्जत्त चहाँव, से बुलकुल साच्चा असो; अरह् तेस्दा किऐ भे छ़ल़-कपट ने आथी।

प्रेरितो कै काम 10:35

आदमी भाँव कोसी भी जात्ती का हों, अरह् जे कुँऐ पंण्मिश्वर की भग्त्ति करह्, अरह् तिनू गाशी श्रदा थंह्; तअ तैसी गाशी पंण्मिश्वर की कृपा के नंजर सदा बंणाँऐ अंदी थंह्; अरह् तेस्का सभाव भे तेष्णाँ ही हऐ ज़ाँव।

प्रेरितो कै काम 22:14

तबे तेने बुलो, ‘अमाँरे पुराँणियाऐं के पंण्मिश्वर ऐ ताँव, ईन्देंखे छाँटी थुवा, के तू तिनकी हिछ़या जाँणें, अरह् तेसी धर्मी देखे अरह् तिनके मुँहों शी बातो शुँणें।

प्रेरितो कै काम 3:14

तुँऐं लोगे ऐं ऐक पबित्र अरह् धरमाँत्त्मा जंण माँनी ने; परह् ऐक हत्त्यारा छ़ुड़ोणों के माँग करी।

2 कुरिन्थियों 5:21

जू पाप शा अजाँण्दा थिया, तेसी ही तेने अमाँरी ताँईऐं पापी बंणाँऐया, के आँमें तिन के जाँणें धार्मिक्त्ता बंणी ज़ाँव।

इब्रानियों 7:2

अरह् बाबा-अब्राहम ऐ तैस्खे तिनू बादी चींजो का दषंवाँ-भाग दिता, जू तेने राजाओं कैई शो लड़ाई दो जीती थुओ थियों; याजक-मलिकीसिदक के नाँव का मतल्व (“धार्मिक्त्ता का राजा” अरह् शालेम का राजा, मंतल्व “शाँण्त्ति का राजा” असो)।

इब्रानियों 7:26

तअ: ऐष्णाँ ही महाँ-याजक आँमों ज़ूगा थिया, जू पबित्र, नीर-दोष, नीष-कंल़्क, अरह् पापियों शे ज़ोई, अरह् स्वर्गो शे भे ऊगले करे गुऐ हों।

याकूब 1:18

तिन्ऐं आप्णी हिछ़्या पुरी कर्णों खे आँमों सच्चाई के बचनों के जाँणें नुवाँ जीवन दिता, के आँमें तिनके जाँणें बंणाऐं गुऐ, पराँणी मुझ्शे बिश्वाष का आगला फल़ बंणों।

1 पतरस 1:23

किन्देंखे के तुँऐं नाँष बाँन ने, परह् नाँष ने हंणों वाल़े बीज़ो शे, पंणमिश्वर के जीऊँदे अरह् सदा अट्ल़ बचन के जाँणें नुवाँ जीवन पाँऐ थुवा।

1 पतरस 1:3

अमाँरे प्रभू यीशू मसीया के पंणमिश्वर अरह् परंम-पिता पंणमिश्वर का धन्यबाद हुआ चेंई, जिन्ऐं प्रभू यीशू मसीया मरे अंदे मुझ्शे पाछु ऊबे जियाल़्णों के जाँणे, आप्णी बैशुमाँर बड़ी दया-कृपा शे आँमों खे पाछ़ू ऊबे जीऊँदे भूर्षे खे नुवाँ जन्म दिता,

1 पतरस 3:18

किन्देंखे के मसीया ऐ भी अमाँरे पापों की ताँईऐं ऐकी बंई दु:ख भूगा, मतल्व जू बै-कसूर थिऐ, तिन्ऐं आँमों पापियों की ताँईऐं ऐकी बई मंऊँत्त कबूल करी, जू आँमों पंणमिश्वर के साम्णें नीयों, शरीर के भाव शे तअ से माँरी गुऐ, परह् पबित्र-आत्त्मा के भाव शे तिनू ऊबे जीयाल़े गुऐं।

2 पतरस 1:4

जिन्दे के जाँणें तिन्ऐ आँमों खे किम्त्ति बर्दांन देऐ थुऐ, जिनू देणों का तिन्ऐं बाय्दा करी थुवा थिया: जू तुँऐं तिनके जाँणें आपु खे पंण्मिश्वर के जैष्णें बंणी ज़ाँव, अरह् तेसी नाँष शे बंची ज़ाँव, जू लोगो की बुरी हिछ़ा के जाँणें ईयों संईसारी दे असो।

1 यूहन्ना 2:1

मेरे प्यारे नहाँन्ड़िया, हाँव ऐजी बातो तुँओं खे ईन्देंखे लिखू, के तुँऐं पाप ने करह्; अरह् जे कुँऐं किऐ पाप करह्, तअ स्वर्गो के परमं-पिता पंण्मिश्वर के साम्णें अमाँरे पापो शा बचाव कर्णो वाल़ा ऐक असो; अरह् सेजा असो धर्मी प्रभू यीशू मसीया।

1 यूहन्ना 3:5

तुँऐं तअ जाँणोंऐं, के मसीया ईन्देंखे पर्गट हुऐं, जू पाप खत्त्म करह्, अरह् तिनके सभाव दा किऐ भे पाप ने थी।

1 यूहन्ना 3:7

हे प्यारे नहाँन्ड़िया, कुँऐं तुँओं सच्चाई की बाटो शे भट्काऐ ने दियों; किन्देंखे के धरमाँत्त्मा सेजा ही असो, जैस्की चाल-ढाल ठीक हों; जैष्णें प्रभू यीशू मसीया धरमाँत्त्मा असो।

1 यूहन्ना 4:7

हे प्यारों, आँमें आपु मुँझी पियार थंह्; किन्देंखे के पियार पंण्मिश्वर शो भेटो। अरह् जू कुँऐं पियार करह्, से पंण्मिश्वर की अलाद असो, अरह् से पंण्मिश्वर जाँणों ऐ।

1 यूहन्ना 5:1

जैस्का ऐजा बिश्वाष असो, के प्रभू यीशू ही मसीया असो, तअ सेजा पंण्मिश्वर की अलाद असो; अरह् जुण्जा कुँऐं आप्णें परमं-पिता पंण्मिश्वर शो पियार करह्, तअ से तैस्की अलादी आरी भे पियार करह्।

1 यूहन्ना 5:18

आँमें जाँणों ऐ, के जू कुँऐं पंण्मिश्वर शा पय्दा हऐ रूवा, से पाप ने करदा रंह्दा; परह् पंण्मिश्वर का बैटा तैसी बंचाऐयों थंह्, अरह् सेजा शैतान तेसी छूई भे ने सक्दा।

1 यूहन्ना 5:4

जुण्जा पंण्मिश्वर शा पय्दा हऐ रूवा, से संईसारी गाशी जीत्त पाँव; ऐजी जीत्त जुण्जी संईसारी गेशी जीत्ती रंऐ, से ऐजी असो: मतल्व अमाँरा बिश्वाष ही जीत्त असो।

3 यूहन्ना 1:11

हे प्यारों, बुराई के ने, परह् भलाई के साथी बणों। किन्देंखे के भला कर्णो वाल़े का पंण्मिश्वर असो; परह् जुण्जा बुराई कर्णो वाल़ा असो, तेने पंण्मिश्वर ने दे:खी थई।