1 यूहन्ना 2:27 - Sirmouri

²⁷ परह् तुवाँरा राज तिलक जुण्जा तिनके जाँणें करा गुवा, सेजा तुँओं दा पाक्का अट्ल़ रंह; अरह् तेसी राज तिलक के असर लई, ऐजो जरूरी असो, के कुँऐ तुँओं खे किऐ ओकी शिक्क्षा ने दियों; किन्देंखे के जुण्जी शिक्क्षा तुँओं खे देऐ थऐ, अरह् जुण्जो तुँओं कैई शो शिखाऐ थो; सेजो साच्चो असो, अरह् तुँऐं तियों ही शिक्क्षा के मुँताबिक मसीया दे पाके अट्ल़ रंह।

सिरमौरी नौवाँ नियम

²⁷ औरौ तुऔं मसीह कै ढौबौशा पवित्र आत्मा दैय राए औरौ सै तोंवारै भीतरै रौंव; इथकारिए तुऔं शिखाणौ कारिए कोसी कै जौरुरी ना आथी यानी पवित्र आत्मा तुऔं तिनु बातौ कै बारै मुंजी सारै सौचाई कै जाणणौ दै मौदद कौरदा। औरौ जू किछै पवित्र आत्मा तुऔं शिखांव सै साची बातौ औसौ झूठी ना आथी, इथकारिए जैशै कै पवित्र आत्मा तुऔं कै कौरणौ खै बौल़ौए तैशै कै ही मसीह कै साथै एकता दै बौणैयौंदे रौव।

1 यूहन्ना 2:27 ပူးပေါင်းရင်းမြစ်များ

मत्ती 13:11

तबे प्रभू यीशू ऐं जबाब दिता, “तुँओं खे स्वर्गो के राज्य के भेद् की संम्झ देऐ थंऐ, परह् ईनखे ने देऐ थंई।

यूहन्ना 14:16

हाँव बाबा कैई ऐजी अरज़ करूबा, अरह् से तुँओं खे ऐक मदत्तगार देला, जुण्जा संदा काल तोड़ी तुवाँरी गईलो रंह्ला।

यूहन्ना 14:17

सच्चाई की आत्त्मा, जियों ईऐ संईसारी ऐ धारण ने करी; किन्देंखे के संईसारी ना तअ तियों देख्दे, अरह् ना तियों जाँण्दे; परह् तुँऐं तअ तियों जाँणों ऐ, किन्देंखे के से तुओं दा बास करह्; अरह् से तुओं दी हमेशा बंसी अंदी रंह्दी।

यूहन्ना 14:26

परह् ‘मद्त्तगार’ मतल्व पबित्र-आत्त्मा, जियों बाबा मेरे नाँव शी डेयाल़्दा; से तुँओं कैई शी बादी सब-कुछ़ बातो शिखाली, अरह् जुण्जो किऐ मुँऐं तुओं कैई बुली थो, सेजो से तुओं कैई शो चींत्ते-मंने कराली।

यूहन्ना 16:13

जबे सेजा मंद्त्तगार, मतल्व सच्चाई की आत्त्माँ आली; तअ से पुरी सच्चाई दी, तुओं खे बाट लाँह्दी; से आप्णीं तरफ़ शो किऐ ने बुल्दी, परह् से सेजो ही बुल्दी; जुण्जो से शुँण्ली, से तुवाँरी ताँईऐ आँणों वाल़ी घट्णाँ पर्गट कंरियों तुवाँरे संहाँम्णें आँण्लीं।

यूहन्ना 4:14

परह् जुण्जा कुँऐं मेरो दितो अंदो ऐजो जल पीला, तेसी हजो कोद्दी भे च़ीष ने लागदी; अरह् जुण्जों जल हाँव तेस्खे देऊँबा, सेजो जल तेस्दो फट्वाँणी जियों फाट्लो, जुण्जो हमेशा के अमर-जीवन खे बड़्दो रंह्लो।”

यूहन्ना 6:45

ऋषियों ऐ पबित्र-ग्रन्थों दो लिखी थो, के सेजे लोग बादे पंण्मिश्वर कैई शी शिक्क्षा पाँदे; जेने कुँणिऐं बाबा कैई शो शुँणी अरह् शिखी थो, से मुँह कैई आँदा।

1 कुरिन्थियों 2:12

परह् आँमों दी ईयों संईसारी की आत्त्मा ने, परह् आँमों सेजी पबित्र-आत्त्मा भेटी रंऐ, जू पंणमिश्वरे आप्णें दिल शी आँमों खे देऐ थऐ, के आँमें सेजी बादी बातो जाँणी पाँव जुण्जी पंणमिश्वर की असो।

1 कुरिन्थियों 2:13

आँमें तिनखे जू आत्त्मिक असो, आत्त्मिक बातो का बखाँण आदमी के ज्ञाँन की भाषा दा ने; परह् आत्त्मिक भाषा दा शुणाँव।

2 कुरिन्थियों 1:21

अरह् जू आँमों तुँवारी गईलो मसीया दे पाक्के करह्, अरह् जिन्ऐं अमाँरा चुणाँव करी थुवा, सेजा ही पंण्मिश्वर असो,

इफिसियों 4:21

परह् तुँऐं सत्तिखे तिनकी ही शुँणी, अरह् जैष्णो प्रभू यीशू दो साच्चो असो, तिन्दी ही तुँओं शिखाऐं भे थुऐ;

कुलुस्सियों 2:6

ईन्देंखे के तुऐं जेष्णाँ मसीया यीशू धारण करी थुवा; तअ तुऐं आप्णाँ जीवन भे तिनही आरी जीयों।

1 थिस्सलुनीकियों 2:13

ईन्देंखे आँमें भे पंण्मिश्वर का धन्यबाद सदा कर्दे रंह्, के जबे अमाँरे जाँणें पंण्मिश्वर की खुषख्बरी का बचन तुँओं कैई पईचा, तअ तुँऐं तेसी आदमी का ने; परह् पंण्मिश्वर का बचन जाँणा, (अरह् सत्तिखे ऐ ऐष्णों ही असो) तुँऐं भे माँनों; अरह् से तुँओं बिश्वाषी मुँझी जू बिश्वाष थंह्, ऐक दब-दबा बंणा अंदा रंह्।

1 थिस्सलुनीकियों 4:9

परह् भाई के प्यारो के बारे दो ऐजो जरूरी ने आथी, के हाँव तुँओं खे किये लिखू, किन्देंखे के आपु मुँझी प्यार थंणों, आँमें आपु ही पंण्मिश्वर कैई शो शिखी थो;

1 तीमुथियुस 2:7

ऐसी ही मंतल्व शा मुँह च़ूणाँ-छ़ाँटा गुवा प्रचार की ताँईऐं, अरह् खाँस-चैले के रूप दा, गऐर यहूदियों खे संच्चाई की शिक्क्षा देंणों खे डेयाल़ा गुवा; मुँऐ ऐजो साच्चों बुली लुओं; ऐजों झ़ूठों ने आथी।

1 पतरस 1:23

किन्देंखे के तुँऐं नाँष बाँन ने, परह् नाँष ने हंणों वाल़े बीज़ो शे, पंणमिश्वर के जीऊँदे अरह् सदा अट्ल़ बचन के जाँणें नुवाँ जीवन पाँऐ थुवा।

1 यूहन्ना 2:28

हे प्यारे नहाँन्ड़िया, तिन्दी पाक्के बंणें अंदे अट्ल़ रूऐ, के जबे प्रभू पर्गट हों, तअ आँमें निडर हुऐ चेंई, अरह् तिनके आँव्णों गाशी आँमें शर्मिन्दें ने हुऐ चेंई।

1 यूहन्ना 3:24

जुण्जा तिनकी अज्ञाँ का पाल़्ण करह्, से तिन्दा पाक्का अट्ल़ रंह्: अरह् तैस्दा पंण्मिश्वर बसा अंदा रंह्; ईन्दें का पता आँमों कैई पबित्र-आत्त्मा के जाँणें लागो, जुण्जी पबित्र-आत्त्मा आँमों खे पंण्मिश्वर देऐ थऐ।

2 यूहन्ना 1:2

सेजी सच्चाऐ जू आँमों दी पाक्की रंह्, अरह् सदा-सदा अमाँरी गईलो अट्ल़ रंह्दी;