1 यूहन्ना 2:16 - Sirmouri

¹⁶ किन्देंखे के जुण्जो किऐ संईसारी दो असो, मतल्व देह्-शरीर की बुरी हिछ़या, अरह् आ:खी की बुरी हिछ़या, अरह् जीऊँणों का घमन्ड, से स्वर्गो के पिता की ढबे शा ने परह् संईसारी की ही ढबे शो हों।

सिरमौरी नौवाँ नियम

¹⁶ जिथुकै जू किछै दुनिया मुंजी औसौ, यानी शोरीर कै पापी अभिलाषा औरौ आखी की इछा औरौ धन दौलत का घमण्‍ड, ऐजौ पिता पौरमेशवर कै ढौबौशौ ना आथी पौरौ दुनिया कै ही ढौबौशौ औसौ।

1 यूहन्ना 2:16 ပူးပေါင်းရင်းမြစ်များ

मत्ती 4:8

प्रभू यीशू शैतान ऐं बेजाऐ ऊगले धारह् गाशी नीऐं, अरह् बादी संईसारी को राज्य, अरह् तिन्दें की चंम्क-दंम्क,

मत्ती 5:28

परह् हाँव तुँओं खे ऐजो बुलू, के जे कुँऐं कोसी तिरोंई गाशी ऐई भे बुरी नंजर थह्ला, तअ तेने आप्णें मंन शी तियों आरी चोरी-जारी करी पाऐ।

लूका 4:5

तबे शैतान ऐं प्रभू यीशू आप्णी गईलो ऊगले दे नींऐ अरह् ऐग्ड़िखे तिन कैईं शो बादी संईसारी को राज-पाट दे:खाओ,

रोमियों 13:14

परह् प्रभू यीशू मसीया धारण करह्, अरह् आप्णें पापी सुभाव की हिछ़या पुरी कर्णो की कोशिष ने करह्।

1 कुरिन्थियों 10:6

ऐजी बादी घट्णाँ आँमों खे चिताऊँणी असो, के आँमें बुराई की हिछ़या ने करो, जैष्णी के अमाँरे पुराँणियाँ बुढ़ाईके करी थी;

गलातियौं 5:17

किन्देंखे के देह्-शरीर की बुरी हिछा पबित्र-आत्त्मा का बिरोध करह्; अरह् पबित्र-आत्त्मा देह्-शरीर की बुरी हिछा का बिरोध करह्; अरह् ऐ ओका ओकी के बिरोधी असो, ईन्देंखे के तुँऐं जुण्जो कर्णो चहाँव, सेजो करीने सक्दें।

गलातियौं 5:24

अरह् जू प्रभू यीशू मसीया के असो, तिन्ऐ देह्-शरीर की बुरी हिछा, अरह् तिन्दें के शोक, समेत शुँल़ी-फ़ाँशी चढ़ाऐ पाँव।

इफिसियों 2:3

आँमें लोग भे आगे तिनही अपराधियों के साथी-संगाथीं थिऐ; जबे आँमें आप्णी देह्-शरीर की बासना के बष दे थिऐ; अरह् आप्णी मंन की हिछ़या पुरी करह् थिऐ, तअ आँमें भे ओकी ही जैष्णें आप्णें सभाँव के कारण पंण्मिश्वर की सजा ज़ूगै थिऐ।

तीतुस 2:12

अरह् आँमों खे चिताँव्णी दियों, के आँमें मुँरूख्ता अरह् संईसारी की लाल़्चो शा मंन बद्ल़ियों ऐसी ज़ूगौ दे द्रिडता, धर्म अरह् भक्त्ति शा जीवन बिताँव;

तीतुस 3:3

किन्देंखे के आगे आँमें भे बै-अक्ले, अरह् अज्ञाँ ने माँनणों वाल़े थिऐ, धोखे अरह् ऊकी हिछ़या की सूख-विलास के कर्जदार थिऐ, बईर भाव, अरह् डाह-जल़ंन कर्णो दा जीवन बिताँव थिऐ, अरह् ओकी दे शंगाँव थिऐ, अरह् ओकी शो बईर करह् थिऐ।

याकूब 3:15

ऐजा ज्ञाँन स्वर्गो के ईश्वर का ने परह् संईसारिक, सभाव अरह् दुष्ट-आत्त्मा शैतान का हों।

याकूब 4:16

परह् तुँऐं आप्णी हंकार दा घुमंन्ड करह्, परह् हंकार अरह् घमंन्ड पाप शा भरा अंदा हों।

1 पतरस 1:14

अज्ञाँ कारी नहाँन्ड़िया जेष्णें तेसी बख्तो की बुरी हिछ़्या के मुताबिक आपु तेसी ढाल़ो दे ने ढल़ै, जेष्णें तुँऐं आगे थिऐ, जबे तुँऐं अजाँण्दे थिऐं।

1 पतरस 2:11

हे प्यारों, हाँव तुँओं शी अरज करू के तुँऐं आपु खे प्रदेशी अरह् मुसाफर जाँणियों ईयों संईसारी की बुरी हिछ़या शे दुर्के रूऐ; जू तुँवारी आत्त्मा आरी ज़ूद्ध करह्।

2 पतरस 2:10

खास करियों तिनू जू अ-शुद्ध बुरी हिछ़यों पाछ़ी देह्-शरीर के मुँताबिक चाल्दे हंक-अधिकार भे बैकार जाँणों; से ढीठ, अरह् हठावणें असो, अरह् ऊँचे पद्-भार वाल़े, लोगों खे बुरो-भलो बुल्णों दे डर्दे ने,

2 पतरस 2:18

से बै-कार के तारीफ की बातो करी-करियों चप्लूसी की काँम-काज़ के जाँणें, तिनू लोग देह्-शरीर की हिछ़या दे फशाँऐं दियों, जू भट्के अंदे मुझ्शे हेभी नीकल़ी ही ने रंई।