1 यूहन्ना 2:15 - Sirmouri

¹⁵ तुँऐं ना तअ संईसारी शो, अरह् ना संईसारी की कियों भी चींजो शो, पियार थुऐ। जे कुँऐं संईसारी शो पियार थंह्, तअ तैस्दो स्वर्गो के पिता को पियार ने आथी।

सिरमौरी नौवाँ नियम

¹⁵ तुऐं दुनिया शै औरौ दुनिया की चीज़ौ आरी प्यार ना राखौ। जै कुणिए दुनिया आरी प्यार कौरौ, तौ तेसिदा पिता पौरमेशवर का प्यार ना आथी।

1 यूहन्ना 2:15 ပူးပေါင်းရင်းမြစ်များ

मत्ती 4:8

प्रभू यीशू शैतान ऐं बेजाऐ ऊगले धारह् गाशी नीऐं, अरह् बादी संईसारी को राज्य, अरह् तिन्दें की चंम्क-दंम्क,

मत्ती 6:24

“कुँऐं आदमी दू: मालिक-स्वामी की सेवा ने करी सक्दा, किन्देखे के से ऐकी आरी बईर अरह् ओकी आरी पियार करदा, ऐकी आरी मीलियों रंह्दा, अरह् ओकी से छुटा जाँण्ल़ा। तुँऐं पंणमिश्वर अरह् धंन दुई की सेवा ने करी सक्दे।

लूका 16:13

“कुँऐं भे सेंवक दु: माँलिक के सेंवा ने करी संक्दा; किन्देंखे के से ऐकी आरी प्यार, अरह् दुज़े आरी डामा-डोल रंह्ला; ईन्देंखे से ऐकी आरी मीलियों रंह्ला, अरह् दुज़ै आरी शा दुरका रंह्दा; तुँऐं पंण्मिश्वर अरह् धंन दुई के सेवा ने करी सक्दे।”

यूहन्ना 15:19

किन्देंखे के जे तुँऐं संईसारी के हंदे, तअ संईसारी तुओं आरी बंईर ने कर्दी थी; ऐजों जाँणिंयों के तुँऐं आप्णें ही असो; किन्देंखे के मुँऐ तुओं ईयों संईसारी मुँझ्शे च़ूणी-छ़ाँटी थुऐ, ईन्देखे संईसारी तुओं आरी बंईर कर्दी।

रोमियों 12:2

ईयों संईसारी के जेष्णें ने बंणें; परह् तुवाँरे मंन नुऐं हंणों लई, तुवाँरा चाल-चल़्ण भे बद्ल़ी दियों, जू तुवाँरे जाणियों के पंणमिश्वर तुँओं खे का चहाँव, अरह् तिनकी नंजरी दो का आछ़ो भाव्णों वाल़ो, अरह् परीपुर्ण असो।

गलातियौं 1:10

कियों ईन्दें लई तुवाँरे ऐशो जाँणियों, के हाँव आदमी की सहाऐता चहाँऊ? के ऐजो, के मुँह पंण्मिश्वर के सहाऐता भेटी चेंई? के हाँव आदमी खुशी कर्णें चहाऊँ? परह् जे हाँव आदमी खुशी करदा तअ हाँव मसीया के दास जेष्णाँ ने हंदा।

इफिसियों 2:2

किन्देंखे के तुवारा चाल-चल्णँ आगे ऐसी ज़ूगौ के रित्ति-रूवाज के मुँताबिक, जू अस्माँनों दा हंक-अधिकार जमाँनों वाल़े, हाकमों के मुँताबिक थिऐ; जुण्जे तियों आत्त्मा के बंष दे थिऐ, जुण्जी आत्त्मा हेभी तोड़ी पंण्मिश्वर के बिरोधियों आरी काँम-काज़ करह्।

1 तीमुथियुस 6:10

किन्देंखे के रूपिऐ का लोभ बादी बुराई की जड़ असो, जिनू पाँणों की कोशिष दी बहीते लोग बिश्वाष शे भट्कियों आपु-आप्खे कई किस्म के दु:खो लई छिनं-भीनं हऐ ज़ाँव।

याकूब 1:27

परंम-पिता पंणमिश्वर के साम्णें साची अरह् शुद्ध भगत्ति सेजी ही असो, जू अनाँथों अरह् बिधवा के सु:ख-दु:ख दे मंदत करह्, अरह् आपु दा किऐ संईसारिक कल़ंक ने लागणों दियों।

याकूब 4:4

ओ कू-कर्मी बिगड़े अंदे लोगो, कियों तुँऐं जाँण्दें ने, के संईसारी शी मित्रता कर्णी, पंणमिश्वर आरी बईर कर्णो असो? अरह् जुण्जा कुँऐं संईसारी का मित्र-दोस्त्त बंण्णा चाँव; से आपु आप्खे पंमिश्वर का बऐरी बाँणों।

1 यूहन्ना 3:17

जे कोसी कैई संईसारी की जजाऐत हंदे भे आप्णें बिश्वाषी भाई-बंईणी की जरूरत के अंण दे:खी करह्; तअ कियों दाँई ऐजो बुलो ज़ाँदों के ऐस्दो पंण्मिश्वर को पियार असो?

1 यूहन्ना 4:5

जुण्जे लोग संईसारी के हों, तिनकी बात-चीत्त भे संईसारी की ही हों, अरह् संईसारी भे तिनकी ही बातो दा आप्णा मंन लाँव।

1 यूहन्ना 5:10

जुण्जा कुँऐं पंण्मिश्वर के बैटे गाशी बिश्वाष करह्, तैस्दी ऐजी गुवाऐ-शाज़्त तैस्के सासो भीत्री चुप्पी हों, अरह् जैस्का बिश्वाष पंण्मिश्वर दा ने आथी, तेने तिनू झूठे बंणाँऐं दिते, किन्देंखे के तेने पंण्मिश्वर के सेजी गुवाऐ-शाज़्त जुण्जी तिन्ऐं आप्णें बैटे के बारे दी दिती थी, तियों गुवाऐ-शाज़्त गाशी तेने बिश्वाष ने करी।