1 यूहन्ना 2:13 - Sirmouri

¹³ हे पुराणियों, हाँव तुँओं खे ईन्देंखे लिखू, के जू ज़ूगौ शो ऊबो असो, सेजो तुँऐं जाँणों ऐ। हे जुवाँनों, हाँव तुँओं खे ईन्देंखे लिखू, के तुँऐं तैसी शैतान गाशी जींत्त पाँऐ थऐ। हे प्यारे नहाँन्ड़िया, मुँऐं तुँओं खे ईन्देखे लिखी थो, के तुँऐं स्वर्गो के पिता के बारे दो जाँणी थो।

सिरमौरी नौवाँ नियम

¹³ ओए रै पिताओं, मोऐं तुऔं इथकारिए लैखै लो जिथुकै तुऐं मसीह खै जाणौए, जू शुरु शै औसौ। औरौ तुऐं तैसीखै जाणौए। ओए रै जवानो, हांव तुऔं इथकारिए लिखु कै तुऐं तैसी दुष्ट शैतान पांदी जय पाए राए। ओए रै नानड़िया, मोऐं तुऔं इथकारिए लैखै लो कै तुऐं पिता पौरमेशवर कै जाणै पाया।

1 यूहन्ना 2:13 ပူးပေါင်းရင်းမြစ်များ

मत्ती 11:27

“मेरे पिता पंणमिश्वर ऐ मुँखे सब-कुछ देऐ दितो; अरह् कुँऐं बैटा ने जाँण्दा, सिर्फ तेसी पिता ही जाँणों; अरह् कुँऐं पिता ने जाँण्दा सिर्फ सेजा बैटा ही जाँणों; अरह् सेजा जाँणी सको जेसी गाशी बैटा पर्गट कर्णो चहाँव।”

मत्ती 13:19

जुण्जा कुँऐं आदमी, पंणमिश्वर के राज्य के बचन शुणिंयों सम्झोंदा ने, तबे शैतान तेथै आँव अरह् तेथै जू भे किऐ बचन को बींज़ तेस्की सासो दो बऐ थो, से तेसी कैई शो तेथू दड़ियों आगू नियों, अरह् से सेजो ही बींज़ असो, जुण्जो बाटो पुडो पड़ो।

मत्ती 13:38

खैच़ संईसारी असो, अरह् आछो बींज़ पंणमिश्वर के राज्य के लोग असो, अरह् जागल़ी बींज़ दुष्ट शैतान के लोग असो।

मत्ती 5:37

परह् तुँवारी बात ‘हाँ’ के ‘हाँ’ अरह् ‘ना’ के ‘ना’ हों; किन्देखे के जुण्जो किऐ ईन्दें शो जादा हों, सेजो दुष्ट-शैतान शो हों।

लूका 10:22

मेरे बाबा ऐं मुँह कैई सब-कुछ़ देऐ दितो; कुँऐं ने जाँण्दा के बैटा कुँण असो, परह् सिर्फ बाबा जाँणों: अरह् ना कुँऐ ऐजो जाँण्दा के बाबा कुँण असो; परह् सिर्फ बैटा जाँणों; अरह् सैजा जैस कैई बैटा पर्गट कर्णो चहाँव।”

यूहन्ना 14:7

जे तुँऐं सोत्तिखे मुँह जाँण्दें, तअ तुऐं मेरा बाबा भे जरूर जाँण्दें; परह् ऐबे तुऐ तिनू जाँणों ऐ, अरह् तुऐं तिनू देखी भे थुऐ।”

यूहन्ना 14:9

प्रभू यीशू ऐ तेस्खे बुलो, “ओ फिलिप्पुस, हाँव कोद्दी शुभा बड़े बख्तो तोड़ी, तुँवाँरी गंईलो असो; तअ तबे भे तुऐं मुँह जाँण्दें ने? परह् जेने मुँह देखी थुवा; तेने बाबा भे देखी थुवा: तअ तबे तुऐ ऐजो कैई बुलो, के ‘आँमों कैई शे सिर्फ बाबा के दर्षण कराव?’

यूहन्ना 16:3

से ऐजा कुँकंर्म ईन्देखे कर्ले, के तिन्ऐं ना तअ बाबा जाँणीं; अरह् ना तिन्ऐं मुँह जाँणी;

यूहन्ना 16:33

मुँऐं तुओं कैई ऐजो सब-कुछ़ ईन्देंखे बुलो, के तुँओं शाँण्त्ति भेटो; किन्देंखे के संईसारी दे तुओं खे सिर्फ दु:ख्ह अरह् कल़ेष असो; परह् आँनन्दित्त खुशी हुऐ, के मुँह संईसारी गाशी जींत्त भेंटी रंऐ।”

यूहन्ना 17:21

हे बाबा! ऐजे बादे झुणें ऐक हों; जेष्णें तुऐं मुँह्दे, अरह् हाँव तुओं दा; तेष्णें ही ऐ बादे झुणें, आँमों आरी ऐक हों; जिन्दें लंई ऐजी संईसारी बिश्वाष करह्, के मुँह डेयाल़्णों वाल़े तुँऐं ही असो।

यूहन्ना 17:3

अमर-जीवन ऐजा ही असो, के तुँऐं सिर्फ ऐक साच्चै पंण्मिश्वर असो; जिन्ऐं आप्णाँ बैटा यीशू मसीया जेसी तुऐं डेयाल़ी थुवा, तिनू सेजी बादी जात्ती, अरह् बादे प्राँणीं जाँणों अरह् पंह्छ़ियाँणों।

यूहन्ना 8:19

ईन्दे गाशी यहूदी भाट-बाँम्णें ऐ प्रभू यीशू शो पुछो; “केथै असो, तेरा बाबा?” प्रभू यीशू ऐं तिनखे जबाब दिता; “ना तअ तुऐं मुँह जाँण्दे, अरह् ना मेरा बाबा जाँण्दें। अरह् जे तुऐं मुँह जाँण्दें, तअ तुऐं मेरा बाबा भे जरूर जाँणी पाँदें।”

2 कुरिन्थियों 4:6

किन्देंखे के पंण्मिश्वर ही असो, जिन्ऐं बुलो, “ईनाँरें मुँझ्शी ज्योत्ति-चंम्को,” अरह् सेही अमाँरे सासो दी चंम्की, के पंण्मिश्वर की बड़ियाऐ की पंछ़याँण की चंम्क यीशू मसीया के मुँख्ड़े शी प्रकाषमाँन हऐ।

1 तीमुथियुस 5:1

कोसी बुड़ा-खाड़ा ने फिट्के, परह् तेसी आप्णा बाबा जिया जाँणियों सम्झाऐ दे, अरह् आपु शे कंम ऊँमर के लोग भे आप्णें भाऐ जिऐ जाँणें;

तीतुस 2:6

तेष्णें ही जवाँन मरोद् भे सम्झाया करह्, के से भे झ़ूकै-शियाँगी अंदे ने हों।

1 यूहन्ना 1:1

जीवन देणों वाल़े तेसी बचन के बारे दो, जुण्जा बचन आदी शा ऊबा थिया, जेसी बचन आँमें शुँणा, अरह् जेसी आँमें आप्णी आ:खिऐ मतल्व सुवाँ करियों दे:खा, अरह् जेसी आँमें आप्णें हाथे छुवाँ।

1 यूहन्ना 2:1

मेरे प्यारे नहाँन्ड़िया, हाँव ऐजी बातो तुँओं खे ईन्देंखे लिखू, के तुँऐं पाप ने करह्; अरह् जे कुँऐं किऐ पाप करह्, तअ स्वर्गो के परमं-पिता पंण्मिश्वर के साम्णें अमाँरे पापो शा बचाव कर्णो वाल़ा ऐक असो; अरह् सेजा असो धर्मी प्रभू यीशू मसीया।

1 यूहन्ना 2:12

हे प्यारे नहाँन्ड़िया, हाँव तुँओं खे ईन्देंखे लिखू, के प्रभू यीशू मसीया के नाँव शे तुवाँरें पाप माँफ हऐ रूऐ।

1 यूहन्ना 2:14

प्रभू दे नुऐं पय्दा हुऐं नहाँन्ड़िया, हाँव तुँओं खें ईन्देंखे लिखू, के तुँऐं पिता जाँणों ऐ, अरह् तुँऐं जुण्जे देह्-धारी पिता असो, तुँओं खे ईन्देंखे लिखू, के तुँऐं तिनू जाँणों ऐ, जुण्जे जूगौ शे आदि शे असो, तुँऐं जुण्जे जुवाँन असो, तुँओं खे ईन्देंखे लिखू, के तुँऐं तागतबर असो, पंण्मिश्वर के बचन तुँओं दा आप्णा बास करह्, जिन्दें लई तुँऐं शैतान हराऐ दिता।

1 यूहन्ना 3:12

परह् तुँऐं कैन के जैष्णे ने बंणे, जैस्को साथ तेसी शैतान आरी थियो, अरह् तेने आप्णें भाई की हंत्त्या करियों मारी दिता, पता ऐ तेने आप्णा सोरा भाऐ कैई मारा? ईन्देंखे के कैन की काँम-काज़ बुरी थी, अरह् तैस्के भाई हाँबिल की काँम-काज़ धार्मिक्त्ता की थी।

1 यूहन्ना 4:4

हे प्यारे नहाँन्ड़िया, तुँऐं पंण्मिश्वर के असो, झूठे ऋषी तुँऐं हराऐ पाऐ; किन्देंखे के जुण्जा तुओं दा बास करह्, से तैच़्छ़ा बड़ा असो; जुण्जा संईसारी दा असो।

1 यूहन्ना 5:18

आँमें जाँणों ऐ, के जू कुँऐं पंण्मिश्वर शा पय्दा हऐ रूवा, से पाप ने करदा रंह्दा; परह् पंण्मिश्वर का बैटा तैसी बंचाऐयों थंह्, अरह् सेजा शैतान तेसी छूई भे ने सक्दा।

1 यूहन्ना 5:20

आँमें ऐजी सच्चाऐ जाँणों ऐ, के पंण्मिश्वर का बैटा आऐ, अरह् आँमों खे ऐजी संम्झ दिती जू सच्चाऐ असो, आँमें तियों जाँणों, अरह् तिन्दें अट्ल़ पाक्के मंन दे बंणें रंह्, जू सच्चाऐ असो, मतल्व तिनके बैटा मसीया प्रभू यीशू शे ही सोतिखे पंण्मिश्वर अरह् सदा-सदा का अमर-जीवन असो।

प्रकाशितवाक्य 12:11

से छ़ैल़्टे के लह्ऊँ, के कारण अरह् आप्णीं गुवाऐ-शाज़्त्त के बचन के कारण तिन्ऐं शैतान गाशी जींत्त पाऐ; किन्देंखे के तिन्ऐ आप्णें जीवन को प्यार छ़ुड़यों मंऊँत्ती का सू-स्वागत्त करा।

प्रकाशितवाक्य 2:7

जिनके काँन हों से शुँणी पाव, के पबित्र-आत्त्मा कलीसियों खे का बुलो। के जुण्जा जींत्ती ज़ाँव, हाँव तैस्खे तेसी जीवन के बड़े डाल़-पेड़ मुँझ्शो जू पंण्मिश्वर के स्वर्गो दा असो, तिन्दें के फल़ खाणों देऊँबा।”