1 यूहन्ना 2:11 - Sirmouri

¹¹ परह् जुण्जा कुँऐं आप्णे बिश्वाषी भाई-बंईणों दा शंगाँव से ईनाँरे दा असो, अरह् से ईनाँरे दा चालो, किन्देंखे के तैस्के ईनाँरे आगु ने दे:खिंदो अरह् तैस कैई ऐजा भे पता ने लागदा के से कैशे खे ज़ाँदा लागा,

सिरमौरी नौवाँ नियम

¹¹ पौरौ जू कुणिए आपणै बिशवाशी भाईटु आरी बोयर राखौ सै बुराई दा जी रौआ औरौ ना जाणौ कै कुकै जांदा लागै रौआ, जिथुकै बुराईए तैसीखै आन्धा कौरे दिया।

1 यूहन्ना 2:11 ပူးပေါင်းရင်းမြစ်များ

यूहन्ना 12:35

प्रभू यीशू ऐ लोगो खे बुलो, ऐबे थोड़े ही बख्त्तो खे “जोत्त तुवाँरे बीच दी असो। अरह् जाँव तोड़ी जोत्त तुओं कैई असो, ताँव तोड़ी तुऐं ऊँजाल़े दे चाल्दे रंह्; जू कद्दी ऐशो ने हंईयों, के ईनाँरो तुँओं घेरी ने पाव; अरह् जुण्जा आदमी ईनाँरे दा चालो, तेस कैई ऐजा पता ने लागदा के से कैशे खे ज़ाँदा लागा।

यूहन्ना 12:40

पंण्मिश्वर ऐं तिनकी आखी शैड़ी, अरह् तिनका मंन कुठूर करी दिता; जू कंद्दी ऐशो ने हईयों, के से आप्णी आखिऐ देखो; अरह् आप्णी मंन, बुद्धी शो संह्म्झो, अरह् से मेरी ढबै फिरो; अरह् से पस्तावा करी पाँव, अरह् हाँव तिनू चाँग्गै-भले करी देंऊँ।

2 कुरिन्थियों 3:14

खास करियों इस्राएली लोगों के मंत्ती मारी गऐ थी, किन्देंखे के पुराणा निय्म पढ़दे बख्त्ते ऐत्तलो तोड़ी भे तिन के मंन दा सेजा ही पड़्दा पड़ा अंदा रंह्; परह् सेजा पड़दा मसीया के आँणों गाशी हटाया ज़ाँईदा।

2 कुरिन्थियों 4:4

अरह् तिनू बै-बिश्वाषी खे, जिनकी बुद्धी ईयों संईसारी के ईश्वर ऐ शैड़ी बाँणी थऐ, जे मसीया जू पंण्मिश्वर का सरूप असो, तिन के त्तेजमंऐं खुषख्बरी का प्रकाष तिनू गाशी ने चंम्को।

तीतुस 3:3

किन्देंखे के आगे आँमें भे बै-अक्ले, अरह् अज्ञाँ ने माँनणों वाल़े थिऐ, धोखे अरह् ऊकी हिछ़या की सूख-विलास के कर्जदार थिऐ, बईर भाव, अरह् डाह-जल़ंन कर्णो दा जीवन बिताँव थिऐ, अरह् ओकी दे शंगाँव थिऐ, अरह् ओकी शो बईर करह् थिऐ।

2 पतरस 1:9

किन्देंखे के जेस्दी ऐजी बातो ने आथी, से शेड़ा असो, अरह् तैस्के दुर्के तोड़ी ने दे:खीन्दो, अरह् आप्णे पाछ्ले पापों शा धोऐयों से शुद्ध होंणों बिसरी रूवा।

1 यूहन्ना 1:6

जे आँमें बुलो, के तिनकी गईलो आँमें साजी असो, अरह् तबे भे आँमें ईनाँरे दे चालो, तअ आँमें झूठे असो, अरह् आँमें सच्चाई दे ने चाल्दे;

1 यूहन्ना 2:10

जुण्जा कुँऐं आप्णे बिश्वाषी भाऐ बंऐणों आरी पियार करह्, से ज्योत्ति-प्रकाष दा रंह्, अरह् तैस्दी कद्दी भे ठूकर ने लागदी, अरह् ना से कद्दी धोखा खाँदा।

1 यूहन्ना 2:9

जुण्जा कुँऐं ऐजो बुलो, के हाँव ज्योत्ति-प्रकाष दा असो, अरह् तबे भे से आप्णें भाऐ बंऐणीं दा शंगाऐयों तिनशो बईर करह्, तअ से हेबी तोड़ी भे ईनाँरे दा ही असो।

1 यूहन्ना 3:15

जुण्जा भे कुँऐं बिश्वाषी भाऐ-बंईणी दा शंगाँव, से हंत्त्या करह्; अरह् तुँऐं ऐजो भे जाँणोंऐं, के कुँऐं भे हत्त्यारा खुन्नी सदा-सदा के अमर-जीवन दा दाखिल ने हऐ सक्दा।

1 यूहन्ना 4:20

जे कुँऐं ऐशो बुलो, के “हाँव पंण्मिश्वर शो पियार करू” अरह् से आप्णे बिश्वाषी भाई-बंईणों दा शगाँऐयों तिनू आरी बईर करह्, तअ से झूठा असो; किन्देंखे के जेने आप्णे बिश्वाषी भाई-बंईणों दे:खियों भे तिनू आरी पियार ने करी, तअ पंण्मिश्वर शो जेसी तेने दे:खी ने थई, तैच़्छ़ौ से पियार करी सक्दा।

प्रकाशितवाक्य 3:17

तू बुले, के हाँव धनी-सैठ असो, अरह् अमीर बंणी रूवा, अरह् मेरे कोसी भी चींजो की कंम्मी ने आथी; अरह् तू ऐजो ने जाँण्दा, के तू नींरभाग, अरह् छुट्टा, अरह् कंगाल, अरह् शैड़ा, अरह् नाँगा असो।