1 यूहन्ना 1:7 - Sirmouri

⁷ परह् जे जैष्णें से प्रकाषो दे असो, तैष्णें ही आँमें भे प्रकाषो दे चालो, तअ ओका ओकी का साजी बंणों, अरह् पंण्मिश्वर के बैटे प्रभू यीशू को लह्ऊँ आँमों सोभी पापो शे शुद्ध करह्।

सिरमौरी नौवाँ नियम

⁷ पौरौ जै आमै सैजौई कौरु जू सोही औसौ जैशैखै पौरमेशवर सिध्द औसौ औरौ पेयाशै कै जैशणा औसौ, तैशैखैई अमारा बर्ताव बै पेयाशै कै जैशणा सोही हौंव, तौ आमु ऐकी दूजै कै साथै रोऊं, औरौ तैसकै बैटै यीशु मसीह का लोऊ आमु सौबी पापौ शै शुध्द कौरौ।

1 यूहन्ना 1:7 ပူးပေါင်းရင်းမြစ်များ

मत्ती 6:12

जेष्णों आँमें आप्णे गुन्हाँगार खे माँफ़ करी थो, तेष्णेंं ही तुँऐं भे अमाँरे, गुन्हाँ माँफ करह्।

यूहन्ना 1:29

दुज़ै देसे संत्त-यूहन्ना नहाँण-कराँणों वाल़े ऐ प्रभू यीशू आप्णे ढबे आँदे देखियों बुलो, “देखो, ऐजा पंण्मिश्वर का छैल़्टा असो; जुण्जा संईसारी के पाप टीपियों नींह्दा।

यूहन्ना 12:35

प्रभू यीशू ऐ लोगो खे बुलो, ऐबे थोड़े ही बख्त्तो खे “जोत्त तुवाँरे बीच दी असो। अरह् जाँव तोड़ी जोत्त तुओं कैई असो, ताँव तोड़ी तुऐं ऊँजाल़े दे चाल्दे रंह्; जू कद्दी ऐशो ने हंईयों, के ईनाँरो तुँओं घेरी ने पाव; अरह् जुण्जा आदमी ईनाँरे दा चालो, तेस कैई ऐजा पता ने लागदा के से कैशे खे ज़ाँदा लागा।

यूहन्ना 5:4

किन्देंखे के प्रभू का दूत्त बख्ह्त्तो-बख्ह्त्तो गाशी तेसी कुँण्डं दा आऐयों सेजो पाँणी झ़िकाल़ो थिया, अरह् तेसी पाँणी के झ़िक्दे ही, जुण्जा आदमी सोभी शा आगे तेसी पाँणी मुँझ़ी ज़ाँव थिया; से भाँव कोसी भे रोग-बीमाँरी शा दु:ख्ही हों थिया, से तेख्णीं ही चाँग्गा हऐ ज़ाँव थिया)

रोमियों 13:12

रात्त बैजाऐ बित्ती रंऐ, अरह् देस आँणों वाल़ो असो; ईन्देखे आँमें ईनाँरे की काँम-काज़ छुड़ियों, प्रकार ऊँजाल़े के शाँदर बाँनी दियों।

1 कुरिन्थियों 6:11

अरह् तुँओं मुझी ऐष्णें बेजाऐ थिऐ, परह् ऐबे तुँओं प्रभू यीशू मसीया के नाँव शे, अरह् अमाँरे पंणमिश्वर की आत्त्मा शे धुऐ गुऐ, अरह् तुँऐं पबित्र हुऐ अरह् पंणमिश्वर की नंजरी दे बै-कसूर बंणें।

इफिसियों 1:7

अरह् तिनही दे आँमों खे बैजाऐ कृपा के मुँताबिक तिनके ही लंह्ऊँ के जाँणें छ़ुट्कारा अरह् अमाँरे अपराधों की माँफी भेटी।

इफिसियों 5:8

किन्देंखे के तुँऐं तअ आगे ईनाँरे दे थिऐं, परह् ऐबे प्रभू के त्तेज-प्रकाश दे असो; तअ: त्तेज-प्रकाश की अलाद के संमाँन चालो;

1 तीमुथियुस 6:16

अरह् सेही सिर्फ अमर असो, अरह् ना तेसी कुणिऐं देखी थई, अरह् ना तेसी कुँऐं आदमी देखी सक्दा; किन्देंखे के से आगी के भाठौ के लहयारे की सैकों कैई रंह्; तिनकी ईज्जत अरह् तिनकी शक्त्ति का परमाँण ज़ूगौ-ज़ूगौ तोड़ी रंह्दा। आमीन!

तीतुस 2:14

जिन्ऐं आपु-आप्खे अमाँरी ताँईऐं देऐ दिता, के आँमें हर प्रकार के पाप-अ-धर्म शे छुढ़ोऐ दियों, अरह् शुद्ध करियों आप्खे ऐक ऐशे लोग बाँणों, जू भले-भले काँम-काज़ खे तैयार रंह्।

इब्रानियों 9:14

तअ तबे मसीया को लह्ऊँ जिन्ऐं आपु आप्खे सदा अमर रंहणों वाल़ी आत्त्मा के कारण पंण्मिश्वर के सहाँम्णें नीर-दोष बंल़ीदाँण के रूप दा भेंट कंरियों चड़ाया; तअ तबे तुवाँरी अंन्त्तर आत्त्मा के मँरे अंदे कामों शे से कैई ने शुद्ध कर्दी? जू तुऐं जीऊँदें पंण्मिश्वर के सेंवा करी सको।

याकूब 1:17

बादे आछै दाँण, अरह् बादे शुद्ध बर्दांण, ऊपरोह् शे मतल्व स्वर्गो के पिता कैई शे भेंटो: जेने सर्गों के त्तैज-प्रकाष बंणाँऐं; अरह् जिदा ना किऐ बद्ल़ाव हंदा, अरह् ना किऐ साटा-बाटा हंदा।

1 पतरस 1:19

परह् बै-कसूर अरह् नींष-कल़क के छैल़्टे, मतल्व मसीया के बैजाऐ किम्त्ति लह्ऊँ के जाँणें हुआ।

1 यूहन्ना 1:3

जू किऐ आँमें दे:खो, अरह् शुणी थुओ, तिन्दे की खुषख्बरी तुँओं खे भे दियों, ईन्देंखे के तुँऐं भे अमाँरी गईलो अमाँरे साजी बंणों; अरह् अमाँरो ऐजो साथ सर्गो के परमं-पिता पंण्मिश्वर अरह् तिनके बैटे प्रभू यीशू मसीया आरी असो।

1 यूहन्ना 1:5

जुष्जी खुषख्बरी आँमें तिन कैई शी शुणी थऐ, अरह् सेजी ही खुषख्बरी आँमें तुँओं कैई शी शुणाँव, से ऐजी असो, के पंण्मिश्वर प्रकाष असो, अरह् तिन्दो किऐ भे ईनाँरों ने आथी।

1 यूहन्ना 5:6

से सेजा ही असो, जू पाँणी अरह् लह्ऊँ के जाँणें पर्गट हुऐ, मतल्व प्रभू यीशू मसीया: तिनकी आँवणीं सिर्फ पाँणी लई ने परह् पाँणी अरह् लह्ऊँ दुई के जाँणें हऐ, जिन्दें की गुवाह्-शाज़्त पबित्र-आत्त्मा असो, किन्देंखे के पबित्र-आत्त्मा ही सच्चाऐ असो।

1 यूहन्ना 5:8

पबित्र-आत्त्मा, जल-पाँणी, अरह् लह्ऊँ, ऐजे च़ीन ऐक मत्त दे सहऐमंत्त असो।

2 यूहन्ना 1:4

तुवाँरे नहाँन्ड़िया दे कऐयों सच्चाई के सभाव दे:ख्णा मुँखे बैजाऐ खुशी का कारण असो, ऐजो ठीक ऐष्णों ही असो, जैष्णों के आँमों खे पिता की अज्ञाँ असो।

3 यूहन्ना 1:4

मेरे ईन्दें शी बड़ी किऐ खुशी ने आथी, के हाँव ऐजो शुणू, के मेरे नहाँन्ड़िया सच्चाई दे चालो।

प्रकाशितवाक्य 1:5

अरह् यीशू मसीया की ढबे शी जू बिश्वाष ज़ूगे गुवाह्-शाज़्त्त अरह् मँरे अँदे मुँझ शे जीऊँदे हणों वाल़े मुँझ्शे जैठे अरह् धर्ती के राजाओं लोगो का हाकम असो, तुँओं खे कृपा, अरह् शाँण्त्ति, भेंट्दी रंह्। से आँमों आरी प्यार करह्, अरह् तिन्ऐं आप्णें लह्ऊँ के कारण आँमों पाप शे छुड़ाऐ थुऐ।

प्रकाशितवाक्य 12:11

से छ़ैल़्टे के लह्ऊँ, के कारण अरह् आप्णीं गुवाऐ-शाज़्त्त के बचन के कारण तिन्ऐं शैतान गाशी जींत्त पाऐ; किन्देंखे के तिन्ऐ आप्णें जीवन को प्यार छ़ुड़यों मंऊँत्ती का सू-स्वागत्त करा।

प्रकाशितवाक्य 7:14

मुँऐ तैस्खे बुलो: “हे श्री माँन, ऐजो तअ तुँऐं जाँणों।” तेने मुँखे बुलो, “ऐजे सेजे असो, जू बड़े कल़ेष मुँझ शे नींक्ल़ियों आऐ रूऐ; ईनू लोगे आप्णे-आप्णे खोट्णों छ़ैल़्टे के लह्ऊँ लई धुईयों चींट्टे बाँणीं थुऐ।