1 यूहन्ना 1:3 - Sirmouri

³ जू किऐ आँमें दे:खो, अरह् शुणी थुओ, तिन्दे की खुषख्बरी तुँओं खे भे दियों, ईन्देंखे के तुँऐं भे अमाँरी गईलो अमाँरे साजी बंणों; अरह् अमाँरो ऐजो साथ सर्गो के परमं-पिता पंण्मिश्वर अरह् तिनके बैटे प्रभू यीशू मसीया आरी असो।

सिरमौरी नौवाँ नियम

³ आमुए यीशु मसीह कै बारै मुंजी जू किछै दैखी औरौ शौणै राए, तिथकै गवाही तुऔं कै बै दियुंए इथकारिए कै अमारै साथै तोंवारै बै संगति हौंव; औरौ अमारै संगति पिता पौरमेशवर औरौ तैसकै बैटै कै साथै बै हौंव।

1 यूहन्ना 1:3 ပူးပေါင်းရင်းမြစ်များ

यूहन्ना 17:11

“ऐबे हाँव ईयों संईसारी दा ने रंह्दी, परह् ऐजे लोग तअ ईयों ही संईसारी दे रंह्दे; अरह् हाँव तुँओं कैई आँदा लागा, हे पबित्र-पिता! ईनू आप्णें तेसी नाँव दे, जुण्जो नाँव तुँऐं मुँखे देऐ थो; तिन्दें बंचाऐयों थुऐ, अरह् ईनकी रक्षा करे, जू ऐजे लोग भे ऐक हों; जेष्णें आँमें ऐक असो।

यूहन्ना 17:21

हे बाबा! ऐजे बादे झुणें ऐक हों; जेष्णें तुऐं मुँह्दे, अरह् हाँव तुओं दा; तेष्णें ही ऐ बादे झुणें, आँमों आरी ऐक हों; जिन्दें लंई ऐजी संईसारी बिश्वाष करह्, के मुँह डेयाल़्णों वाल़े तुँऐं ही असो।

यूहन्ना 17:25

“हे धरंमाँत्त्मा, नियाँव कर्णो वाल़ा बाबा! ईऐ संईसारी ऐ तअ तुओं जाँणीं ने, परह् हाँव तुओं जाँणू ऐ; अरह् तिन्ऐ ऐजो जाँणीं पाव, के तुऐं ही मुँह डेयाल़ी थुवा।

यूहन्ना 17:3

अमर-जीवन ऐजा ही असो, के तुँऐं सिर्फ ऐक साच्चै पंण्मिश्वर असो; जिन्ऐं आप्णाँ बैटा यीशू मसीया जेसी तुऐं डेयाल़ी थुवा, तिनू सेजी बादी जात्ती, अरह् बादे प्राँणीं जाँणों अरह् पंह्छ़ियाँणों।

यूहन्ना 19:35

जेने सपाई ऐं ऐजो देखो, तेने गुवाऐ-शाज़्त्त दिती; अरह् तेस्की गुवाऐ-शाज़्त्त साच्ची थी; से ऐजों जाँणों थिया, के ऐने साच्चो बुली लो, जिन्दें लई तुऐं भे बिश्वाष करह्।

प्रेरितो कै काम 13:32

“आँमें तुँओं लोगो कैई शी ऐजी खुषख्बरी शुँणाँव, के पंण्मिश्वर ऐं अमाँरे पुराँणियाऐं कैई जुण्जा बाय्दा करा थिया;

प्रेरितो कै काम 13:41

ओ, नींदया कर्णो वाल़े! देखो, अरह् हरान हो; अरह् दूर्के हुटो! किन्देंखे के हाँव ईनू देसो दे सेजे काँम-काज़ पुरे कर्णो वाल़ा असो; जिन्दें के बारे दो जे कुँऐ तुओं कैई बुल्दा, तअ तुऐं तिन्दें गाशी कंद्दी भे बिश्वाष ने कर्दे।”

प्रेरितो कै काम 2:42

तबे: सेजे बादे लोग खास-चैले की शिक्षा शुँण्दें, अरह् संत्त-संग दे आँदे; अरह् प्रभू भोज की रोटी खाँदे; अरह् प्रार्थना कर्दे लींन-मंगन रंह्दे लागे।

प्रेरितो कै काम 20:27

किन्देंखे के मुँऐ पंण्मिश्वर की बादी हिछ़्या तुओं कैई पुरे ढंग शी बुल्णों के झ़ीझ्क ने करी।

प्रेरितो कै काम 4:20

किन्देंखे के आँमें जुण्जो देखी, अरह् शुँणीं थो; ईन्देका कियों आँमें बखाँण करह् ने, ऐष्णों ने हंदी।”

रोमियों 15:27

तिनू आछो तअ लागो, परह् सेजे लोग यरूशलेमं के पबित्र लोग तिनके कर्जदार भे असो, किन्देंखे के जे गऐर यहूदी के लोग तिनकी आत्त्मिक घरोऊँची के हिस्सेदार बंणें, तअ तिनू गऐर यहूदी खे आप्णी कमाई वाल़ी घरोंऊँची लई, तिनकी सेवा कर्णी पंड़ो।

1 कुरिन्थियों 1:30

परह् तेस्की ही ढबे शे तुँऐं मसीया यीशू के असो, जू पंणमिश्वर की ढबे शा आँमों खे ज्ञाँन बंणा, मतल्व धर्म, अरह् पबित्रता, अरह् मुँक्त्ति;

1 कुरिन्थियों 1:9

पंणमिश्वर बिश्वाष कर्णो ज़ूगा असो जिन्ऐं तुँओं आप्णे बैटे अमाँरे प्रभू यीशू मसीया की संगत्ति दे बऐदी थुऐ।

1 कुरिन्थियों 15:1

हे भाऐ, बंईणों, ऐबे हाँव तुँओं कैई शी सेजी ही खुषख्बरी शुणाँऊ, जुण्जी मुँऐं आगे भे शुणाँऐं थऐ, अरह् तुँऐं तियों खुषख्बरी माँनी भे थऐ, अरह् तुँऐं तिन्दें अट्ल़ भे असो।

2 कुरिन्थियों 13:14

प्रभू यीशू की कृपा अरह् पंण्मिश्वर को पियार अरह् पबित्र-आत्त्मा की संगत्ति तुँओं सोभी आरी हंदी रंह।

इफिसियों 3:6

सेजा गुप्त भेद् ऐजा असो, के खुषख्बरी के जाँणें यहूदियों की गईलो गऐर यहूदी लोग भे पंण्मिश्वर के राज्य के बारीस, अरह् पुरे हंकदार बंणी गुऐ; अरह् से दुन्ने ड़ूंग ऐक ही देह्-शरीर का अंग असो, अरह् प्रभू यीशू मसीया के जाँणें करे गुऐ बाय्दे के साथी बंणें।

फिलिप्पियों 1:7

ठीक असो, के हाँव तुँओं सोभिखे ऐष्णा ही सोंच-बिचार करू, किन्देंखे के तुँऐं मेरे सासो दे बसी रूऐ; अरह् मेरी कय्दी दे अरह् खुषख्बरी खे जबाब अरह् नंतीजा देणों खे तुँऐं बाद्दे झुणे मेरी गईलो पंण्मिश्वर की कृपा के साथी असो।

फिलिप्पियों 2:1

तअ: जे तुँओं मसीया के नाँव दा किऐ होंसला असो, अरह् प्यारो शी पय्दा हऐ अंदी किऐ ढैह्ट, अरह् पबित्र-आत्त्मा दी किऐ हिस्सेदारी अरह् प्यारो के किऐ भावना के हिछ़या,

फिलिप्पियों 3:10

हाँव ऐजो चहाऊँ, के हाँव मसीया जाँणी पाऊँ, अरह् तियों शक्त्ति का तजरबा करणा चहाऊँ, जिन्दे लई से मँरियों पाछु ऊबे जीऐं; अरह् मऊँदी दा तिनू जेष्णाँ बंणियों तिनके दु:ख भोगणों दा साथी बंण्णा चहाऊँ।

कुलुस्सियों 1:13

तिन्ऐ ही आँमों ईनाँरे के बष शे छूड़ाऐंयों आप्णे प्यारे बैटे के राज्य दे दाखिल कराऐ;

1 थिस्सलुनीकियों 1:10

अरह् तेसके बैटे का स्वर्गो शी आँणों की ताक दे रंह्, जेसी तिन्ऐं मँरे अंदे मुझ शा जीयाल़ा, मतल्व प्रभू यीशू, जू आँमों पंण्मिश्वर के तियों सजा शे बंचाव जू संभी पापी गाशी पढ़णों वाल़ी असो।

1 तीमुथियुस 6:2

अरह् जिनके माँलिक बिश्वाषी असो, से भे आप्णें माँलिक के बैस्त्ती ने करह्; के ऐबे तअ मेरा माँलिक भे मुँह जेष्णाँ बिश्वाषी असो, परह् से ऐबे तअ तिनकी सेंवा हंजों भे बैगेही मंन लाऐयों करह्; किन्देंखे के तिन्ऐं जियों सेवा का फ़ाऐदा लंऐ लुवा, से आपु मुँझ़ी बिश्वाषी अरह् प्यारे साथी असो, ईनही बातो का तिनखे भाष्ण देऐया करह्, अरह् तिनू संहम्झ़ाँदा रंह्।

इब्रानियों 2:12

से ऐजो बुलो: “हाँव आप्णें भाईयों के जैष्णीं तुवाँरे नाँव की घोष्णाँ करूबा, अरह् खुम्ल़ी के बिचों दे हाँव तुवाँरे भजन गाँऊँबा।”

इब्रानियों 3:1

ईन्देंखे हे, पबित्र भाऐ-बंईणों तुँऐ जुण्जे स्वर्गो दे बईदी थुऐ, अरह् तुऐं स्वर्गो के हिस्सेदार असो; तेसी जुण्जा पंण्मिश्वर ऐं डेयाल़ा, तेसी महाँ-याजक प्रभू यीशू गाशी जिनकी आँमें माँनता करह्, तिनका ख्याल करिया करह्।

इब्रानियों 3:14

किन्देंखे के आँमें बिश्वाष दे मसीया के हिस्सेदार हऐ रूऐ, जे आँमें आप्णे आगले भुर्षे गाशी आखरी तोड़ी पाक्कै हऐयों अट्ल़ रंह्।

1 पतरस 5:1

तुँओं मुँझी जुण्जे ठग्ड़ै आदमी असो, हाँव, तिनू जैष्णा ठग्डा अरह् मसीया के दु:खों का गुवाह्-शाज़्त अरह् पर्गट हंणों वाल़ी बड़ियाऐं दा साजी हऐयों तिनू ऐशे सम्झाऊँ

2 पतरस 1:16

किन्देंखे के जबे आँमें तुँओं खे आप्णे प्रभू यीशू मसीया की शक्त्ति का अरह् आँणों का समाँचार देऐ थुवा, तअ से चलाकी की कथा का ने थी, परह् आँमें आप्णी आ:खिऐं तिनकी बड़ियाऐ दे:खी थऐ।

1 यूहन्ना 1:1

जीवन देणों वाल़े तेसी बचन के बारे दो, जुण्जा बचन आदी शा ऊबा थिया, जेसी बचन आँमें शुँणा, अरह् जेसी आँमें आप्णी आ:खिऐ मतल्व सुवाँ करियों दे:खा, अरह् जेसी आँमें आप्णें हाथे छुवाँ।

1 यूहन्ना 1:5

जुष्जी खुषख्बरी आँमें तिन कैई शी शुणी थऐ, अरह् सेजी ही खुषख्बरी आँमें तुँओं कैई शी शुणाँव, से ऐजी असो, के पंण्मिश्वर प्रकाष असो, अरह् तिन्दो किऐ भे ईनाँरों ने आथी।

1 यूहन्ना 1:7

परह् जे जैष्णें से प्रकाषो दे असो, तैष्णें ही आँमें भे प्रकाषो दे चालो, तअ ओका ओकी का साजी बंणों, अरह् पंण्मिश्वर के बैटे प्रभू यीशू को लह्ऊँ आँमों सोभी पापो शे शुद्ध करह्।