1 कुरिन्थियों 9:25 - Sirmouri

²⁵ ऐक नाँम माल मालिऐ दे बादे दाव लाँव, सेजे भे तेसी ताजो की ताँईऐं जू नाँष बाँन असो; परह् आँमें तअ तियों माँली जित्तणों खे दाव लाँव जू जीवन को मुँकुट-ताज असो, अरह् ना कोद्दी नाष होंदो।

सिरमौरी नौवाँ नियम

²⁵ जू लोग दौड़ दा हिस्सा लोणा चांव, सै आगै भ्यास कौरौ औरौ आपणी अभिलाषाओं दै ना डुबौ, पौरौ धीरज राखौ सै जीतणौ औरौ आदर पाणौ कारिए ऐशै कौरौ तिनका आदर फूलो लैई बौणैयौंदे माल़ा शै हौंव जू जादा सौमय तौड़ी ना रौंव पौरौ आमै जू मसीह यीशु दा भोरोशा कौरु, आदर औरौ आशीष पांदै जू सौदा तौड़ी बौणैयौंदे रौंदी।

1 कुरिन्थियों 9:25 ပူးပေါင်းရင်းမြစ်များ

1 कुरिन्थियों 15:54

अरह् जबे ऐजी नाँष बाँन देह्-शरीर अभिनाँषी देह्-शरीर धारण करी पाली, अरह् जबे ऐजी मंर्णों वाल़ी देह्-शरीर अमर हंणों वाल़ी देह्-शरीर धारी पाली, तअ सेजा बचन जू पबित्र-ग्रन्थों दा लिखी, थुवा से पुरा हऐ ज़ाँदा: “जींवन ऐं मंऊँत्त भे घुटी पाँऐ।

गलातियौं 5:23

नरमाँऐं, अरह् सबैर हों, तअ ऐष्णी-ऐष्णी काँम-काज़ के बिरोध दा किऐ भे निय्म ने आथी।

1 तीमुथियुस 6:12

बिश्वाष की आच्छ़ी कुष्ती लड़, अरह् सेजा अमर-जीवन पा, जिन्देकी ताँईऐं ताँव खास-करियों बय्दी थुवा; अरह् तुऐं भहिते गुवाह्-शाज़्त्त के सहाँणें कबूल करियों माँनी भे पाव थियों।

2 तीमुथियुस 2:5

अरह् जे कुँऐं अखाड़े-ज़ुब्ड़ी दा लड़णों वाल़ा, जे बिद्धी-बिधान शा ने लड़दा तअ तेसी जीत्त को मुँकुट-ताज ने भेंट्दो।

तीतुस 1:8

बलकी पाऊँणें का आदर कर्णो वाल़ा चेंई, भलाई माँन्णों वाल़ा, मिलाऊँ, नियाँईच़ू, पबित्र अरह् भागोईंत्त हो; आच्छ़ी सोंच होंस्ले वाल़ा हुआ चेंई, अरह् आप्णीं बादीं ज्ञाँन-ईन्द्रियाँ आप्णे बंष दी थों।

तीतुस 2:2

मतल्व बुड़े मरोद् सकन्नै, धीरज-बाँन, अरह् आपु आप्णे बष दे रंह्; तिनका बिश्वाष, प्यार अरह् धीरज-सबैर पाका हों।

इब्रानियों 12:28

ईन्देंखे आँमों ऐसी राज्य भेंटियों जू झ़िक्णों को ने आथी, तअ: आओ आँमें धन्यबाद करह्, अरह् भगत्ति अरह् डर आरी पंण्मिश्वर की ऐशी अरार्धना करह्, जिन्दे लई से खुशी हों,

इब्रानियों 12:4

हेबी तोड़ी तुऐं आप्णें पाप शो लड़्दी बई आप्णों लह्ऊँ ने बुवाऐ थिंई।

याकूब 1:12

भागोईत असो! सेजा आदमी जू परख दा डटा अंदा रंह्, अरह् से परख दा पास हऐयों सेजो जीवन को मुँकुट-ताज लंह्दा, जिन्दे का बाय्दा प्रभू ऐ आप्णें पियार कर्णो वाल़े आरी करी थुवा।

1 पतरस 1:4

तुँऐं स्वर्गो दा सुवाँ करियों थुवाँ अंदा, सदा-सदा का हंक-अधिकार पाव, जू अ-भिनाँशी, निर्मल, अरह् अटल़, हों सेजा ही तुँओं भेटो;

1 पतरस 5:4

जबे सेजा बड़ा जगवाल़ा पर्गट हला, तअ तुँओं खे बड़ियाऐं को मुँकुट-ताज दियो ज़ालो; जू कोद्दी भे मुँल़शाँन्दो ने।

2 पतरस 1:6

आप्णें ज्ञाँन की संयम शा, अरह् तुवाँरा संयम धीरज शा, अरह् तुवाँरा धीरज भग्त्ति शा,

प्रकाशितवाक्य 2:10

जुण्जे दु:ख्ह ताँव झेल़्णें पड़ले, तिन्दा डरे ने। किन्देंखे के देखो, शैतान तुँओं मुँझ शे किऐ कय्दखाने दे पाँणें चहाँव जू तुँओं जाँच्चें-पर्खे ज़ाँव; अरह् तुँओं दष देसो तोड़ी कल़ेष भोग्णाँ पड़ो। पराँण देणों तोड़ी बिश्वाषी रंह्, तअ हाँव ताँव्खे जीवन को मुँकुट-ताज देऊँबा।

प्रकाशितवाक्य 3:11

हाँव शीघा ही आँणों वाल़ा असो; जू किऐ ताँव कैई असो, तैथू थाँम्बड़ों अंदो थुऐं, जू कुँऐं तेरो मुँकुट-ताज ताँव कैई शो आगू ने द्ढ़ो।

प्रकाशितवाक्य 4:10

सेजे च़ौबीष अगुऐ सिंगाँस्हणों गाशी बईठणों वाल़े के सहाँम्णें लाँम्बे पसरियों, आप्णें-आप्णें ताज-मुँकुट तिनखे स्मर्पित करियों तिनकी आरार्धना करह्।

प्रकाशितवाक्य 4:4

तेसी सिंगाँस्हणों के चौऊँ ढबे च़ौबीष सिंगाँस्ण असो; अरह् तिनू सिगाँस्हणों गाशी च़ौबीष अगुऐ लोग चींट्टे खोट्णों बाँम्बियों बईठे अंदे असो, अरह् तिन्के मुँढो गाशी सुन्नें के मुँकुट-ताज असो।