1 कुरिन्थियों 9:22 - Sirmouri

²² कंमजूरो खे कंंमजोर बणा, जू हाँव तिनू कंंमजोर लोग भे खींचियों लियाँऊ। हाँव सोभी आदमी खे सब-कुछ बंणा के कैशे ही दाँई भे हाँव कोसी ऐक खे छ़ूट्कारा देयाऐ सकूँ।

सिरमौरी नौवाँ नियम

²² जोबै हांव तिनु लोगौ कै साथै रोऊं, जिनका बिशवाश कमजोर औसौ, तौ हांव तिनकै जैशणा बर्ताव कौरु, ताकि हांव तिनुखै मसीह कै पौछौड़ियौ चालणौ दै मौदद कौरे सौकु। औरौ सौबी आदमी कारिए सौबै ठुँ बौणै गौआ, कै कोसी ना कोसी तरीकै शै किछै लोगौ का उध्दार कौराए सौकु।

1 कुरिन्थियों 9:22 ပူးပေါင်းရင်းမြစ်များ

रोमियों 11:14

जू हाँव केशे ही दाँई, आप्णें कुड़्बे के इस्राएली लोगो दी जल़्ण-डाह् पय्दा कराऐयों, तिनू मुँझ्शा कोसी ऐकी का तअ मुँक्त्ति कराऐ सँकू।

रोमियों 14:1

जुण्जा बिश्वाष दा कंंमजोर असो, तेसी आप्णी साथ-हाथ दा करह्, परह् तेसी आरी भेद्-भाव दा झगड़ा ने करे।

रोमियों 14:2

ऐकी ऐजा बिश्वाष असो, के सब-कुछ खाँणों ठीक असो, परह् जुण्जा बिश्वाष दा कंंमजोर असो, से शाग-पाच़ ही खाँव।

रोमियों 15:1

तअ: आँमों पाके बिश्वाषी खे ऐशो चेंई, के जुण्जें बिश्वाष दे कंंमजोर असो, आँमें तिन्की कंमजूरी सह्ऐन करह्, ना के आपु-आप्खे खुशी करह्।

रोमियों 15:2

आँमों मुझशे ऐक नाँम आप्णे पड़ोसी की भलाई खे तेसी खुश करह्; जू तेस्की बिश्वाष दी बड़ोत्री हों।

1 कुरिन्थियों 10:33

जेष्णें हाँव सोभी बातो दे बादे लोग खुशी थंऊँ, अरह् आप्णा ही भला ने, परह् ओकी भहिते लोगों के फाय्दे का ख्याल थंऊँ, के तिनू सोभी खे छुट्कारा भेटो।

1 कुरिन्थियों 7:16

किन्देंखे के ओ तिरोंई, तू का जाँणें के तू आप्णें घरवाल़े का छुट्कारा कराऐ पाऐदी? अरह् ओ मरोदह् तू का जाँणें के तू आप्णी घरवाल़ी का छुट्कारा कराऐ पाईदा?

1 कुरिन्थियों 8:13

ईन्देंखे जे भोजन के जाँणें मेरे भाऐ के बंऐणीं के ढैस-ठोकर लागो, तअ हाँव कद्दी भे कोसी कारण शा माँस ने खाँदी, कद्दी ऐशो ने हईयों के मेरे भाऐ की बंऐणी दी ढैस-ठोकर ने लागो, अरह् हाँव तिनके पाप का भागी ने बंणू।

1 कुरिन्थियों 9:19

किन्देंखे के हाँव कोसी के बंष दा ने आथी, अजाद असो; तबे भे हाँव सोभी का दास-बैठू बंणाँ; किन्देंखे के हाँव भहिते लोग खीचियों लियाँऊ।

1 कुरिन्थियों 9:23

हाँव ऐजो सब-कुछ खुषख्बरी की ताँईऐं करू, के ओकी आरी भे खुषख्बरी का हिस्सेदार बंणी ज़ाऊँ।

2 कुरिन्थियों 11:29

कोसी की कंमजूरी दा हाँव कंंमजोर ने हंदी? कोसी के ढैस-ठूकर खाँणों लई मेरा दिल ने दु:ख्दा?

गलातियौं 6:1

हे भाऐ बंईणों, जे कुँऐं आदमी कोसी जुलूमं कर्दें ऊडा थाँबड़ा जाँव, तअ तुँऐं जुण्जे आत्त्मिक असो, सेजे नंरमाँऐं आरी, तेष्णें लोग सम्झाव, अरह् आप्णा भे ख्याल थुऐ, के तुँऐं भे परख दे ने पड़ो। सम्भाल़ो, अरह् आप्णा भे ख्याल थुऐं, के तुँऐं भे परख दे ने पड़ो।