1 कुरिन्थियों 9:14 - Sirmouri

¹⁴ ऐष्णों ही प्रभू ऐ भे फरमाँऐं थों, के जुण्जे लोग खुषख्बरी शुणाँव, तिनका गुजारा भे तियों ही खुषख्बरी शुणाँणों शा हों।

सिरमौरी नौवाँ नियम

¹⁴ ऐशैखैई प्रभुए बै तय कौरे राए, कै जू लोग सुसमाचार शुणांव, तिनकै रौज़ी-रोटी तिनु लोगौ शै हौणै चैंई जू सुसमाचार शुणौ।

1 कुरिन्थियों 9:14 ပူးပေါင်းရင်းမြစ်များ

मत्ती 10:10

बाटो खे ना झूल़ा, ना दो झगे, अरह् ना दो ज़ूटे जुत्ते, अरह् ना डीगे करे, किन्देखे के धियाड़ूवा खे आप्णी जरूरत की चीजो भेटी ही चेंई।”

लूका 10:7

तैसी ही घर दे ठहरे रूऐ, अरह् तिन कैई जुण्जो हों, सैजो ही खाऐ-पींऐ; किन्देंखे के धियाड़ूवा आप्णी धियाड़ी जरूरी ही भेंटी चेंई, अरह् तुऐं घर-घर ने फिरे।

लूका 10:8

जबे तुऐं कोसी नंगर दे दाखिल हों, अरह् तेथै के लोग तुवाँरा आदर-संत्तकार करह्; तअ जुण्जों किऐ तुवाँरे मुँहों कैई पर्षो ज़ाँव, सैजो ही खाऐ।

प्रेरितो कै काम 18:3

अरह् तेस्की गंईलो काँम-काज़ कर्णों वाल़ा, तेस्का साथी आप्णाँ काँम-काज़ करदा रूवा; किन्देंखे के से दुईन्नें ऐक ही काँम-काज़ करह् थिऐ, ताँम्बू बाँण्णों का।

1 कुरिन्थियों 4:15

किन्देंखे के जे मसीया दे तुवाँरे शिखाँणों वाल़े, दष हजार लोग भे हंदें, तबे भे तुवाँरे बाबा कऐयों ने हंदी थी; ईन्देंखे के मसीया यीशू दे खुषख्बरी के जाँणें हाँव तुवाँरा आत्त्मिक बाबा बंणी रूवा।

1 कुरिन्थियों 9:11

तअ: जबे के आँमें तुँओं खे आत्त्मिक चींजो बऐ थई, तअ कियो ऐजी किऐ बड़ी बात असो, के आँमें तुँओं कैई शी अमाँरी शारीरिक जरूरतो पुरी कर्णी चाँव।

1 कुरिन्थियों 9:12

जबे ओकी का तुँओं गाशी ऐजा हंक-अधिकार असो, तअ कियों अमाँरा तुँओं गाशी इन शा जादा हंक-अधिकार आथी ने? परह् आँमें ऐजा हंक-अधिकार जताँदे ने; परह् आँमें सब-कुछ सह्ऐन करह्, के अमाँरे कारण मसीया की खुषख्बरी दी किऐ रूकाव्ट ने आँव।

1 कुरिन्थियों 9:16

जे हाँव खुषख्बरी शुणाँऊँ, तअ ईन्दी किऐ बड़ी बात ने आथी; किन्देंखे के ऐजो तअ मुँखे जरूरी ही असो, जे हाँव खुषख्बरी ने शुणाँऊ तअ मेरो जीऊँणों बै-कार असो!

1 कुरिन्थियों 9:4

तुँओं कैई शी किऐ मदत माँगणी अमाँरा हंक-अधिकार आथी ने?

2 कुरिन्थियों 2:12

जबे हाँव प्रभू यीशू मसीया की खुषख्बरी शुणाँदा त्रूआस बईजारो दा आया, अरह् प्रभू ऐ मुँखे ऐक द्वार खुली दितो,

गलातियौं 6:6

जू बचन के शिक्क्षा पाँव, से बादी आच्छ़ी चींजो के शिखाँणों वाँणे का साथी बंणों।

1 थिस्सलुनीकियों 1:5

किन्देंखे के अमाँरी खुषख्बरी तुँओं कैई सिर्फ शब्द मात्र ही ने आथी, परह् शक्त्ति अरह् पबित्र-आत्त्मा दे, अरह् पाक्कै इरादे आरी पऊँची रंऐ; जेष्णों तुँऐं जाँणों ऐ के आँमें तुँवारी ताँईऐ तुँओं मुझी कैष्णें बंणी रंह् थिऐ।