1 कुरिन्थियों 9:12 - Sirmouri

¹² जबे ओकी का तुँओं गाशी ऐजा हंक-अधिकार असो, तअ कियों अमाँरा तुँओं गाशी इन शा जादा हंक-अधिकार आथी ने? परह् आँमें ऐजा हंक-अधिकार जताँदे ने; परह् आँमें सब-कुछ सह्ऐन करह्, के अमाँरे कारण मसीया की खुषख्बरी दी किऐ रूकाव्ट ने आँव।

सिरमौरी नौवाँ नियम

¹² जिथुकै तुऐं ओकी लोगौ खै पौयसै कि मौदद दैय राए, जिनुवै तुऔं मुंजी प्रचार कौरे राए, निशोंक हौयौ खै बरनबास औरौ हांव इथकै लायक हौजौ बै जादा औसौ। भलैई, आमु मुंजीदै कोसीए बै इयौं बातौ पांदी जोर ना दी कै तुऐं आमु तिनु चीज़ौ कै दौ जू अमारै तुऔं कैईंदी चैंई थी। इथकै बजाय, आमु किछै बै सैहणौ खै तैयार थिए, ताकि आमु मसीह कै बारै मुंजी सुसमाचार पांदी बिशवाश कौरणौ शै कोसी खै बै मुशकिल दै नी पांव।

1 कुरिन्थियों 9:12 ပူးပေါင်းရင်းမြစ်များ

लूका 11:52

“यहूदी निय्म के शिखाँणों वाल़े तुओं गाशी श्राँप-फींटकारा असो! अरह् तुऐं सोत्तिखे नींरभाग असो; किन्देंखे के तुऐं ज्ञाँन की ताल़ी-कुँज्जीं तअ लऐ थई; परह् तुऐं तिन्दें आपु ने चाल्दी, अरह् जुण्जे तैसी ज्ञाँन दो चाल्णों चहाँव, तिनू भे तुऐं रूकी दियों।”

प्रेरितो कै काम 18:3

अरह् तेस्की गंईलो काँम-काज़ कर्णों वाल़ा, तेस्का साथी आप्णाँ काँम-काज़ करदा रूवा; किन्देंखे के से दुईन्नें ऐक ही काँम-काज़ करह् थिऐ, ताँम्बू बाँण्णों का।

रोमियों 15:22

ईन्दी ही हाँव तुँओं कैई आँणों शा बार-बार रूका रूआ।

1 कुरिन्थियों 13:7

से बाद्दी बातो सऐन करह्, सोभी बातो का बिश्वाष अरह् सोभी वातो का भोर्षा करह्, अरह् सोभी बातो दा सबैर मारो।

1 कुरिन्थियों 6:7

परह् सत्तिखे तुँओं दा सब शा बड़ा कसूर ऐजा असो; के तुऐं आपु मुझी ओका ओकी का मुक्दमा करह्: अरह् अनियाँऐं कैई ने सह्ऐन कर्दे? आप्णाँ नुकसाँन कैई ने संह्दें?

1 कुरिन्थियों 9:14

ऐष्णों ही प्रभू ऐ भे फरमाँऐं थों, के जुण्जे लोग खुषख्बरी शुणाँव, तिनका गुजारा भे तियों ही खुषख्बरी शुणाँणों शा हों।

1 कुरिन्थियों 9:15

परह् मुँऐ तुँओं गाशी ऐजा किऐ हंक-अधिकार के जताई, अरह् ना मुँऐं ऐसी मतल्व शी ऐजी पत्री लिखी थई; के तुँऐं मेरी ताँईऐं किऐ करह्, ईन्दें शो आछो तअ मेरो मरी ज़ाणों ही भलो असो; के कुँऐं मेरा ऐजा तुँओं गाशी हंणों वाल़ा तारीफ बैकार बंणाँव।

1 कुरिन्थियों 9:16

जे हाँव खुषख्बरी शुणाँऊँ, तअ ईन्दी किऐ बड़ी बात ने आथी; किन्देंखे के ऐजो तअ मुँखे जरूरी ही असो, जे हाँव खुषख्बरी ने शुणाँऊ तअ मेरो जीऊँणों बै-कार असो!

1 कुरिन्थियों 9:18

तअ मुँखे कुँण्जा प्रत्तिफल़ असो? ऐजा के खुषख्बरी शुणाँणों खे प्रभू यीशू मसीया का प्रचार हाँव ऐई मुँझी मुफ्त शुणाँऊ; ऐथै तोड़ी के खुषख्बरी शुणाँणों का जू मेरा हंक-अधिकार असो, कियों हाँव सेजा भे सुवाँ करियों शुणाँऊ ने।

1 कुरिन्थियों 9:2

जे हाँव ओकी खे प्रभू यीशू का खास-चैला ने आथी, तबे भे हाँव तुँओं खे तअ जरूर असो; किन्देंखे के तुँऐं प्रभू खे तिन्दें का सबुत असो।

2 कुरिन्थियों 11:12

परह् जुण्जो हाँव करू, सेजो ही करदा रंऊँबा, के जुण्जे लोग दाव दे असो, तिन्खे हाँव दाव ने देऊँ; जू जियों कोसी बातो दा से तारीफ करह्, तिन्दें से आँमों जैष्णें ही बंणों।

2 कुरिन्थियों 11:20

किन्देंखे के जबे कुँऐं तुँओं दास बंणाऐं पाँव, के खाऐ पाँव, के फशाऐं दियों, के आपु आपु खे बड़ा बंणाऐं पाँव; के तुवाँरे मुँहों दी थाप्पै लाँव, तअ तुँऐं सह्ऐन करह्।

2 कुरिन्थियों 2:12

जबे हाँव प्रभू यीशू मसीया की खुषख्बरी शुणाँदा त्रूआस बईजारो दा आया, अरह् प्रभू ऐ मुँखे ऐक द्वार खुली दितो,

2 कुरिन्थियों 6:3

आँमें कोसी भी बातो दी ढेस-ठूकर लागणों का मुक्का ने देंदे, जू अमाँरी सेवा दा किऐ दोष-ईल़जाम ने लागो।