1 कुरिन्थियों 9:1 - Sirmouri

¹ कियों हाँव अजाद आथी ने? कियों हाँव प्रभू यीशू का खास-चैला आथी ने? कियों मुँऐ यीशू जुण्जा अमाँरा प्रभू असो दे:खी ने थई? कियों जुण्जी मुँऐं प्रभू खे मेंह्नत करी कियों तुऐं तिन्दें का फल़ आथी ने?

सिरमौरी नौवाँ नियम

¹ जू किछै हांव कौरणा चोऊं, तिथु कौरणौ कारिए हांव आज़ाद औसौ, हांव चोणेयौंदा चैला औसौ मोऐं अमारै प्रभु यीशु मसीह कै दैखै राए, तुऐं प्रभु कै खातिर कौरेयौंदी मैरी सेवा का नतीजा औसौ।

1 कुरिन्थियों 9:1 ပူးပေါင်းရင်းမြစ်များ

प्रेरितो कै काम 13:2

जबे तिनू बिश्वाषी भाऐ-बंईणी ऐं बरंत्त करियों प्रभू की आरार्धना-स्तुत्ति करी लंऐ थी; तअ तिनखे पबित्र-आत्त्मा ऐं बुलो: “मुँऐं बरनबास अरह् शाऊल खास काँम-काज़ खे बंऐदी थुऐ; ईनू दुईन्ने झ़ुणें मेरी ताँईऐ मुँखे ज़ोई करह्।”

प्रेरितो कै काम 14:14

परह् जबे तिनू खास-चैले बरनबास अरह् पौलुस ऐ ऐजो शुँणों, तिन्ऐं पंण्मिश्वर की निदया कर्णों के बिरूध दे आप्णे खट्णों ऊपाड़े अरह् लोगो की भीड़ो मुँझी घुसरियों जूराल़ो बुल्दे लागे,

प्रेरितो कै काम 14:4

अरह् तेथै नंगर-नंगर दे लोगो मुँझी फूट पढ़ियों; दो गुट बंणें कुछ लोग यहूदी के ढबे अरह् कुछ लोग प्रभू यीशू के खास-चैले के ढबे हऐ गुऐ।

प्रेरितो कै काम 23:11

तियों ही रात्ती प्रभू ऐ संत्त-पौलुस कैई खह्ल़ियों बुलो, “हे पौलुस, दीड़-हिम्मत थो; किन्देंखे के जेष्णी तुँऐं यरूशलेम दी मेरी गुवाऐ-शाज़्त्त दिती, तेष्णी ही ताँव रोम दी भे मेरी गुवाऐ-शाज़्त्त देणी पड़ली।”

प्रेरितो कै काम 9:15

प्रभू ऐ हनन्याह खे बुलो, “ज़ाओ! से मेरा च़ूणाँ-छ़ाँटा अंदा असो; से गऐर यहूदी, राजाओं अरह् इस्राएलियों के सहाँम्णें मेरे नाँव का प्रचार करला।

प्रेरितो कै काम 9:17

तबे हनन्याह तेसी घरह् दा हुटा, अरह् ज़ाँऐयों तेने शाऊल गाशी आप्णा हाथ थऐयों बुलो, “हे भाऐ शाऊल, प्रभू यीशू ऐं, जिन्ऐं ताँव्खे ईथै आँदे बाटो पुडा ही दर्शण दिया थिया; तिन्ऐं ही मुँह ताँव कैई डेयाल़ी थुवा, के ताँव हजों आप्णी आखी खे रोष्णीं भेटी ज़ाँव, अरह् तू पबित्र-आत्त्मा लंई भरी ज़ाँऐ।”

प्रेरितो कै काम 9:3

जबे से यात्रा कर्दे-कर्दे दमिश्क नंगर कैई पंह्ऊँचा, तअ ऐक-दंम हाँड्दे-हाँड्दे अस्माँनों शी ऐक ज्योत्ति-प्रकाष तेस्के च़ोंऊँ ढबै बिजूल़ी जेऐ चंम्क्की

प्रेरितो कै काम 9:5

शाऊल ऐ बुलो, “हे प्रभू! तू कुँण असो?” तिन्ऐ बुलो, “हाँव यीशू असो, जेसी तुँऐं स्ताऐ लुवा।

रोमियों 1:1

संत्त-पौलुस की ढबे शी जू यीशू मसीया का दास अरह् प्रभू यीशू के खास-चैला बण्णों खे बंईदा गुआ, अरह् पंणमिश्वर की तियों खुषख्बरी की प्रचार खे ज़ई करा गुवा,

रोमियों 1:5

तिनके जाँणें आँमों कृपा अरह् प्रभू यीशू के खास-चैला बंण्णों खे मुका भेटा, के तिनके नाँव के जाँणें बादी गऐर यहूदी के लोग बिश्वाष करियों तिनकी बष दे हों,

रोमियों 11:13

मुँह तुँओं गऐर यहूदी लोगो खे पंणमिश्वर की खुषख्बरी देंदा प्रभू यीशू ऐ डियाल़ी थुवा; तअ हाँव आप्णी सेवा की बड़ियाऐं करू,

1 कुरिन्थियों 1:1

हाँव पौलुस बुलू जुण्जा के पंणमिश्वर के हिछ़्या शा प्रभू यीशू मसीया का खास-चैला बण्णों खे बईदा गुवा, अरह् अमाँरे भाऐ सोस्थिनेस की ढबे शा,

1 कुरिन्थियों 10:29

मेरा मतल्व तुँवारी अंन्त्तर-आत्त्मा शा ने परह् तेसी ओकी आदमी की अंन्त्तर-आत्त्मा शा असो; भला मेरी अंन्त्तर-आत्त्मा के अजादी कोसी ओकी की अंन्त्तर-आत्त्मा आरी कैई माँनी पर्खी ज़ाँव?

1 कुरिन्थियों 10:30

जे हाँव प्रभू का धन्यबाद करियों तेसी भोजन करदा शामिल हंऊँ, तअ मुँह तिन्दा दूषी-कसूरबार कैई बाँणा ज़ाँव; किन्देंखे के जेसी खाँणें खे मुँऐं पंणमिश्वर का धन्यबाद पर्गट करी थुवा?

1 कुरिन्थियों 11:16

परह् जे कुँऐं ईयों बातो गाशी बाद-बिबाद करह्, तअ ऐजो जाँणी पाँव के ना तअ अमाँरे अरह् ना किऐ पंणमिश्वर की कलीसियों के ऐजा रूवाज आथी।

1 कुरिन्थियों 3:6

मुँऐं लाया, अरह् अपुल्लोस ऐ तेसी पाँणी लई सिंजा, परह् सेजा बचन का पौद्धा पंणमिश्वरे बड़ाया।

1 कुरिन्थियों 9:19

किन्देंखे के हाँव कोसी के बंष दा ने आथी, अजाद असो; तबे भे हाँव सोभी का दास-बैठू बंणाँ; किन्देंखे के हाँव भहिते लोग खीचियों लियाँऊ।

2 कुरिन्थियों 10:7

तुँऐं ईन्ही बातो दे:खो, जू आ:खी के साम्णें असो; जे कोसी के आपु गाशी ऐजा भूर्षा हों, के हाँव मसीया का जंण असो, तअ से ऐजो भे जाँणी पाँव; के जैष्णाँ से मसीया का जंण असो, तैष्णें ही आँमें भे मसीया के जंण असो।

2 कुरिन्थियों 11:5

हाँव तअ ऐशो जाँणू, के हाँव कोसी बातो दा बडे़ शे बड़े प्रभू यीशू के खास-चैले शा कंम ने आथी।

2 कुरिन्थियों 6:1

आँमें जू पंण्मिश्वर के साजी असो, ऐजो भे सम्झों ऐ, के तिन्की कृपा जू तुँओं गाशी हऐ, तियों बै-कार ने ज़ाणों दियों

गलातियौं 1:1

संत्त-पौलुस के जू ना आदमी के ढबे शा, अरह् ना आदमी के जाँणें, परह् यीशू मसीया अरह् परंम-पिता पंण्मिश्वर के जाँणें, जिन्ऐं तेसी मरे अंदे मुझ्षा जियाल़ा प्रभू यीशू के खास-चैला असो,

गलातियौं 5:1

मसीया ऐ आँमों अजाद करी थुऐ, जू आँमें अजादी का मंज्जा लऐ सको, ईन्देंखे आप्णें बिश्वाष पाक्का थुऐ, अरह् हजो मूसा खे भेटे गुऐ अज्ञाँ-निय्म के गुलाम ने बंणें।

1 थिस्सलुनीकियों 2:6

आँमें लोगो कैई शा किऐ माँन-समाँन ने चहाँदे, ना तुँओं कैई शा, ना कोसी ओकी कैई शा, आँमें मसीया के खास-चैले के रूप दा आप्णा हंक-अधिकार चलाऐ सको थिऐ;

1 तीमुथियुस 2:7

ऐसी ही मंतल्व शा मुँह च़ूणाँ-छ़ाँटा गुवा प्रचार की ताँईऐं, अरह् खाँस-चैले के रूप दा, गऐर यहूदियों खे संच्चाई की शिक्क्षा देंणों खे डेयाल़ा गुवा; मुँऐ ऐजो साच्चों बुली लुओं; ऐजों झ़ूठों ने आथी।

2 तीमुथियुस 1:11

ईयों खुष्ख्बरी खे मुँह प्रचारक, अरह् खास-चैला, अरह् शिक्क्षा देणो वाल़ा भे बंणाया गुआ।