1 कुरिन्थियों 8:4 - Sirmouri

⁴ अरह्: मुर्त्तियों के साम्णें बल़ी करी अंदी चीजो खाणों के बारे दो, आँमें जाणों ऐ, के मुर्त्ती संईसारी दी किऐ चीज ने आथी; अरह् ऐकी के सुवाऐं कुँऐं ओका पंणमिश्वर ने आथी।

सिरमौरी नौवाँ नियम

⁴ तौ तोबै, हांव खाणौ कै बारै मुंजी सवाल का जोवाब दैणा चोऊं। आमै जाणुए कै सिरफ ऐकैई जियुंदी पौरमेशवर औसौ औरौ इयौं दुनिया दी मूर्ति बैजान औसौ।

1 कुरिन्थियों 8:4 ပူးပေါင်းရင်းမြစ်များ

मरकुस 12:29

प्रभू यीशू मसीया ऐ तेस्खे जबाब दिता; सभी शी बड़ी “अज्ञाँ ऐजी असो: ‘शुंणों, इस्राएलियों! प्रभू अमाँरा पंणमिश्वर ऐक ही प्रभू असो।

प्रेरितो कै काम 14:15

“ओ, प्यारे दोस्त्तो! तुँऐं ऐजो का करी लो? आँमें भे तअ तुँओं ही जेष्णें सुख्ह-दु:ख्ह भोगणों वाल़े आदमी असो: ईथै आँमें तुँओं कैई शे खुषख्बरी शुँणाँदे आऐ रूऐ, के तुँऐं ईनू बै-कार की बातो शे पाछू फीरियों तेसी जींऊँदे पंण्मिश्वर के ढबे फिरो; जेने स्वर्ग, धर्ती, संमुन्द्र, अरह् ईन्दों जुण्जो किऐ असो ऐ सेजो सब-कुछ आप्णे ही हाथै बादो बंणाँऐ थुओं।

प्रेरितो कै काम 15:20

परह् पत्र लीखियों तिन खे बुली दियों: के तुऐं लोग मुर्त्तियों की गंन्दगी शे, अरह् च़ूरी-जारी शे, अरह् गल़ा घूट्टै हलाल करें अंदे बंईच़ियों के माँस शे, अरह् लह्ऊँ के खाँणों-पीणों शा, पहरेज करियों दुर्के ही रूऐ।

प्रेरितो कै काम 19:26

अरह् तुँऐं ऐजो देखी, शुँणीं लो, के ऐने पौलुस ऐ सिर्फ इफिसुस आसिया दे लोग संहम्झाऐ-बुझाऐयों बैजाऐ बंह्काऐ-दुरताऐ दिते; के हाथ के बंणाँऐ अंदे देव्ता, कंद्दी देव्ता ने हंदे।

1 कुरिन्थियों 8:1

ऐबे मुर्त्तियों के साम्णें चड़ाई अंदी बल़ी, के बारे दो आँमें जाँणों के आँमों सोभी कैई ज्ञाँन असो। अरह् ज्ञाँन लई तारीफ पय्दा हों; परह् पियारो लई आप्णी बड़ोत्री हों।

1 कुरिन्थियों 8:10

किन्देंखे के जे कुँऐं तुँओं ज्ञाँनी आदमी मुर्त्तियों की देऊँठी दे, भोजन कर्दे दे:खो, अरह् से कुँऐं कंंमजोर बिचार का आदमी हों, तअ कियो तैस्के बिचारो दी मुर्त्तियों के साम्णें बल़ी करी अंदी चिजो खाणों के हिम्मत हंदी ने।

1 कुरिन्थियों 8:11

ऐशा दाँई तेरे ज्ञाँन के जाँणें सेजा कंंमजोर बीचार वाल़ा भाऐ के बंईण जिनकी ताँईऐं मसीया मरे, तेसी आदमी को छत्तिया नाँष हंदी ने।

गलातियौं 4:8

आगे जबे तुँऐं लोग पंण्मिश्वर ने जाँणों थिऐं, तअ तिनके दास थिऐ; जुण्जे आप्णें स्भाव शे ईश्वर ने आथी।

इफिसियों 4:6

ऐक ही पंण्मिश्वर असो, जुण्जा सोभी का पिता असो; अरह् सोभी गाशी, अरह् सोभी आरी, अरह् सोभी दे बंसे अँदे असो।

1 तीमुथियुस 1:17

ऐबे सदा का राजा मतल्व अ-बिनाषी, अनाँथों: खे, सिर्फ ऐक पंण्मिश्वर का आदर अरह् बड़ियाऐ ज़ूगौ-ज़ूगौ तोड़ी हंदी रंह्। आमीन।

1 तीमुथियुस 2:5

किन्देंखे के पंण्मिश्वर ऐक ही असो, अरह् पंण्मिश्वर अरह् आदमी के बिचो दा ऐक ही बिचोलिया असो; मतल्व देह्-शरीर धारण कर्णो वाल़े मसीया यीशू।

यहूदा 1:25

तैसी सिर्फ ऐक ही पंण्मिश्वर अमाँरे मुँक्त्ति देणों वाल़े, के बड़ियाऐं, अरह् महाँन्ता, पराक्रम, अरह् हंक-अधिकार, अमाँरे प्रभू यीशू मसीया के जाँणें हंमेशा शे असो, से ऐबे भे असो, अरह् ज़ूगौ-ज़ूगौ तड़ी रंह्। आमीन।