1 कुरिन्थियों 8:13 - Sirmouri

¹³ ईन्देंखे जे भोजन के जाँणें मेरे भाऐ के बंऐणीं के ढैस-ठोकर लागो, तअ हाँव कद्दी भे कोसी कारण शा माँस ने खाँदी, कद्दी ऐशो ने हईयों के मेरे भाऐ की बंऐणी दी ढैस-ठोकर ने लागो, अरह् हाँव तिनके पाप का भागी ने बंणू।

सिरमौरी नौवाँ नियम

¹³ इथकारिए, जै आमै मूर्ति खै चौढ़ाएयौंदो खाणौं खाणौ शै ओकी बिशवाशी कै बिशवाश खै खोए दैणौ कै बौजैह बौणौ, तौ हांव तैशणौ खाणौ कौलोंई ना खांदा जिथलैई हांव ओकी बिशवाशी कै बिशवाश कै खौणौ कै बौजैह बौणु।

1 कुरिन्थियों 8:13 ပူးပေါင်းရင်းမြစ်များ

मत्ती 17:27

तबे भे ऐष्णों हुओं ने चेंई, के से आँमों शे निंराज हों; झील, दे ज़ाव, अरह् जुण्जी माँच्छ़ी तुँऐं आगे थाँम्बड़ो तियारो मुँह खुलो, अरह् तियाँरे मुँहों दा तुओं ऐक सिक्का भेट्दा सेजा ही सिक्का तुँऐं मेरी अरह् आप्णी ढबे शा तिन्खे कंण-माँमंले के रूप दा दिऐ।”

प्रेरितो कै काम 15:20

परह् पत्र लीखियों तिन खे बुली दियों: के तुऐं लोग मुर्त्तियों की गंन्दगी शे, अरह् च़ूरी-जारी शे, अरह् गल़ा घूट्टै हलाल करें अंदे बंईच़ियों के माँस शे, अरह् लह्ऊँ के खाँणों-पीणों शा, पहरेज करियों दुर्के ही रूऐ।

रोमियों 14:13

तअ: हजो खे आँमें ओका ओकी कसूरबार ने बाँणों; अरह् तुँऐं ऐजो जाँणी पाँव के कुँऐं आप्णें भाऐ के बंईणीं के साम्णें ढैस-ठोकर का कारण ने बंणें।

रोमियों 14:21

भलो तअ ऐजो असो, के ना तू माँस खाँऐं अरह् ना अंगुरोह् का रंस पीऐ; अरह् तू ऐशो किऐं ने करे जिन्दें लई तेरे भाऐ-बंईण पाप दे पढ़ो।

1 कुरिन्थियों 10:32

तुँऐं ना यहूदी लोगो खे, अरह् ना यूनानी लोगो खे, अरह् ना पंणमिश्वर की कलीसिया खे ढैस-ठोकर का कारण बंणों।

1 कुरिन्थियों 10:33

जेष्णें हाँव सोभी बातो दे बादे लोग खुशी थंऊँ, अरह् आप्णा ही भला ने, परह् ओकी भहिते लोगों के फाय्दे का ख्याल थंऊँ, के तिनू सोभी खे छुट्कारा भेटो।

1 कुरिन्थियों 13:5

से गलत चाल ने चाल्दा, से आप्णी भलाऐ ने चहाँदा, से घिप्दा-काँणिंदा ने, से बुरो ने माँन्दा।

1 कुरिन्थियों 6:12

बादी चींजो मुँखे ठीक तअ असो ऐ, परह् बादी चींजो मेरे फाय्दें की ने आथी; बादी चींजो मुँखे ठीक असो, परह् हाँव कोसी बातो के बंष दा ने रंह्दी।

1 कुरिन्थियों 9:12

जबे ओकी का तुँओं गाशी ऐजा हंक-अधिकार असो, तअ कियों अमाँरा तुँओं गाशी इन शा जादा हंक-अधिकार आथी ने? परह् आँमें ऐजा हंक-अधिकार जताँदे ने; परह् आँमें सब-कुछ सह्ऐन करह्, के अमाँरे कारण मसीया की खुषख्बरी दी किऐ रूकाव्ट ने आँव।

2 कुरिन्थियों 11:29

कोसी की कंमजूरी दा हाँव कंंमजोर ने हंदी? कोसी के ढैस-ठूकर खाँणों लई मेरा दिल ने दु:ख्दा?

2 कुरिन्थियों 6:3

आँमें कोसी भी बातो दी ढेस-ठूकर लागणों का मुक्का ने देंदे, जू अमाँरी सेवा दा किऐ दोष-ईल़जाम ने लागो।