1 कुरिन्थियों 8:12 - Sirmouri

¹² ऐशा दाँई भाऐ के बंऐणीं के बिरूध पाप कर्णो खे अरह् तिनके कंंमजोर बिचार खे चोट पहुचाँणों, शी तुँऐं मसीया के बिरूध दा पाप करी ने।

सिरमौरी नौवाँ नियम

¹² जै अमारै ऐसी काम कै कौरणौ शै अमारा साथी बिशवाशी दोषी महसूस कौरौ, तौ आमै तिनकै खिलाफ दै औरौ मसीह कै खिलाफ दै बै पाप कौरे राए।

1 कुरिन्थियों 8:12 ပူးပေါင်းရင်းမြစ်များ

मत्ती 18:10

“ख्याल थुऐ, के तुँऐं ईनू छुटे मुँझ्षा कोसी भे छुटा छ़ूत्त जाँणियों ने दे:खो; हाव तुँओं खे बुल्णों चहाँऊ, के स्वर्गो दे ईनके स्वर्गदूत्त मेरे स्वर्गो के पिता को मुँह हमेशा दे:खो।”

मत्ती 18:21

तबे संत्त-पतरस प्रभू यीशू कैई आया, अरह् तेने तिनशा ऐक सुवाल करा, “हे प्रभू! केती बई मेरा भाऐ मेरे बिरूध किऐ अपराध पाप करह्, अरह् केती बई हाँव तेस्खे माँफ करू सात्ती बई?”

मत्ती 18:6

“जुण्जा कुँऐं ईनू बालक खे जुण्जे मुँदा बिश्वाष करह्, ढोकर-ढैस का कारण बंणों, तेस्खे ठीक आछ़ो ऐजो हंदों, के तेस्की टाटी-गल़े दा ऐक चाक्की का पाट लटकाऐयों तेसी संमुन्द्रों की गईराई दा डुबाँऐ देईदा।

मत्ती 25:40

राजा तिन्खे जबाब देला; ‘हाँव तुओं खे खास बात बुलू, के जुण्जो किऐ तुँऐं आप्णें भाई, बंऐणी, खे जुण्जे मेरे ईनू छोटे शे छोटे खे किऐ करो; तुऐं सेजो ईनखे ने परह् मुँखे करी थुओं।’

मत्ती 25:45

तबे राजा तिनखे जबाब देला, ‘हाँव तुओं खे खास बात बुलू, के जुण्जो तुऐं मेरे ईनू छोटे शे छोटे लोगो खे ने करी थंई, सेजो तुऐं मुँखे भे करीने थंई।’

मरकुस 9:42

“जुण्जा कुँऐं ईनू नहाँन्ड़िया मुँझ्षा शा जिन्ऐं मुँह गाशी बिश्वाष करी थुवा, ईनू कसी खे भे ढैस-ठोकंर पाप का कारण बंणों, तअ तेस्खे ऐजो भलो हंदो के ऐक बड़ी चाक्की का पाट तेस्की टाटी दा बानियों तेसी संमुन्द्रो दा पाईदा।

लूका 17:2

किन्दें खे के जुण्जा कुऐं आदमी ईनू छ़ोटे शे छुटे मुँझ्शा कसी ऐकी खे भे पाप का कारण बंण्ला; तैस्खे ऐजो आच्छो हंदो थियो; के तैस्की टाट्टी दा भारी चाक्की का पाट बाँना ज़ादा, अरह् तैसी संमुन्द्रो दा फैरकाया ज़ाँदा।

रोमियों 14:20

भोजन की ताँईऐं पंणमिश्वर का काँम-काज़ ने बिगाड़े, ऐजो साचो असो के सब-कुछ आपु आपु दो शुद्ध असो; परह् भोजन के कारण ओकी के बाटो का रोड़ा रूकावट ने बंणें, ऐजी बुरी बात असो।

1 कुरिन्थियों 12:12

किन्देंखे के जैष्णी देह्-शरीर ऐक असो, अरह् देह्-शरीर के अंग अनेक असो, अरह् देह्-शरीर दे बैजाऐ अंग हों, तबे भे तिनू बादे अंग मिलाऐयों से बादी ऐक ही देह्-शरीर बंणों; तेष्णा ही मसीया भे ऐक असो।