1 कुरिन्थियों 7:34 - Sirmouri

³⁴ शादी-शुदा अरह् कुंवाँरी दा भे फरक असो: कुवाँरी प्रभू का धियान करह्, के हाँव देह्-शरीर अरह् आत्त्मा शी पबित्र रंऊँ, परह् शादी-शुदा तिरोऐ संईसारीक फिकर दी रंह्, के हाँव आप्णा घरवाल़ा खुशी थंऐ संकू।

सिरमौरी नौवाँ नियम

³⁴ औरौ तैसका ध्यान बौंटेयौंदा रौंव। तैशैखैई बिना घोरवाल़ै की औरौ कुंवारी बैटमाणिशौ का ध्यान बै प्रभु कै बारै मुंजी लागैयौंदा रौंव औरौ इथकारिए सै शोरीर औरौ आत्मा दी पवित्र रौणौ कै कौचिश कौरदै रौंव, पौरौ सैजै बैटमाणिश, जू बैयाएयौंदे औसौ, दुनिया कै बारै मुंजी ध्यान राखौ कै सै आपणै घोरवाल़ै खै कैशैखै खुशी राखै सौकौ।

1 कुरिन्थियों 7:34 ပူးပေါင်းရင်းမြစ်များ

यूहन्ना 10:13

सेजा धियाड़ूवा ईन्देंखे भागी लागो, के से सिर्फ धियाड़ूवा असो; किन्देंखे के तेसी तिनू भैंड़ो का किऐ भे फ़ीकर-चींन्त्ता ने आथी।

रोमियों 6:13

तुँऐं आप्णी देह्-शरीर के अंग अ-धर्म की सेवा कर्णो खे पाप खे ने दिऐ, परह् तुँऐं आपु खे मरे अंदे मुँझ्शा जीऊँदा जाँणियों पंणमिश्वर खे देऐ दियों, अरह् आप्णें अंग पंणमिश्वर की नंजरी दे आछे काँम-काज़ की सेवा कर्णो खे देऐ दियों।

1 कुरिन्थियों 6:20

किन्देंखे के तुँओं दाँम देऐयों मुले लऐ थुऐ, ईन्देंखे आप्णी देह्-शरीर के जाँणें पंणमिश्वर की बड़ियाऐ करह्।

1 कुरिन्थियों 7:33

परह् शादी-शुदा आदमी संईसारी की बातो का फीकर करह्, के हाँव आप्णी घरवाल़ी केशी दाँई खुशी करू।

1 कुरिन्थियों 7:35

ऐजी बात तुँवारी ही भलाई खे बुलू, तुँओं फशाँणों की ताँईऐं ने बुल्दा, परह् ईन्देंखे के जेष्णों आछो भे लागो तैष्णों ही करह्, के तुँऐं ऐक मंन अरह् ऐक चींत हऐयों प्रभू की सेवा दे लागे अंदें रंह्।

2 कुरिन्थियों 11:28

अरह् उकी बादी बातो छुड़ियों जुण्जी मेरे आगु ने बुली ज़ाँदी; बादी कलीसिया का फिकर रोज मुँह सताँव ऐ।

2 कुरिन्थियों 8:16

पंण्मिश्वर का धन्यबाद हों, जिन्ऐं सेजा होंस्ला तीतुस के सासो दा पाऐ थिया।

फिलिप्पियों 1:20

हाँव तअ दिल शो चहाऊँ, अरह् भूर्षा थऊँ; के हाँव कोसी बातो दा शर्मिन्दा ने होंऊ, परह् जेष्णी मेरी बड़ी हिमम्त्त के जाँणें मसीया के बड़ियाऐ मेरी देह्-शरीर के जाँणें सदा हंदी रंह्, तैष्णी ही ऐबे बे हंदी रंह्, हाँव जीऊदा रंऊँ भाँव मँरी ज़ाऊँ।

1 थिस्सलुनीकियों 5:23

शाँण्त्ति का दाता पंण्मिश्वर आपु ही तुँओं पुरी रित्ती शे पबित्र करह्; अरह् तुँवारी आत्त्मा अरह् जीयाँन-प्राँण अरह् देह्-शरीर अमाँरे प्रभू यीशू मसीया के आँणों तोड़ी शुरे-पुरे अरह् नीर्दोष आछे थों।

1 तीमुथियुस 3:5

जबे कुँऐं आदमी आप्णे घरह् का ईन्तजाँम ने करी जाँण्दा, तअ से पंण्मिश्वर की कलीसिया की रख्वाल़ी कैई-कैई करी सको?

1 तीमुथियुस 5:5

अरह् जिनू बिध्वा के सोत्तिखे मंदत्त के जरूरत्त असो, अरह् तैयारा मंद्दतगार कुँऐं ने आथी; से सिर्फ पंण्मिश्वर गाशी भुरषा थंह्, अरह् से रात्त-देस बिन्त्ती अरह् प्रार्थना दे मंगन रंह;

तीतुस 3:8

ऐजी बात साच्ची असो, अरह् हाँव ऐशो चहाँऊ के तू ईनू बातों के बारे दो दीड़-हिम्मत करियों बुले, ईन्देंखे के जिन्ऐं पंण्मिश्वर गाशी बिश्वाष करा, के भले-भले काँम-काज़ दा लागे रंहणों का ख्याल थुऐ। ऐजी बातो भली अरह् आदमी के फाय्दे की असो।