1 कुरिन्थियों 7:31 - Sirmouri

³¹ अरह् ईयों संईसारी के निय्म-रूवाज का बरताव कर्णो वाल़े तिऐ चैईं, जू ईयों संईसारी दे मंगन ने हों; किन्देंखे के ईयों संईसारी के निय्म-रूवाज अरह् बरताव बदल़्दे ज़ाँव।

सिरमौरी नौवाँ नियम

³¹ औरौ इयौं दुनिया मुंजी जू किछै बै आमुकैंई औसौ, आमु तिथु जादा जौरुरी नी सौमझणौ चैंई जिथुकै इयौं दुनिया दु सौबै ठुँ खत्म हौए जांदो।

1 कुरिन्थियों 7:31 ပူးပေါင်းရင်းမြစ်များ

लूका 21:34

“ईन्देंखे आप्णें बारे दे च़ौक्क्ष रूऐ, जू कद्दी ऐशो ने हऐयों; के तुऐ भोग-बिलास दे, अरह् नाँशे दे, अरह् संईसारी की चींन्त्ता-फीकर शा तुवाँरा मंन कुठूर हऐ ज़ाँव; अरह् सेजे देसो फाषी के जिऐ अंचाँण्क तुओं गाशी अब्ल़ी बंणियों आँव।

1 कुरिन्थियों 7:29

हे भाऐ बंईणों, हाँव ऐशो बुलू, के बख्त कंम असो, ईन्देंखे ऐशो चेंई के जुण्जे शादी-शुदा असो, से तेष्णें रंह्, जेष्णें बिन बियाऐ असो;

1 कुरिन्थियों 7:30

जुण्जे दु:खी असो, से आप्णा दु:ख पर्गट ने करह्, अरह् जुण्जे खुशी असो, से चुप्पी रंह्, जेष्णों के ऐस कैई किऐं ने आथी।

1 कुरिन्थियों 9:18

तअ मुँखे कुँण्जा प्रत्तिफल़ असो? ऐजा के खुषख्बरी शुणाँणों खे प्रभू यीशू मसीया का प्रचार हाँव ऐई मुँझी मुफ्त शुणाँऊ; ऐथै तोड़ी के खुषख्बरी शुणाँणों का जू मेरा हंक-अधिकार असो, कियों हाँव सेजा भे सुवाँ करियों शुणाँऊ ने।

इब्रानियों 12:27

अरह् ऐजा शब्द “ऐकी बई, हजो” ईयों बात पर्गट करह्, के जुण्जा बंणीं बंणाँई अंदी चींजो झिकाल़ी दियों; से तिनू चींजो हंणों के कारण टल़ी ज़ाँदी, जुण्जी चींजो झ़िकाल़ी ने ज़ादी, से अट्ल़ असो।

याकूब 4:14

जबे के सच्चाऐ तअ ऐजी असो, के तुँऐं तअ आप्णें बारे दो ऐजो भे जाँण्दे ने के दोत्ती तुवाँरे जीवन दो का हंदों। दे:खो, तुँऐं तअ तेसी भाप-कुँऐड़ी जेष्णें असो, जू ऐगड़ी खे दे:खियों अरह् तैई पाछू लुप्त्त हऐयों तिन्दें का किऐ पता ने लागदा के से केशे खे हुटी।

1 पतरस 1:24

किन्देंखे के पबित्र-ग्रन्थों दो बुलो गुओं: “ऐक नाँम पराँणी घास के जिऐ असो, अरह् तिन्दे की बादी शुभा-सजाव्ट घास के फूलो के जैऐ असो। घास शुक्की ज़ाँव, अरह् फूल झड़ी ज़ाँव,

1 पतरस 4:7

सेजा बख्त्त नंजीक असो, जबे बादी चीजो खत्त्म हंली, ईन्देंखे धीरज थऐयों प्रार्थना खे च़ौक्क्ष रूवे।

1 यूहन्ना 2:17

संईसारी अरह् तिन्दे की हिछ़या दुईनें मिटी ज़ाँव, परह् जुण्जा पंण्मिश्वर की हिछ़या गाशी चालो, से सदा-सदा पंण्मिश्वर दा बंणा अंदा रंह्दा।