1 कुरिन्थियों 7:19 - Sirmouri

¹⁹ ना तअ खतना किऐ आथी, अरह् ना खतने के बिना किऐ आथी; परह् पंणमिश्वर के अज्ञाँ माँन्णी ही सब-कुछ असो।

सिरमौरी नौवाँ नियम

¹⁹ कोसी का खतना हौए रौआ या ना हौए रैई इथलैई कुणजाई फर्क ना पौड़ौ पौरौ पौरमेशवर कै आज्ञाओं खै मानणा बैजाए जौरुरी औसौ।

1 कुरिन्थियों 7:19 ပူးပေါင်းရင်းမြစ်များ

मत्ती 5:19

ईन्देंखे, जुण्जा कुँऐं ईनू छूटी शी छूटी अज्ञाँ मुझ़शी ऐक भे अज्ञाँ च़ुड़ो, अरह् ऐष्णों ही लोगो कैई शो शिखाँव, तअ से स्वर्गो दा सोभी शा छुटा माँना ज़ाँदा; परह् जुण्जा कुँऐं अज्ञाँ का पाल्ण करला, अरह् तिनू मानंणीं शिखाला, सेही स्वर्गो के राज्य दा बड़ा माँना ज़ाँदा।

यूहन्ना 15:14

जे तुऐं मेरी अज्ञाँ का पाल़्ण करह्; तअ तुऐं मेरे दोस्त्त-साथी बँण्दे।

रोमियों 3:30

किन्देंखे के ऐक ही पंणमिश्वर असो, जू खतना वाल़े खे अरह् बिना खतना वाल़े खे भे तेसी ही बिश्वाष के जाँणें आप्णीं नंजरी दे बै-कसूर बाँणों।

1 कुरिन्थियों 8:8

भोजन आँमों पंणमिश्वर के नंजीक ने नींदा। जे आँमें खाँव ने तअ अमाँरा किऐ नुकसाँन ने आथी, अरह् जे आँमें खाँव तअ तिन्दें लई किऐ फाय्दा ने आथी।

गलातियौं 3:28

ऐबे कोसी दा किऐं फर्क ने रंई, किन्देंखे के ना तअ कुँऐं यहूदी रूवा, ना यूनानी, ना कुँऐं दास ना कुँऐं अजाद ना कुँऐं नंर अरह् ना कुँऐं नारी, किन्देंखे के तुँऐं बादे यीशू मसीया दे ऐक असो।

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

गलातियौं 6:15

किन्देंखे के ना खतना अरह् ना खतना के बिना किऐ आथी, परह् नंई सृष्टी सजी ही प्रभू यीशू के बात असो।

कुलुस्सियों 3:11

तिदा ना तअ कुऐं यूनानी रंई, अरह् ना यहूदी; ना खतना वाल़े, अरह् ना खतना के बिना, ना जागल़ी, ना स्कूती, ना दास, अरह् ना अजाद: सिर्फ मसीया ही सब-कुछ असो, अरह् सोभी दा बसा अंदा असो।

प्रकाशितवाक्य 22:14

“भागोईंत्त असो! सेजे जिन्ऐं आप्णें चाल-चल्ण के खोट्णों जिऐ धूई पाँऐ; किन्देंखे के से जीवन के डाल़ो के हंकदार, अरह् से कुवाड़ो बाटी सुऐं करियों तेसी नंगर दे हाजीर हंदें।