1 कुरिन्थियों 7:10 - Sirmouri

¹⁰ जिनका बियाव-जाज्ड़ा बंणी रूवा, तिन्खे हाँव ने, परह् प्रभू की ऐजी अज्ञाँ असो; के घरवाल़ी आप्णें घरवाल़े शी ज़ई ने रंह्।

सिरमौरी नौवाँ नियम

¹⁰ जिनका बैयाव हौए गौआ, तिनुखै हांव नी, यानी प्रभु यीशु आज्ञा दैंव, कै घोरवाल़ी आपणै घोरवाल़ै शै तलाक नी लौया।

1 कुरिन्थियों 7:10 ပူးပေါင်းရင်းမြစ်များ

मत्ती 5:32

परह् हाँव तुँओं खे ऐजो बुलू, के जे कुँऐं आप्णी घरवाल़ी खे चोरी-जारी के सुवाऐं कोसी ओकी कारण शी तलाक-लिखत दियों, तअ से तियों कैई शी चोरी-जारी कराँव; अरह् जुण्जा कुँऐ तियों छुड़ी अंदी तिरोंई आरी शादी-वियाह् करह् से भे तियों आरी चोरी-जारी करह्।

मरकुस 10:2

यहूदी भाट-बाँम्ण प्रभू यीशू कैई आऐयों, तिनकी परख-अजमाऐष करियों पुछ़दे लागे, “कियों ऐजो यहूदी-निय्म के मुताबिक ऐजो ठीक आथी ने, के मरोद् आप्णी घरवाल़ी शी तलाक-लिख्त्त लों?”

लूका 16:18

“जुण्जा कुँऐं आप्णी घरवाल़ी छुड़ियों हजो ओका जाज्ड़ा बाँणों, तअ से चोरी-जारी करह्; अरह् जुण्जा कुँऐं ऐष्णी छुड़ी अंदी तिरंऐ आप्णें शाऊरें आँणों, तअ से भे तियों तिरंई आरी चोरी-जारी ही करह्।

1 कुरिन्थियों 7:11

अरह् जे (घरवाल़ी आप्णें घरवाल़े शी ज़ई भे हऐ ज़ाव, तअ से हजो शाऊँरे ने ज़ाँव, परह् से पाछु आप्णें घरवाल़े आरी मेल-मिलाप करह्) अरह् ना घरवाल़ा आप्णी घरवाल़ी छुड़ो।

1 कुरिन्थियों 7:12

ओकी खे प्रभू ने परह् हाँव आपु बुलू, के जे कोसी भाऐ के घरवाल़ी बिश्वाष ने करह्, अरह् तेसी आरी रंहणों शी से खुशी हों; तअ से तियों कद्दी ने छुड़ो।

1 कुरिन्थियों 7:15

परह् जे कुँऐं बै-बिश्वाषी घरवाल़ा आप्णी बिश्वाषी घरवाल़ी शा ज़ई रहणों चाँव; के कुँऐं बै-बिश्वाषी घरवाल़ी आप्णे बिश्वाषी घरवाले शो ज़ई रहणों चाव तअ रहणों दियो; किन्देंखे के ईनू हालत दे कुँऐं भे बिश्वाषी भाऐ के बिश्वाषी बईण कोसी बंन्द्णों ने आथी, किन्देखे के पंणमिश्वरे घरवाल़ा अरह् घरवाल़ी मिली-झुलियों रहणों खे बंणाँऐं थुऐ।

1 कुरिन्थियों 7:25

कुवाँरी के बारे दी प्रभू कैई शी किऐ भे अज्ञाँ मुँह ने भेंटी रंई, परह् बिश्वाष ज़ूगा हंणों खे जैष्णी दया-रंय्म प्रभू ऐ मुँह गाशी करी थऐ, तिन्दी के मुताबिक सहमत्ती देऊँ।

1 कुरिन्थियों 7:40

परह् मेरा बिचार ऐजा असो, के सेजी तिरंऐ जैष्णी असो ऐ, से तैष्णी ही रंह्, तअ से सुखी रंह्दी; अरह् हाँव जाँणू के पंणमिश्वर का आत्त्मा मुँदा बसा अंदा असो।

1 कुरिन्थियों 7:6

ऐजो मुँऐं सुभिदा के रूप शो बुली लो, ऐजी अज्ञाँ ने आथी।