1 कुरिन्थियों 6:5 - Sirmouri

⁵ हाँव तुँओं सरमाँणों खे ऐजी बातो ने बुल्दा: कियों तुँओं मुँझी सत्तिखे कुँऐं भे बुद्धी माँन आदमी आथी ने; ऐक भी ने आथी? जू आप्णें बिश्वाषी भाऐ बंईणों के ईनू छुटे-मुटे झगड़े का नियाँव संम्झोता कराँव?

सिरमौरी नौवाँ नियम

⁵ ऐजौ बौलेयौ तुऔं खै बैज्जित कौरणा ही मैरा मकसद औसौ। का तोंवारै बीच मुंजी ऐशणा बुध्दिमान आदमी बै ना आथी, जू बिशवाशियौं कै झोगड़े सुलझाए सौकौ?

1 कुरिन्थियों 6:5 ပူးပေါင်းရင်းမြစ်များ

प्रेरितो कै काम 1:15

ऐक देस, जबे के ऐक षौ, बींष बिश्वाषी भाऐ-बंईणों के लग-भग लोग कंट्ठै थिऐ; तअ संत्त-पतरस तिनू सोभी के बीच दे खह्ड़े हंऐयों बुल्दे लागे।

प्रेरितो कै काम 9:13

परह् हनन्याह ऐ बुलो, “हे प्रभू! मुँऐ कंई लोगों कैई शो शुँणीं थो; के ऐने आदमी ऐं यरूशलेम दे तुवाँरे भगत्तों गाशी अत्त्याचार करी थुवा।

1 कुरिन्थियों 11:14

कियो तुँऐं ऐई भे जाँण्दें ने, के पुरूष खे लाँम्बें बाल़ थंणें बैस्त्ती सरमी की बात आथी नें?

1 कुरिन्थियों 15:34

धर्म की ताँईऐं ऊबे बीऊँजो अरह् पाप ने करह्; किन्देंखे कोंऐ ऐशे भे असो, जू पंणमिश्वर जाँण्दें ही ने। हाँव तुँओं शर्मिन्दें कर्णो खे ऐजो बुलू।

1 कुरिन्थियों 3:18

कुँऐं आपु-आप्खे धोखा ने दिऐं, किन्देंखे के जे तुँओं मुझ्षा कुँऐं, ईयों संईसारी दा आपु-आप्खे ज्ञाँनी जाँणों, तअ तुँऐं संईसारी की नंजरी दे ज़ोगर मुरूख बोंणों, जू तुँऐं पंणमिश्वर की नंजरी दे ज्ञाँनी बंणले।

1 कुरिन्थियों 4:10

आँमें मसीया खे ज़ोगर मुरूख असो, अरह् तुँऐं मसीया दे ऐक हऐयों बुद्धी-मान असो! आँमें कंमजोर असो, अरह् तुँऐं बलवान असो! तुँओं आदर-ईज्जत भेंटो, अरह् अमाँरी बैस्त्ति हों।

1 कुरिन्थियों 4:14

हाँव तुँओं शर्मिन्दा कर्णो खे ऐजी बातों ने लिख्दा, परह् आप्णें प्यारे नहाँन्ड़िया जाँणियों तुँओं कैई शो ऐजो चित्ते कराँऊ।

1 कुरिन्थियों 6:1

कियों तुओं मुँझी कोसी दी ऐजी हिम्मत असो ऐ, के जबे ओकी आरी तुवाँरा झगड़ा हों, तअ तुँऐं आप्णा नियाँव कराणों खे पापी लोगो कैई ज़ाँव; परह् पबित्र लोगो कैई ने ज़ाँव?

1 कुरिन्थियों 6:4

परह् जे तुँओं ईनू संईसारीक बातो का नियाँव करणा पड़ो, तअ कियों तुऐं ईनू ही लोग नीयाँईच़ू बईठाल़्दे जुण्जे कलीसिया दे किऐ ने आथी?

याकूब 1:5

परह् जे तुँओं मुँझी कोसी दे ज्ञाँन-बुद्धी कि कमी-घटी असो, तअ से पंणमिश्वर कैई शी माँगों, से तेस्खे खुशी शी दया-रंय्म करियों दियों, अरह् से तेस्खे ही देऐ ज़ाली।