1 कुरिन्थियों 6:19 - Sirmouri

¹⁹ कियों तुँऐं ऐजो जाँण्दे ने, के तुँवारी देह्-शरीर पबित्र-आत्त्मा की देऊँठी असो; जू तुवाँरे भितरा बास करह्, जुण्जी आत्त्मा तुँओं पंणमिश्वर कैई शी भेंटी रंऐ; अरह् ईन्दा तुवाँरा किऐ भे हंक-अधिकार ने आथी?

सिरमौरी नौवाँ नियम

¹⁹ तुऐं जौरुर जाणौ कै तोंवारा शोरीर सैजा पवित्र मन्दिर औसौ, जिथै पवित्र आत्मा रौंव। औरौ पवित्र आत्मा जू तुऔं पौरमेशवर कै ढौबौशा भैटी रौआ, सैजा तुऔं दा बौसेयौंदा औसौ औरौ तुऐं आपणै ना आथी पौरौ पौरमेशवर कै औसौ।

1 कुरिन्थियों 6:19 ပူးပေါင်းရင်းမြစ်များ

यूहन्ना 2:21

परह् प्रभू यीशू ऐ सेजो आप्णी देह्-शरीर रूपी देऊँठी के बारे दो बुली लो थियो।

रोमियों 8:9

जे पंणमिश्वर की आत्त्मा सत्तिखे तुँओं दा बास करह्, तअ तुँऐं आप्णें पाप वाल़े सुभाव के मुताबिक ने, परह् पबित्र-आत्त्मा के मुताबिक जींयों। अरह् जेसी आदमी दी मसीया की आत्त्मा ने बस्दी से मसीया का जंण ने आथी।

1 कुरिन्थियों 3:16

कियों तुँऐं जाँण्दे ने के तुँऐं पंणमिश्वर के देऊँठी असो; अरह् पंणमिश्वर के आत्त्मा तुँओं दी बास करह्?

1 कुरिन्थियों 6:13

भोजन पेटो खे, अरह् पेट भोजन खे असो, परह् पंणमिश्वर ऐसी अरह् तेसी दुईनें नष्ट करदा। परह् अमाँरी देह्-शरीर बैष्या गंम्मी बिचका-काम कर्णो खे ने आथी; परह् प्रभू खे असो, अरह् प्रभू देह्-शरीर खे असो।

1 कुरिन्थियों 6:3

कियों तुँऐं जाँण्दे ने के आँमें स्वर्गदूत्तों का नियाँव कर्दें? तअ कियों आँमें ईनू संईसारी की बातो का नियाँव करी ने बल़्दे?

2 कुरिन्थियों 5:15

अरह् से सोभी की ताँईऐं मरे, जू जीऊँदें असो, से हजो आपु खे ने जींयों, परह् तिनखे जू तिनकी ताँईऐं मरे, अरह् हजो पाछु ऊबा जींयों।

2 कुरिन्थियों 6:16

अरह् मुर्तियों आरी पंण्मिश्वर की देऊँठी का नाँता का असो? किन्देंखे के आँमें तअ जीऊँदें पंण्मिश्वर की देऊँठी असो; जैष्णों पंण्मिश्वर बुलो, “हाँव तिनू दा बास करूबा; अरह् तिनू मुझी चाला फिरा करूबा; अरह् हाँव तिनका पंण्मिश्वर हंऊँबा; अरह् से मेरे लोग हंदे।”

तीतुस 2:14

जिन्ऐं आपु-आप्खे अमाँरी ताँईऐं देऐ दिता, के आँमें हर प्रकार के पाप-अ-धर्म शे छुढ़ोऐ दियों, अरह् शुद्ध करियों आप्खे ऐक ऐशे लोग बाँणों, जू भले-भले काँम-काज़ खे तैयार रंह्।

याकूब 4:5

कियो तुँऐं ईयो जाँणों के पबित्र-ग्रन्थों का ऐसी कथंन का किऐ अर्थ ने आथी: सेजी आत्त्मा जियों “पंणमिश्वरे आँमों दी बसाऐ थऐ, से बैजाऐ आप्णी हिछ़या शी आँमों खे ऐजी काँमना करह् जिन्दें का प्रत्ति-फ़ल़ डाह्-जल़ण हों”।

1 पतरस 2:5

तुँऐं भे जीऊँदें पाथरो जेष्णें बंणों, के आत्त्मिक देऊँठी के जेष्णें बंणाऐं ज़ाव; जू ऐक ऐशा पबित्र याजकों का समाज बंणियों सेवा करी सको, जिनका फर्ज ऐशे ऐशे आत्त्मिक बल़ीदाँण चढा़ऐया करह्, जू प्रभू यीशू मसीया के जाँणें पंणमिश्वरो के भाँव।