1 कुरिन्थियों 6:1 - Sirmouri

¹ कियों तुओं मुँझी कोसी दी ऐजी हिम्मत असो ऐ, के जबे ओकी आरी तुवाँरा झगड़ा हों, तअ तुँऐं आप्णा नियाँव कराणों खे पापी लोगो कैई ज़ाँव; परह् पबित्र लोगो कैई ने ज़ाँव?

सिरमौरी नौवाँ नियम

¹ जै तुऔं मुंजीदै कोसी ऐकी खै कोसी ओकी बिशवाशी कै खिलाफ मुकदमा हौंव, तौ तुऔं कोसी अदालत दो नी जाणौ चैंई। तुऔं खै आपणी कलीसिया दा मसीहियों शै आपणै मामलै का फोयसला कौरणौ कारिए बौलणौ चैंई कै तुऔं मुंजी कुण सोही औसौ।

1 कुरिन्थियों 6:1 ပူးပေါင်းရင်းမြစ်များ

मत्ती 5:45

जिन्दे लई तुँऐं आप्णें स्वर्गो के पिता पंणमिश्वर की अलाद बंण्ले किन्देंखे के से भले अरह् बुरे दुई गाशी आप्णा सुरूज चंम्काँव, अरह् धर्मी अरह् पापी दुई गाशी बरखा बरषाँव।

प्रेरितो कै काम 19:38

ईन्देंखे जे देमेत्रियुस नाँव के सुनाँरों के अरह् तेस्के साथी कारीगरो के कोसी आरी किऐ शिकाऐत्त असो; तअ ऐ दाल़्ती दे हाकमों कैई ज़ाँव, अरह् ओका ओकी का मुक्दमा करह्।

1 कुरिन्थियों 1:2

पंणमिश्वर की तियों कलीसिया खे जुण्जी कुरिन्थिस नगर दे असो, मतल्व तिनखे भे जुण्जे मसीया यीशू दे पबित्र करे गुऐ, अरह् पबित्र हंणों खे बईदे गुऐ; अरह् तिनू सोभी खे भे जुण्जे हर जागें दी अमाँरे प्रभू अरह् तिनके प्रभू यीशू मसीया के नाँव शी प्रार्थना करह्।

1 कुरिन्थियों 14:33

किन्देंखे के पंणमिश्वर गड़ब्ड़ी का ने, परह् शाँण्त्ति का पंणमिश्वर असो। जेष्णों पबित्र लोगो की सोभी कलीसिया दो असो।

1 कुरिन्थियों 16:1

ऐबे तेसी दाँण-चाँन्दें के बारे दो जू पबित्र लोगो खे कठा करा ज़ाँव, जैष्णी अज्ञाँ मुँऐ गलातियों की कलीसियों खे देऐ थऐ, तैष्णों ही तुँऐं भे करे।

1 कुरिन्थियों 16:15

हे भाऐ बंईणों, तुँऐं स्तिफनास के घराना जाँणों ऐ, के से अखया ईलाके दे प्रभू गाशी बिश्वाष कर्णो वाल़े आगले फल़ असो, अरह् से पबित्र लोगो की सेवा कर्णो खे तियार रंह्।

1 कुरिन्थियों 5:12

कलीसिया शे बाईले आदमी का नियाँव भलिया मेरे कैई करणा? मेरे ओकी शो का लोणों? कियों तुऐं ईनू भितले लोगो का नियाँव कर्दें ने; जुण्जे तुँवारी कलीसिया दे भीतोर असो?

1 कुरिन्थियों 6:5

हाँव तुँओं सरमाँणों खे ऐजी बातो ने बुल्दा: कियों तुँओं मुँझी सत्तिखे कुँऐं भे बुद्धी माँन आदमी आथी ने; ऐक भी ने आथी? जू आप्णें बिश्वाषी भाऐ बंईणों के ईनू छुटे-मुटे झगड़े का नियाँव संम्झोता कराँव?