1 कुरिन्थियों 5:11 - Sirmouri

¹¹ परह् मेरा ऐजा बुल्णा असो, के जे कुँऐं भाऐ, चुर-जार, के लुभी, के मुर्त्तियों पुजणों वाल़ा, के गाल़ी, देणों वाल़े, के पियाक्ड़, के अनियाँऐं कर्णो वाल़ा हों, तअ तिनको साथ-हाथ ने करे; परह् ऐष्णें आदमी आरी खाणों खे भे खाऐ ने।

सिरमौरी नौवाँ नियम

¹¹ मैरा बौलणौ का मतलब ऐजा औसौ; कै जै आपी खै ऐक बिशवाशी ऐजौ बौल़ौ कै सै मसीह पांदी बिशवाश कौरौ, औरौ सै गौलत सौमबंध राखणौ वाल़ा, या लालची, या मूर्तिपूजा, या गाल़ी दैणौवाल़ा, या पियक्कड़, या अन्धेर कौरणौवाल़ा हौंव, तौ तैसकै साथै संगति नी राखैया; बल्कि ऐशणै आदमी कै साथै खाणौ बै नै खाया।

1 कुरिन्थियों 5:11 ပူးပေါင်းရင်းမြစ်များ

मत्ती 18:17

जे से तिनकी भे ने माँनों, तअ कलीसिया के लोगो कैई बुलो, परह् जे से कलीसिया की भे ने माँनों; तअ तू तेसी गऐर यहूदी अरह् चूंगी लणों वाल़ा जेष्णाँ माँन अरह् जाँण।”

मत्ती 23:25

“फींट्कारा असो! कऊँट्ल़ी पाखंडी यहूदी-निय्म के शिखाणों वाल़े! अरह् यहूदी भाट-बाँम्ण, तुँओं खे भहित्ती सजा भेट्दी! तुँऐं बैलुऐ अरह् मुँगाँल़ी तअ गाछ़ गाछ़ै माजों परह् भीत्रों शे से काल़े अरह् जुँठ्वाँणीं शे भरे अंदे हों।

लूका 18:11

यहूदी भाट-बाँम्णें खह्ल़ियों आप्णे सासो दे ऐजी प्रार्थना करी, ‘हे पंण्मिश्वर, हाँव तेरा धन्यबाद करू, के हाँव ओकी आदमी जेष्णाँ पापी अ-नियाँऐं कर्णो वाल़ा, के चोरी-जारी कर्णो वाल़ा, अरह् ना ऐसी चूँगी लोंणो वाल़े, जेष्णाँ आथी।

लूका 21:34

“ईन्देंखे आप्णें बारे दे च़ौक्क्ष रूऐ, जू कद्दी ऐशो ने हऐयों; के तुऐ भोग-बिलास दे, अरह् नाँशे दे, अरह् संईसारी की चींन्त्ता-फीकर शा तुवाँरा मंन कुठूर हऐ ज़ाँव; अरह् सेजे देसो फाषी के जिऐ अंचाँण्क तुओं गाशी अब्ल़ी बंणियों आँव।

प्रेरितो कै काम 1:15

ऐक देस, जबे के ऐक षौ, बींष बिश्वाषी भाऐ-बंईणों के लग-भग लोग कंट्ठै थिऐ; तअ संत्त-पतरस तिनू सोभी के बीच दे खह्ड़े हंऐयों बुल्दे लागे।

प्रेरितो कै काम 9:17

तबे हनन्याह तेसी घरह् दा हुटा, अरह् ज़ाँऐयों तेने शाऊल गाशी आप्णा हाथ थऐयों बुलो, “हे भाऐ शाऊल, प्रभू यीशू ऐं, जिन्ऐं ताँव्खे ईथै आँदे बाटो पुडा ही दर्शण दिया थिया; तिन्ऐं ही मुँह ताँव कैई डेयाल़ी थुवा, के ताँव हजों आप्णी आखी खे रोष्णीं भेटी ज़ाँव, अरह् तू पबित्र-आत्त्मा लंई भरी ज़ाँऐ।”

रोमियों 13:13

जेष्णों देसो खे आछो लागो, तेष्णी ही आँमें साची चाल-चालो, ना के लिला-क्रिढ़ा अरह् ना पियाक्ड़पण दे, ना चोरी-जारी, अरह् ना लुच-पंण दे, अरह् ना झगड़े, डाह् दे।

रोमियों 16:17

ऐबे हे भाऐ बंईणों, हाँव तुँओं खे ढाल-अरज करू के जू लोग तियों शिक्क्षा के बिरूध असो, जुण्जी तुँओं भेटी रंई, फूट पाँणों खे अरह् ढैस-ठूकर का कारण बंणों, तिनू ताड़ी पाव, अरह् तिन्शे दुर्के रूऐ।

1 कुरिन्थियों 10:14

ईन्देंखे, हे मेरे प्यारे बिश्वाषी भाऐ बंईणों, तुँऐं मुर्त्तियों शे बंचियों दुर्के रूऐ।

1 कुरिन्थियों 11:21

तेसी प्रभू भोज खाँन्दें जबे तुऐं कंट्ठे हों, तअ तुऐं तेसी भोज खाँन्दें च़ूटियों पड़ो; अरह् कुँऐं ओका ओकी ठल़्दा नें लाग्दा, परह् आप्णा-आप्णा खाँणा खाँव, अरह् तिन्दें का नंतिजा ऐजा हों, के कुँऐं छक्की ज़ाँव, अरह् कुँऐं भूखी रंह्; अरह् कुँऐं माँचियों मंतवाल़ा हऐ ज़ाँव।

1 कुरिन्थियों 5:13

बाईले लोगो का नियाँव पंणमिश्वर आपु करह्। परह् आपु आरी शे तुऐं ऐजे बुरे लोग जू बिचकै काँम-काज़ कर्णो वाल़े असो, ईनू आपु मुझ्शे बाँईन्डे गाड़ो!

1 कुरिन्थियों 6:10

ना चोर, ना लोभी, ना पियक्ड़-शराबी, ना गाल़ी देणों वाल़े, ना अनियाँऐ, कर्णो वाल़े, पंणमिश्वर के राज्य के वारिस हंदी।

1 कुरिन्थियों 6:6

तुँओं मुँझी भाऐ-भाऐ का मुक्दमा हों, अरह् सेजा भे बै-बिश्वाषी लोगो के साम्णें।

1 कुरिन्थियों 6:9

कियों तुँऐं जाँण्दे ने के अनियाँऐ कर्णो वाल़े लोग पंणमिश्वर के राज्य के वारिस ने हंदी? परह् धोखा ने खाऐ; ना बैष्या गंम्मी, ना मुर्ती पुज्णों वाल़े, ना पराई तिरोंई आरी चोरी-जारी कर्णो वाल़े। ना मरदो आरी मरोद भोग-बिलास कर्णो वाल़े,

1 कुरिन्थियों 7:12

ओकी खे प्रभू ने परह् हाँव आपु बुलू, के जे कोसी भाऐ के घरवाल़ी बिश्वाष ने करह्, अरह् तेसी आरी रंहणों शी से खुशी हों; तअ से तियों कद्दी ने छुड़ो।

1 कुरिन्थियों 7:15

परह् जे कुँऐं बै-बिश्वाषी घरवाल़ा आप्णी बिश्वाषी घरवाल़ी शा ज़ई रहणों चाँव; के कुँऐं बै-बिश्वाषी घरवाल़ी आप्णे बिश्वाषी घरवाले शो ज़ई रहणों चाव तअ रहणों दियो; किन्देंखे के ईनू हालत दे कुँऐं भे बिश्वाषी भाऐ के बिश्वाषी बईण कोसी बंन्द्णों ने आथी, किन्देखे के पंणमिश्वरे घरवाल़ा अरह् घरवाल़ी मिली-झुलियों रहणों खे बंणाँऐं थुऐ।

1 कुरिन्थियों 8:11

ऐशा दाँई तेरे ज्ञाँन के जाँणें सेजा कंंमजोर बीचार वाल़ा भाऐ के बंईण जिनकी ताँईऐं मसीया मरे, तेसी आदमी को छत्तिया नाँष हंदी ने।

गलातियौं 2:12

ईन्देंखे के याकूब के ढबे शे किऐ लोगो के आँणों शे आगे से गऐर यहूदी लोगो आरी खाणों खे खाँव थिया, परह् जबे से आऐं, तअ यहूदी लोगो के डर के मारे से गऐर यहूदी लोगो आरी शा पाछू फीरा, अरह् तबे से गऐर यहूदी लोगो आरी शा ज़ई हुआ।

इफिसियों 5:18

अंगुरोह् के शाड़े अँदें रंस शे मंतवाल़े ने बणें, किन्देंखे के ईदे लई लूचपंण हों, परह् पबित्र-आत्त्मा शे भरपूर हंदे ज़ाव,

इफिसियों 5:5

किन्देंखे के तुँऐं ऐजो बिलकुल जाँणों ऐ, के कोसी च़ूरी-जारी कर्णों वाल़े, के कुँऐं अशुद्ध जंण, के लोभी आदमी, जुण्जा के मुर्ती पुज्णों वाल़े के बुराबर हों; मसीया अरह् पंण्मिश्वर के राज्य दा तेस्का किऐ भे हंक-अधिकार ने हंदी।

कुलुस्सियों 3:5

ईन्देंखे आप्णे सेजे अंग माँरी दियो, जू धर्ती के असो, जेष्णाँ मतल्व चुरी-जारी गंन्दगी, बुरी हिछ़या, अरह् लोभ-लाल़्च जू मुर्ती पूजा के बराबर असो।

2 थिस्सलुनीकियों 3:14

जे कुँऐं अमाँरे ईयों पत्री की बात ने माँनों, तअ तेसी का ख्याल थुऐ, अरह् तेस्को साथ ने करे, जिन्दे से सरमाऐ ज़ाँव।

2 थिस्सलुनीकियों 3:6

हे भाऐ-बंईणों, आँमें तुँओं खे आप्णे प्रभू यीशू मसीया के नाँव शी अज्ञाँ दियों, के तुँऐं ऐक नाँम तिनू भाई शे ज़ई रूऐ, जुण्जे भाऐ गलत चाल-चालो, अरह् जुण्जी शिक्क्षा तिन्ऐं आँमों कैई शी पाँऐ, अरह् तिन्दे के मुँताबिक ने से चाल्दे तिनू लोगो शे दुर्के रूऐ।

1 तीमुथियुस 3:3

सुराऐ, के माँरपीट कर्णो वाल़ा, ने हों; मतल्व शरीफ़ हो, अरह् ना झगड़ू, अरह् ना धन का लाल़्ची हों।

1 तीमुथियुस 6:5

अरह् तिनू आदमी मुझी बै-कार के रगड़े-झगड़े पय्दा हों, जिनकी बुद्धी भ्रष्ट हऐ रंऐ, अरह् से सच्चाई शे अजाण्दे असो; ऐष्णें लोग ऐशो जाँणों के पंण्मिश्वर के सेवा, भगति धंनकंमाणों का ऐक जरिया असो,

2 यूहन्ना 1:10

जे कुँऐं तुँओं कैई आँव, अरह् ऐजी ही शिक्क्षा ने दियों, तअ तैसी ना तअ भीटा घर दा आँणों दिऐ, अरह् ना तैस्खे नमंष्कार करे।

प्रकाशितवाक्य 2:14

परह् मेरे तेरे बिरूध दी किऐ बातो बुल़्णी, किन्देंखे के तेरे जागें दे किऐ ऐष्णें लोग असो, जू बिलआम के शिक्क्षा माँनों, जेने राजा-बालाक इस्राएलियों खे आगे ढैस-ठूकर का कारण मुर्त्तियों गाशी चढ़ाई गई बल़ी करी अंदी चीजो खाँव; अरह् बिचका कू-कर्म कर्णो खे उकसाव थिया।

प्रकाशितवाक्य 2:20

परह् मेरे तेरे बिरूध दो ऐजो बुल्णों, के तू तियों तिरंऐ-ईज़ेबेल आपु मुँझी रंहणों दिऐं, जुण्जी आप्खे भगत्तिण हंईयों अरह् मेरे चैले खे गलत शिक्क्षा दियों, अरह् मूँर्तियों खे भेंट करी अंदी चीजों खाँदें अरह् बैशिया आरी कू-कर्म कर्णो खे ऊकसाव।

प्रकाशितवाक्य 21:8

परह् डराड़ो, अरह् बै-बिश्वाषियों, नींच़ हत्त्याँरे, अरह् च़ूर-जार, अरह् जादू-टूण्णें कर्णों वाल़े, मुँर्त्ती पूज्णों वाल़े, अरह् हर किस्समं के झूठों बुल्णों वाल़े, का नाँष हंदा, अरह् तिनू भभ्कदीं आग, अरह् गंन्धक की झ़ील, दे पाऐ देईदें, जुण्जी के दुज़ी मंऊँत्त हंदी!”

प्रकाशितवाक्य 22:15

परह् कुत्ते, जादू-टूँणें, अरह् चुरी-जारी कर्णों वाल़े, अरह् हत्त्यारे, अरह् मुँर्त्ती पुज्णों वाल़े, अरह् ऐक नाँम झ़ूट्ठै शे प्यार कर्णों वाल़े बाऐर ही रंह्दें।