1 कुरिन्थियों 5:10 - Sirmouri

¹⁰ मेरा ऐजा मंतल्व तअ बिलकुल ने थी, के तुऐं ईयों संईसारी के ईनू बादे आदमी शे, जुण्जे बुरे बिचकै काँम-काज़ कर्णो वाल़े अरह् लुभी, ठंग, के अनियाँऐं कर्णो वाल़े जुण्जे दुष्ट-मुँर्त्ती पुज्णों वाल़े असो; तुँऐं ईनू आरी आप्णा किऐ भे नाँता रिष्ता ने थुऐं; तबे तअ तुऐं ईयों संईसारी दे रंऐ ही ने सक्दे, परह् तबे तअ ऐजी संईसारी तुँओं हमेशा खे छुड़ी ही देंणी पड़ो।

सिरमौरी नौवाँ नियम

¹⁰ ऐजौ नी, कै तुऐं इयौं दुनिया कै गौलत सौमबंध राखणौवाल़ै शै या लालची शै, या धौखा दैणौवाल़ै शै, या मूर्तिपूजा वाल़ौ शै बिल्कुल बै संगति ना कौरौ; जिथुकै ऐशै कौरणौ शै तौ तुऔंखै दुनिया ही छोड़णी पौड़दी।

1 कुरिन्थियों 5:10 ပူးပေါင်းရင်းမြစ်များ

लूका 18:11

यहूदी भाट-बाँम्णें खह्ल़ियों आप्णे सासो दे ऐजी प्रार्थना करी, ‘हे पंण्मिश्वर, हाँव तेरा धन्यबाद करू, के हाँव ओकी आदमी जेष्णाँ पापी अ-नियाँऐं कर्णो वाल़ा, के चोरी-जारी कर्णो वाल़ा, अरह् ना ऐसी चूँगी लोंणो वाल़े, जेष्णाँ आथी।

यूहन्ना 15:19

किन्देंखे के जे तुँऐं संईसारी के हंदे, तअ संईसारी तुओं आरी बंईर ने कर्दी थी; ऐजों जाँणिंयों के तुँऐं आप्णें ही असो; किन्देंखे के मुँऐ तुओं ईयों संईसारी मुँझ्शे च़ूणी-छ़ाँटी थुऐ, ईन्देखे संईसारी तुओं आरी बंईर कर्दी।

यूहन्ना 17:6

“मुँऐ तुँओं तिनू सोभी गाशी पर्गट करी पाऐ, जिनू तुऐं ईयों संईसारी शे च़ूणी-छ़ाँटियों मुँखे देऐ थुऐ थिऐ; सेजे लोग तुवाँरे असो, जिनू तुऐं मुँह कैई देऐ थुऐ थिऐ; अरह् तिन्ऐं तुवाँरे बचन का पाल़्ण भे करी थुवा।

यूहन्ना 17:9

“मेरी तुओं कैई शी बिनत्ती-प्रार्थना संईसारी की ताँईऐ ने आथी, परह् तिनू लोगों की ताँईऐं जुण्जे तुवाँरे असो; अरह् जिनू लोग तुऐं आपु मुँह कैई देऐ थुऐ।

यूहन्ना 8:23

प्रभू यीशू ऐ तिनखे बुलो, “तुँऐं धर्त्ती के असो, अरह् हाँव स्वर्गो का असो; तुँऐं संईसारी के असो, अरह् हाँव संईसारी का आथी नें।

1 कुरिन्थियों 1:20

केथै असो, ज्ञाँनवान? अरह् केथै रूआ यहीदू बिद्धवाँन? केथै रूआ संईसारी का बक्बादी? कियो पंणमिश्वरे संईसारी का ज्ञाँन मुरूख्ता बंणाऐ ने थई?

1 कुरिन्थियों 10:27

जे कोसी बै-बिश्वाषी के बुलावे गाशी जरूरी तेसी कागी खाणों खाँदो ज़ाँणों पढ़ो, तअ आप्णी अंन्त्तर-आत्त्मा की भलाई खे बिना सवाल पुछ़ै के ऐजो का असो, केथै शो आँणों, कुँणें बाँणों चुप्चाँण खाऐ;

1 कुरिन्थियों 5:11

परह् मेरा ऐजा बुल्णा असो, के जे कुँऐं भाऐ, चुर-जार, के लुभी, के मुर्त्तियों पुजणों वाल़ा, के गाल़ी, देणों वाल़े, के पियाक्ड़, के अनियाँऐं कर्णो वाल़ा हों, तअ तिनको साथ-हाथ ने करे; परह् ऐष्णें आदमी आरी खाणों खे भे खाऐ ने।

1 कुरिन्थियों 5:9

मुँऐ आप्णी पत्री दो तुँओं खे लिखी थो थियों, के बिचकै काँम-काज़ कर्णो वाल़े को साथ ने करे।

2 कुरिन्थियों 4:4

अरह् तिनू बै-बिश्वाषी खे, जिनकी बुद्धी ईयों संईसारी के ईश्वर ऐ शैड़ी बाँणी थऐ, जे मसीया जू पंण्मिश्वर का सरूप असो, तिन के त्तेजमंऐं खुषख्बरी का प्रकाष तिनू गाशी ने चंम्को।

इफिसियों 2:2

किन्देंखे के तुवारा चाल-चल्णँ आगे ऐसी ज़ूगौ के रित्ति-रूवाज के मुँताबिक, जू अस्माँनों दा हंक-अधिकार जमाँनों वाल़े, हाकमों के मुँताबिक थिऐ; जुण्जे तियों आत्त्मा के बंष दे थिऐ, जुण्जी आत्त्मा हेभी तोड़ी पंण्मिश्वर के बिरोधियों आरी काँम-काज़ करह्।

फिलिप्पियों 2:15

जू तुँऐं सिदे-सादे नीष-कपट, अरह् बै-कसूर बणियों रंह्, तअ ईयों हठाव्णी, हर-कुछ कर्णो वाल़े गड़ी-पीड़ी दे, पंण्मिश्वर की साच्ची अलाद बंणियों अस्माँनों के तारे जैष्णें चँमक्दे रंह्।

1 यूहन्ना 4:5

जुण्जे लोग संईसारी के हों, तिनकी बात-चीत्त भे संईसारी की ही हों, अरह् संईसारी भे तिनकी ही बातो दा आप्णा मंन लाँव।

1 यूहन्ना 4:7

हे प्यारों, आँमें आपु मुँझी पियार थंह्; किन्देंखे के पियार पंण्मिश्वर शो भेटो। अरह् जू कुँऐं पियार करह्, से पंण्मिश्वर की अलाद असो, अरह् से पंण्मिश्वर जाँणों ऐ।

1 यूहन्ना 5:19

आँमें जाणो ऐ, के आँमें पंण्मिश्वर के असो; अरह् बादी संईसारी तैसी शैतान के बष दी असो।

प्रकाशितवाक्य 12:9

तबे सेजा बड़ा पाँखों वाल़ा अजंगर मतल्व सेजा ही पुराँणा शंगाव जैस्खे इबलीस, मतल्व जेस्खे शैतान बुली, अरह् बादी संईसारी का भरंमाँणों वाल़ा थिया, तेसी तेस्के दूत्तों आरी ऊदा धर्ती गाशी फेरकाऐयों पट्की दिता।