1 कुरिन्थियों 4:14 - Sirmouri

¹⁴ हाँव तुँओं शर्मिन्दा कर्णो खे ऐजी बातों ने लिख्दा, परह् आप्णें प्यारे नहाँन्ड़िया जाँणियों तुँओं कैई शो ऐजो चित्ते कराँऊ।

सिरमौरी नौवाँ नियम

¹⁴ हांव तुऔं बैज्जित कौरणौ कारिए ऐजी बातौ ना लिखु, पौरौ मैरा मकसद तुऔं आज्ञा कै मानणा शिखाणौ औसौ जिथुकै तुऐं मैरै नानड़िया कै जैशणै औसौ जिनु हांव सौथीखै प्यार कौरु। औरौ तुऔं कै चौकश कौरु।

1 कुरिन्थियों 4:14 ပူးပေါင်းရင်းမြစ်များ

प्रेरितो कै काम 20:31

ईन्देंखे संकन्नै-च़ौक्ष रूऐ, अरह् ऐजो चींत्ते थुऐ; के मुँऐ आशू बुवाऐ-बुवाऐयों, च़ींन साल्ह तोड़ी देस-रात्त तुओं मुँझी, ऐक नाँम आदमी संचेत्त करी थुऐ।

1 कुरिन्थियों 15:34

धर्म की ताँईऐं ऊबे बीऊँजो अरह् पाप ने करह्; किन्देंखे कोंऐ ऐशे भे असो, जू पंणमिश्वर जाँण्दें ही ने। हाँव तुँओं शर्मिन्दें कर्णो खे ऐजो बुलू।

1 कुरिन्थियों 4:15

किन्देंखे के जे मसीया दे तुवाँरे शिखाँणों वाल़े, दष हजार लोग भे हंदें, तबे भे तुवाँरे बाबा कऐयों ने हंदी थी; ईन्देंखे के मसीया यीशू दे खुषख्बरी के जाँणें हाँव तुवाँरा आत्त्मिक बाबा बंणी रूवा।

1 कुरिन्थियों 4:17

ईन्देंखे मुँऐं तीमुथियुस जू प्रभू दा मेरा प्यारा अरह् बिश्वाषों ज़ूगा बैटा असो, तेसी मुँऐं तुँओं कैई डियाल़ी थुवा। से तुँओं कैई शी मसीया दे मेरी चाल-ढाल चिते कराँदा, जैष्णी के हाँव ढीको हर जागे दी बादी कलीसिया खे शिक्क्षा देऊँ।

1 कुरिन्थियों 6:5

हाँव तुँओं सरमाँणों खे ऐजी बातो ने बुल्दा: कियों तुँओं मुँझी सत्तिखे कुँऐं भे बुद्धी माँन आदमी आथी ने; ऐक भी ने आथी? जू आप्णें बिश्वाषी भाऐ बंईणों के ईनू छुटे-मुटे झगड़े का नियाँव संम्झोता कराँव?

1 कुरिन्थियों 9:15

परह् मुँऐ तुँओं गाशी ऐजा किऐ हंक-अधिकार के जताई, अरह् ना मुँऐं ऐसी मतल्व शी ऐजी पत्री लिखी थई; के तुँऐं मेरी ताँईऐं किऐ करह्, ईन्दें शो आछो तअ मेरो मरी ज़ाणों ही भलो असो; के कुँऐं मेरा ऐजा तुँओं गाशी हंणों वाल़ा तारीफ बैकार बंणाँव।

2 कुरिन्थियों 11:11

कियो? का ईन्देंखे के हाँव तुँओं आरी पियार ने करदा? पंण्मिश्वर ऐजो जाँणोंऐं के हाँव तुँओं शो पियार करू।

2 कुरिन्थियों 12:19

तुँऐं हेभी तोड़ी समझी रूऐ हले, के आँमें तुँओं कैई सफाऐ देऐ लऐ। आँमें तअ पंण्मिश्वर हाजिर जाँणिंयों मसीया दो बुलो; अरह् हे प्यारे, भाऐ बंईणों बादी बातो तुँवारी ही बड़ोत्री खे करह्।

2 कुरिन्थियों 7:3

हाँव तुँओं नींचो दे:खाँणों खे ऐजो ने बुल्दा। किन्देंखे के मुँऐं आगे ही बुली थो, के तुँऐं अमाँरी सासो दे ऐशे बसी रूऐ, के आँमें तुँओं आरी मंर्णों जीऊँणों खे तियार असो।

कुलुस्सियों 1:28

जिनका प्रचार करियों आँमें हर ऐक आदमी च़ौक्क्ष करी दियों, अरह् बादे ज्ञाँन शे ऐक नाँम आदमी कैई शो शिखाँव ऐ, के आँमें ऐक नाँम आदमी खे मसीया दा पाक्का सीद्ध करियों हाजिर करह्।

1 थिस्सलुनीकियों 2:11

तुँऐं जाँणो ऐ के बाबा केष्णाँ आप्णे नहाँन्ड़िया की गईलो बरताव करह्, तेष्णा ही आँमें भे तुँओं मुँझ्षा, ऐकी नाँम खे शिक्क्षा दियों, अरह् शाँण्ति देंदे सम्झाँव थिऐ

1 थिस्सलुनीकियों 5:14

हे भाऐ-बंईणों, आँमें तुँओं सम्झाओं के जू ठीक चाल ने चाल्दे तिनू सम्झाव; अरह् डराड़ो खे दीड़-हिम्मत दियों, कंमजोर संभाल़ो, सोभी आरी संय्नशिल्त्ता देखाव।

2 थिस्सलुनीकियों 3:14

जे कुँऐं अमाँरे ईयों पत्री की बात ने माँनों, तअ तेसी का ख्याल थुऐ, अरह् तेस्को साथ ने करे, जिन्दे से सरमाऐ ज़ाँव।

फिलेमोन 1:10

हाँव आप्णे धर्म का बैटा उनेसिमुस की ताँईऐं, जू मुँह कय्दी दा भेटा, अरह् मेरे जाँणें बिश्वाष दा मेरा गोद लुवा बैटा बंणा, हाँव तुँओं शी ढाल-अरज करू।

1 यूहन्ना 2:1

मेरे प्यारे नहाँन्ड़िया, हाँव ऐजी बातो तुँओं खे ईन्देंखे लिखू, के तुँऐं पाप ने करह्; अरह् जे कुँऐं किऐ पाप करह्, तअ स्वर्गो के परमं-पिता पंण्मिश्वर के साम्णें अमाँरे पापो शा बचाव कर्णो वाल़ा ऐक असो; अरह् सेजा असो धर्मी प्रभू यीशू मसीया।

3 यूहन्ना 1:4

मेरे ईन्दें शी बड़ी किऐ खुशी ने आथी, के हाँव ऐजो शुणू, के मेरे नहाँन्ड़िया सच्चाई दे चालो।