1 कुरिन्थियों 4:10 - Sirmouri

¹⁰ आँमें मसीया खे ज़ोगर मुरूख असो, अरह् तुँऐं मसीया दे ऐक हऐयों बुद्धी-मान असो! आँमें कंमजोर असो, अरह् तुँऐं बलवान असो! तुँओं आदर-ईज्जत भेंटो, अरह् अमाँरी बैस्त्ति हों।

सिरमौरी नौवाँ नियम

¹⁰ लोग आमु मूर्ख मानौ जिथुकै आमु मसीह कै बारै मुंजी उपदैश दियु, पौरौ तुऐं गौलती शै सुंचौए कै तुऐं बैजाए बुध्दिमान मसीह औसौ। बैजाए लोग मानौए कै आमुकैंई औधिकार ना आथी। पौरौ तुऐं गर्व शै बौल़ौए कै तुऔं कैई पौरमेशवर कै शौकतै औसौ। लोग अमारा आदर ना कौरौ पौरौ सै तोंवारा आदर कौरौ।

1 कुरिन्थियों 4:10 ပူးပေါင်းရင်းမြစ်များ

मत्ती 24:9

तबे से दु:ख-कल़ेष देणों खे तुँओं थंहम्बड़ालें, अरह् तुँओं माँरी देले, मेरे नाँव के कारण सब बादी गऐर यहूदी के लोग तुँओं आरी बईर कर्लें।

मत्ती 5:11

“भागोईत असो! तुँऐं, जबे लोग तुँवारी नीदया-चुगली करह्, अरह् सताव, अरह् तुवाँरे बारे दी मेरे कारण साँत्त-भाँत्ती अफ़वा फ़ईलाँव, झूठी लाँव।

लूका 10:16

“जुण्जा तुवाँरी शुणों, से मेरी भे शुण्दा ऐ; अरह् जुण्जा तुँओं छ़ोट्टे जाँणों, से मुँह भे छ़ुट्टा जाँणों; अरह् जुण्जा मुँह छुट्टा जाँणों; सैजा तैसी भे छुट्टा जाँणों जेने मुँह डियाल़ी थुवा।”

लूका 18:9

किऐ लोग आपु खे आप्णें आत्त्मबिश्वाष आरी धर्मी जाँणों थिऐ, अरह् से ओकी लोगो खे पापी अरह् छूत्त जाँणों थिऐ; तिनू लोगो के बिचार दे:खियों, प्रभू यीशू ऐ तिनखे ऐक अनाँणों दितो।

लूका 6:22

भाग्ईंत असो! तुँऐं जू आदमी के बैटे के ताँईऐंँ, लोग तुँओं आरी बईर कर्ले, अरह् तुवाँरी नीदया-चुगली लाँव, अरह् तुवाँरो नाँव बुरो जाँणियों काटी देले।

प्रेरितो कै काम 17:18

तबे इपिकूरी अरह् स्तोईकी दर्शण देख्णों वाल़े लोग, भे तेस्की गईलो सवाल जबाब कर्दे लागे; अरह् कंई लोगे ऐ बुलो, “ऐजा बकबादी का बुल्णों चहाँव?” परह् ओकी ऐ बुलो, के “ऐ कोसी ओकी देव्त्ते का प्रचार कर्णो वाल़ा हंणाँ” किन्देंखे के संत्त-पौलुस प्रभू यीशू का अरह् दुज़ाल़िऐं ऊबे जीऊँणों की खुषख्बरी शुँणाँव थिया।

प्रेरितो कै काम 17:32

मरियों ऊबे जीऊदें हणों वाल़ी बातो शुँणियों, बादे आदमी ठाठे पाड़दे लागे; अरह् कंई ऐं बुलो, “ऐजी बातो आँमें ताँव कैई शी हजो जादा शुँण्णीं चहाँव।”

प्रेरितो कै काम 26:24

संत्त-पौलुस ऐ ऐशी दाँई आप्णीं सफाऐ देऐ ही लंऐ थी, के हाकमं-फ़ेस्तुस ऐ जुराल़ों बुलो, “पौलुस! तू झ़ाह्ली रूवा; भहूत्ते ज्ञाँन की जाँण कारी के कारण ताँव दी झ़ाह्ल लागी रंऐ।”

प्रेरितो कै काम 9:16

हाँव आपु तेस्खे बुलूबा, के तेसी मेरे नाँव के कारण केत्रा कष्ट भोगणाँ हंदा।”

1 कुरिन्थियों 1:21

किन्देंखे के जबे पंणमिश्वर के ज्ञाँन के मुँताबिक संईसारी के लोगे ज्ञाँन शा पंणमिश्वर ने जाँणी, तअ पंणमिश्वर के ऐजो आछो लागो, के ऐसी प्रचार के जाँणें जेसी लोग मुरूख्ता जाँणो, ईन्दें के जाँणें बिश्वाष कर्णो वाल़े लोगो खे मुँक्त्ति दियों।

1 कुरिन्थियों 1:23

परह् आँमें तअ तेसी शुँल़ी-फ़ाँशी कुरबाँण हुऐ मसीया का प्रचार करह्, जू यहूदियों लोगो खे ढैस-ठूकर का कारण अरह् ओकी गऐर यहूदी लोगो खे मुरूख्ता असो;

1 कुरिन्थियों 1:25

किन्देंखे के पंणमिश्वर के मुरूख्ता आदमी के ज्ञाँन शी ज्ञाँनवान असो, अरह् पंणमिश्वर के कंमजूरी आदमी की तागत्ती शी बैजाऐ तागतबर असो।

1 कुरिन्थियों 10:12

ईन्देंखे जुण्जा कुँऐं ऐशो जाँणों के “हाँव बिश्वाष दा बिलकुल पाका असो,” सेजा च़ौक्क्ष रंह्; जू कद्दी से बिश्वाष शा टल़ी ने ज़ाव।

1 कुरिन्थियों 2:14

परह् बै-बिश्वाषी लोग पंणमिश्वर की आत्त्मा की बातो माँन्दें ने; किन्देंखे के सेजी बातो तिन के नंजरी दी बै-कार असो, अरह् ना तिनके सेजी बातो संम्झ आँदी किन्देंखे के सेजी बातो पबित्र-आत्त्मा की शक्त्ति शी ही सम्झ दी आँव।

1 कुरिन्थियों 2:3

हाँव कंमजूरी अरह् डरियों, अरह् बैजाऐ काँम्ब्लियों तुँवारी गईलो रूआ;

1 कुरिन्थियों 3:18

कुँऐं आपु-आप्खे धोखा ने दिऐं, किन्देंखे के जे तुँओं मुझ्षा कुँऐं, ईयों संईसारी दा आपु-आप्खे ज्ञाँनी जाँणों, तअ तुँऐं संईसारी की नंजरी दे ज़ोगर मुरूख बोंणों, जू तुँऐं पंणमिश्वर की नंजरी दे ज्ञाँनी बंणले।

1 कुरिन्थियों 3:2

मुँऐ तुँओं कैई शो दूध पियाव, नाँज ने खियाई; किन्देंखे के तुँऐं नाँज पचाऐं नें बल़ो थिऐ, परह् हेभी तोड़ी भे तुँऐं नाँज पचाऐं ने बल़्दे,

1 कुरिन्थियों 4:8

तुँऐं तअ ऐजो जाँणियों ही खुशी असो, के तुँवारी बादी जरूर्तो पुरी हऐ रंई, तुवाँरे किऐ कमी ने रंऐ रंई, अमाँरी सहाऐता के बिना ही तुऐं राजा बणीं रूऐ! आछो तअ ऐजो थियों के तुऐं राजा बंण्दें अरह् आँमें भे तुँवारी गईलो शाष्ण कर्दे।

2 कुरिन्थियों 10:10

किन्देंखे के कुछ लोग बुलो, “के पौलुस की चीट्ठी-पत्री गहीरी अरह् असरदार असो; परह् जबे से साम्णें हों, तअ से देह्-शरीर शा कंंमजोर अरह् बात-चींत्त कर्दे हल़्का जाँणियों।”

2 कुरिन्थियों 11:19

तुँऐं तअ सम्झदार हऐयों आँनन्द-खुशी शी मुर्खों की सह्ऐन करह्।

2 कुरिन्थियों 11:29

कोसी की कंमजूरी दा हाँव कंंमजोर ने हंदी? कोसी के ढैस-ठूकर खाँणों लई मेरा दिल ने दु:ख्दा?

2 कुरिन्थियों 13:9

जबे आँमें कंंमजोर असो, अरह् तुँऐं बलवाण असो, तअ आँमें आँन्दित्त-खुशी हों, अरह् ऐजी प्रार्थना भे करह्, के तुँऐं शुद्ध हऐ ज़ाँव।

2 कुरिन्थियों 4:12

ऐशा दाँई मंऊँत्त आँमों गाशी असर पाँव, अरह् जीवन तुँओं गाशी।

2 कुरिन्थियों 6:8

आदर अरह् निरादर दे, बुरे नाँम अरह् आछे नाँम दे। मतल्व भरमाँणों-दुर्तांणों वाल़े जैष्णें असो, तबे भे साच्चै असो;

1 थिस्सलुनीकियों 4:8

ईन्देंखे जू कुँऐं ईयों शिक्क्षा निकारी जाँणों, से कोसी आदमी ने, परह् तेसी पंण्मिश्वर खे निकारा जाँणों जू आप्णी पबित्र-आत्त्मा तुँओं खे दियों।

1 पतरस 4:14

जे तुँऐं मसीया के नाँव शे पतार्ले, तअ तुँऐं भागोईत असो! तुवों आशिर्बाद भेट्दा, किन्देंखे के तुवों दी पंणमिश्वर की बड़याई की आत्त्मा बंसी रंऐ;