1 कुरिन्थियों 3:9 - Sirmouri

⁹ किन्देंखे के आँमें तअ पंणमिश्वर आरी साथी काँम-काज़ कर्णो वाल़े असो, अरह् तुँऐं पंणमिश्वर की खेत्ती अरह् पंणमिश्वर की देऊँठी असो।

सिरमौरी नौवाँ नियम

⁹ आमै पौरमेशवर कै साथै काम कौरणौवाल़ै औसौ; औरौ तुऐं कुरिन्थुस शहर कै बिशवाशी ऐकी बागड़ी साए औसौ जू पौरमेशवर कै औसौ। औरौ इथकै साथै, हांव तुंआरी तुलना ऐकी घौरौ शै कौरे सौकु जिथुखै पौरमेशवरे बाणै लौ।

1 कुरिन्थियों 3:9 ပူးပေါင်းရင်းမြစ်များ

मत्ती 15:13

प्रभू यीशू ऐं तिनखे जबाब दिता, “ऐक नाँम पौधा जुण्जा मेरे स्वर्गो के पिता ऐ ने लाऐ थई, सेजो ऊडो ऊपाड़ो ज़ादों।

मत्ती 16:18

हाँव ताँव कैई ऐक ऊकी सचाऐं पर्गट करू: तू पतरस असो, आप्णी कलीसिया हाँव ऐसी ही पाथर गाशी बंणाऊँबा, अरह् अंदलोक नंरक के कुवाड़ ईन्दें गाशी हंक-अधिकार ने करी सको।

मत्ती 9:37

तबे प्रभू यीशू ऐ आप्णें चैले खे बुलो, “पाच्चे अंदे खेच़ौ तअ बेजाऐ भहिते असो, परह् तिन्दें धियाड़ूवा-खेच़्यारे ठीके ही असो।

मरकुस 16:20

अरह् चैले हुटियों ढीको प्रचार कर्दे लागे, अरह् प्रभू तिनकी गईलो काँम-काज़ कर्दे रूऐ, अरह् से तिनू चींन-चंम्त्तकार के जाँणें आप्णा बाय्दा सचाई आरी बचन पाके करदा रूवा। (“आमीन”)।

प्रेरितो कै काम 4:11

प्रभू यीशू सेजा ही पात्थर असो, जेसी तुँऐं बास्तिया बाड़ी ऐ बैकार जाँणा; परह् सेजा ही पाथोर ऐत्त्लों कुँणें का कँडवारा बणी गुवा।

1 कुरिन्थियों 3:16

कियों तुँऐं जाँण्दे ने के तुँऐं पंणमिश्वर के देऊँठी असो; अरह् पंणमिश्वर के आत्त्मा तुँओं दी बास करह्?

1 कुरिन्थियों 3:6

मुँऐं लाया, अरह् अपुल्लोस ऐ तेसी पाँणी लई सिंजा, परह् सेजा बचन का पौद्धा पंणमिश्वरे बड़ाया।

1 कुरिन्थियों 6:19

कियों तुँऐं ऐजो जाँण्दे ने, के तुँवारी देह्-शरीर पबित्र-आत्त्मा की देऊँठी असो; जू तुवाँरे भितरा बास करह्, जुण्जी आत्त्मा तुँओं पंणमिश्वर कैई शी भेंटी रंऐ; अरह् ईन्दा तुवाँरा किऐ भे हंक-अधिकार ने आथी?

2 कुरिन्थियों 6:1

आँमें जू पंण्मिश्वर के साजी असो, ऐजो भे सम्झों ऐ, के तिन्की कृपा जू तुँओं गाशी हऐ, तियों बै-कार ने ज़ाणों दियों

2 कुरिन्थियों 6:16

अरह् मुर्तियों आरी पंण्मिश्वर की देऊँठी का नाँता का असो? किन्देंखे के आँमें तअ जीऊँदें पंण्मिश्वर की देऊँठी असो; जैष्णों पंण्मिश्वर बुलो, “हाँव तिनू दा बास करूबा; अरह् तिनू मुझी चाला फिरा करूबा; अरह् हाँव तिनका पंण्मिश्वर हंऊँबा; अरह् से मेरे लोग हंदे।”

इफिसियों 2:10

किन्देखे के पंण्मिश्वर ऐं अमाँरी रंचणाँ करी, अरह् तिन्ऐं प्रभू यीशू मसीया आरी बादी संईसारी की रंचणा करी; जिन्दें लंई आँमें सेजे बादे आच्छ़े काँम-काज़ पुरे कंर्दे रंह्, जुण्जे पंण्मिश्वर ऐ आगे ही आँमों खे तैयार करी थुऐ।

कुलुस्सियों 2:7

अरह् तिनही दे तुऐं जुड़े अंदे, अरह् मसीया दे बड़्दे, अरह् आप्णें बिश्वाष दे पाक्कै हंऐ ज़ाव; ठीक तेष्णें ही जेष्णीं तुओं खे शिक्क्षा देऐ थंऐ, अरह् तुऐं धन्यबाद की हिछ़या दे जादा शे जादा बंड़्दे ज़ाँव।

1 तीमुथियुस 3:15

के जे मेरे आँणो दी देर हो, तअ तुऐ जाँणी पाव, के पंण्मिश्वर के घराने दी जू जीऊँदे पंण्मिश्वर की कलीसिया असो, तिदा लोगो का केष्णा बरताव हुआ चेंई, किन्देंखे के कलीसिया ही सच्चाई का खंम्बा अरह् पह्-नींव असो।

इब्रानियों 3:6

परह् मसीया बैटे के रूप दा पंण्मिश्वर के कुँड़बे दा बिश्वाष ज़ूगा थिया; अरह् सेजा कुँड़बा आँमें असो, जे आँमें हिमम्त्त दे अरह् आप्णें बिश्वाष दे आखरी तोड़ी पाक्कै अरह् अट्ल़ रंह्।

1 पतरस 2:5

तुँऐं भे जीऊँदें पाथरो जेष्णें बंणों, के आत्त्मिक देऊँठी के जेष्णें बंणाऐं ज़ाव; जू ऐक ऐशा पबित्र याजकों का समाज बंणियों सेवा करी सको, जिनका फर्ज ऐशे ऐशे आत्त्मिक बल़ीदाँण चढा़ऐया करह्, जू प्रभू यीशू मसीया के जाँणें पंणमिश्वरो के भाँव।

3 यूहन्ना 1:8

ईन्देंखे ऐजो ठीक असो, के आँमें ऐष्णे लोगों के आदर-ईज्त्त करह्, के आँमें तैसी सच्चाई के साजी बंणी ज़ाँव।