1 कुरिन्थियों 3:8 - Sirmouri

⁸ बोणों वाल़ा, अरह् सिज्णों वाल़ा, दुईनें ऐक ही असो; परह् ऐक नाँम आदमी आप्णी ही मेंह्नत के हिसाब शा प्रत्ति-फल़ पाँदे।

सिरमौरी नौवाँ नियम

⁸ मोऐं तुऔं सुसमाचार शुणौऊवा औरौ पौरमेशवर कै वचन खै शिखाणा शुरु कौरा औरौ अपुल्लोसे तुऔं पढ़ाणा जारी राखा पौरौ आमु दु का ऐकैई मकसद औसौ। जू पौधे लांव तैसकै धियाड़ी औरौ जू पाणी दैंव तैसकै धियाड़ी ऐक जैशणै औसौ, औरौ इनु दु खै पौरमेशवर इनाम दैंदा जू तिनुऐ कौरे राए।

1 कुरिन्थियों 3:8 ပူးပေါင်းရင်းမြစ်များ

मत्ती 16:27

आदमी का बैटा आप्णे पिता की बड़ियाऐ दे आप्णें स्वर्गदूत्त की गईलो आला, तबे से ऐक नाँम आदमी खे तिनके काँम-काज के मुताबिक प्रतिफल़ देले।”

लूका 19:19

तेने सैठे ऐं तैस्खे बुलो, ‘तू पाँच नंगर गाशी हंक-अधिकार करह्।’

रोमियों 2:6

से ऐकी नाँमों खे तिनकी काँम-काज़ के हिसाब शा प्रतिफल़ देला:

1 कुरिन्थियों 15:58

ईन्देंखे हे मेरे प्यारे भाऐ बंईणों पाके, अट्ल़, डटेअंदे रूऐ, अरह् तुऐं प्रभू की काँम-काज़ कर्णो खे बड़दे ज़ाव, किन्देंखे के तुँऐं ऐजो जाँणों ऐ, के तुऐं जू प्रभू खे मेंह्नत्त करी लऐ से बै-कार ज़ाँदी ने।

1 कुरिन्थियों 3:14

जेस्की काँम-काज़ तियों पह्-नींव गाशी पाक्की हली; तेसी ही प्रत्ति-फल़ भेट्दा।

1 कुरिन्थियों 3:7

ईन्देंखे ना तअ कुँऐं लाणों वाल़ा आथी, अरह् ना कुँऐं सिज्णों वाल़ा किऐ आथी, परह् सिर्फ पंणमिश्वर ही सब-कुछ असो, जू बड़ाणों वाल़ा असो।

1 कुरिन्थियों 3:9

किन्देंखे के आँमें तअ पंणमिश्वर आरी साथी काँम-काज़ कर्णो वाल़े असो, अरह् तुँऐं पंणमिश्वर की खेत्ती अरह् पंणमिश्वर की देऊँठी असो।

1 कुरिन्थियों 4:15

किन्देंखे के जे मसीया दे तुवाँरे शिखाँणों वाल़े, दष हजार लोग भे हंदें, तबे भे तुवाँरे बाबा कऐयों ने हंदी थी; ईन्देंखे के मसीया यीशू दे खुषख्बरी के जाँणें हाँव तुवाँरा आत्त्मिक बाबा बंणी रूवा।

1 कुरिन्थियों 9:7

ऐष्णा कुँण्जा फऊँजी असो, जू फऊँजी के सेंवा कर्दें आप्णा खर्च आपु करो? अरह् ऐष्णा कुँण जीम्मदार हला, जू दाख्ह-अंगुरोह् को खैच़ तअ लाँव ऐ, परह् तेसी खैच़ों का फल़ ने खाँदी? अरह् ऐष्णा कुँण भैड़वाल़ा, के गुवाल़ा, बकराल़ा हला, जू आप्णें लाई-सूई बईच़ी बुणेंरो को दूध ने पियों?

गलातियौं 6:4

परह् ऐक नाँम आदमी आप्णी काँम-काज़ के जाँच परख करह्, अरह् तबे अंण-जाँण के बारेदे ने, परह् आप्णें ही बारे दा तेसी तारीफ कर्णो का मोका भेट्ला।

गलातियौं 6:5

किन्देंखे के ऐक नाँम आदमी आप्णा ही भार-बूझ टिप्ला।

इब्रानियों 6:10

किन्देंखे के पंण्मिश्वर अनियाँऐ कर्णो वाल़े ने आथी, के तुँवारी काँम-काज़, अरह् सेजो प्यार बिसरी ज़ाव, जुण्जो तुँऐं तिनके नाँव शो ऐशो ढंग शो देखाव, के पबित्र लोगो की सेवा करी, अरह् हजो भे सेवा करी लऐ।

1 पतरस 5:4

जबे सेजा बड़ा जगवाल़ा पर्गट हला, तअ तुँओं खे बड़ियाऐं को मुँकुट-ताज दियो ज़ालो; जू कोद्दी भे मुँल़शाँन्दो ने।

2 यूहन्ना 1:8

आप्णे बारेदे च़ौक्क्ष रंह्, के जू मेंह्नत्त आँमें करी थऐ, सेजी तुँऐं गुवाऐ ने दियों, परह् तिन्दे का आछ़ा फल़ पाँव।

प्रकाशितवाक्य 2:23

हाँव तिनके नहाँन्ड़िया माँरी देऊँबा; तबे बादी कलीसियाऐं जाँणी पाली, के दिल अरह् मंन का पर्ख्णो वाल़ा हाँव ही असो, अरह् हाँव तुँओं मुँझी शे ऐकी नाँमों खे तिनके काँम-काज़ के मुँताबिक बद्ल़ा देऊँबा।

प्रकाशितवाक्य 22:12

“देख, हाँव शीघा आँणों वाल़ा असो; अरह् ऐकी नाँमों के काँम-काज़ के मुँताबिक तिनखे तिन्देंका प्रत्ति फ़ल़ देऊँबा।