1 कुरिन्थियों 3:5 - Sirmouri

⁵ अपुल्लोस कुँण असो? अरह् पौलुस का असो? सिर्फ पंणमिश्वर के दास, जिनके जाँणें तुँऐं बिश्वाष करा, जैष्णी के सेवा कर्णो के जुम्मेबारी प्रभू ऐ आँमों खे दिती।

सिरमौरी नौवाँ नियम

⁵ तौ तोबै अपुल्लोस कुण औसौ? औरौ पौलुस कुण औसौ? सिरफ सेवक औसौ, जिथकी बौजैह शै तुऐं लोगै मसीह पांदी बिशवाश कौरे राए, आमु मुंजीदै सौबीए सैजाई काम कौरा जू पौरमेशवरे आमु कौरणौ कारिए दैय राए।

1 कुरिन्थियों 3:5 ပူးပေါင်းရင်းမြစ်များ

मत्ती 25:15

ऐकी खे पाँच सुनें की सर्फी, अरह् ओकी खे दो सर्फी दिती, अरह् च़ीज़े खे ऐक सर्फी दिती; मतल्व ऐकीनाँम खे तिन की सामर्थ के हिसाब शी दिती, तबे आपु यात्रा दा ओकी प्रदेश खे हुटा।

लूका 1:2

जेष्णों के तिन्ऐं जुण्जे आगे ही शुभे ईनू बातो के दे:ख्णों वाल़े, अरह् बचन के सेवक थिऐ, तिन्ऐं ही आँमों तड़ी पईचाल़ी।

यूहन्ना 3:27

तबे संत्त-यूहन्ना नहाँण-कराँणों वाल़े आप्णें चैले खे जबाब दिता, “जाँव तोड़ी आदमी खे स्वर्गो शो ने दियों ज़ाँव, ताँव-तोड़ी तेसी किऐ ने भेट्दो।

प्रेरितो कै काम 18:24

तेसी बख्त्ते अपुल्लोस नाँव का ऐक यहूदी, जेस्का जंन्म सिकन्दरिया दा हऐ रूआ थिया; से परभाव वाल़ा प्रचारक अरह् पबित्र-ग्रन्थों का ज्ञाँनी धिया।

प्रेरितो कै काम 19:1

ऐशो हुओ के जबे अपुल्लोस कुरिन्थियों दा थिया, तअ संत्त-पौलुस ऊबे के बादे गाँव-इलाके शा इफिसुस दा आया। अरह् तेथै तिनू किऐ चैले भेंटे।

रोमियों 15:16

के हाँव गऐर यहूदी खे मसीया यीशू का दास बंणियों पंणमिश्वर की खुषख्बरी की सेवा याजकों जैष्णी करू; जिन्दे लई गऐर यहूदी लोग पंणमिश्वर कैईं धारण कर्णो ज़ुगी भेंट बंणी सको, अरह् पबित्र-आत्त्मा के जाँणें पंणमिश्वर खे पुरे ढंग शे पबित्र बंणों।

1 कुरिन्थियों 12:28

कलीसिया दे पंणमिश्वरे ज़ई-ज़ई आदमी चुणी थुऐ: आगें प्रभू यीशू के खास-चैले, दुज़े ऋषी, चीज़े शिक्क्षा देणों वाल़े, अरह् तिनू पाछ़ी शक्त्तिशाली काँम-काज़ चंगा कर्णो वाल़े, भलाई कर्णो वाल़े, अरह् अगुवाही कर्णो वाल़े, अरह् साँत्त-भाँती अंण-जाँण भाषा बुल्णों वाल़े।

1 कुरिन्थियों 16:12

भाऐ अपुल्लोस शी मुँऐ बैजाऐ ढाल-अरज करी थऐ, के तुँओं कैई बिश्वाषी भाऐ आरी ज़ाँव; परह् तेने ऐसी बख्ते ज़ाँणों की किऐ भे हिछा ने करी थई, परह् जबे मुँका भेट्ला तअ से आऐ ज़ाँदा।

1 कुरिन्थियों 3:10

पंणमिश्वर की तियों कृपा के मुताबिक जुण्जा मुँखे दिता गुवा, मुँऐंं संम्झदार बाढ़ई की जेऐ पह्-नींव पाँऐ, अरह् ओका तिन्दें गाशी रंद्दा लाँव। परह् ऐक नाँम आदमी च़ौक्क्ष रूऐ के से तिन्दें गाशी केष्णा रंद्दा लाँव।

1 कुरिन्थियों 3:22

का पौलुस, का अपुल्लोस, का कैफा, का संईसारी, का जीवन, का मंरण, का ऐजो जू होंदो लागो, अरह् का सेजो जू हंणों वाल़ो असो; ऐजो सब-कुछ तुवाँरो असो,

1 कुरिन्थियों 3:7

ईन्देंखे ना तअ कुँऐं लाणों वाल़ा आथी, अरह् ना कुँऐं सिज्णों वाल़ा किऐ आथी, परह् सिर्फ पंणमिश्वर ही सब-कुछ असो, जू बड़ाणों वाल़ा असो।

1 कुरिन्थियों 9:17

किन्देंखे के जे हाँव आप्णी हिछ़या शी खुषख्बरी प्रचार करू, तअ मुँह तिन्दे का प्रत्तिफल़ भेट्दा; अरह् जे हाँव आप्णी हिछ़या शा प्रचार ने करदा, तबे भे ऐजी मेरी जुमेंबारी असो।

2 कुरिन्थियों 11:23

कियों सेही मसीया के दास असो; हाँव झाले को जैष्णों बुलू, हाँव तिन शा बड़ियों असो! जादा मेंह्नत्त कर्णो दा; बार-बार कय्द हंणों दा; कोड़े खाँणों दा; बार-बार मंऊँती के मुँहों दा;

2 कुरिन्थियों 3:3

ऐजो पर्गट असो, के तुऐ मसीया की चिट्ठी असो; जिनू आँमें दास जैष्णी लिखी थई, अरह् जू स्याही लई ने, परह् जीऊँदें पंण्मिश्वर की आत्त्मा शी, पाथरो की पाटड़ी दी ने, परह् सासो दी माँस की पाट्ड़ी दी लिखी थई।

2 कुरिन्थियों 3:6

जिन्ऐं आँमों नुऐं बाय्दे के दास बण्णों ज़ुगे भे करे, ऐजा बाय्दा ऋषी-मूसा खे भेटे गुऐ निय्म ने आथी, जैसी बाय्दे ना माँन्णों लई मंऊँत्त आँव; परह् पबित्र-आत्त्मा अमर-जीवन दियों।

2 कुरिन्थियों 4:1

ईन्देंखे के जबे आँमों गाशी ऐष्णी कृपा हऐ, के आँमों ऐजी सेवा भेटी; तअ आँमें हिम्मत्त ने च़ूड़ो।

2 कुरिन्थियों 4:5

किन्देंखे के आँमें आपु खे ने, परह् मसीया यीशू का प्रचार करह्, के से प्रभू असो; अरह् आप्णें बारे दो ऐजो बुलो, के आँमें यीशू के जाँणें तुवाँरे दास असो।

2 कुरिन्थियों 4:7

परह् आँमों कैई सेजो धन माँटी के घड़े दो थऐ थो, के अपार शक्त्ति अमाँरे ढबे शी ने, परह् पंण्मिश्वर की ही ढबे शी बंणों।

2 कुरिन्थियों 5:18

ऐजी बादी बातो पंण्मिश्वर की ढबे शी असो, जिन्ऐं मसीया के जाँणें आपु आरी अमाँरा मेल-मिलाप की सेवा आँमों खे देऐ थऐ।

2 कुरिन्थियों 6:1

आँमें जू पंण्मिश्वर के साजी असो, ऐजो भे सम्झों ऐ, के तिन्की कृपा जू तुँओं गाशी हऐ, तियों बै-कार ने ज़ाणों दियों

2 कुरिन्थियों 6:4

परह् हर बातो दे पंण्मिश्वर के दासो की जिऐ आप्णें आछे गुण पर्गट करह्, बैजाऐ सबेर शे कल़ेष दे गरीब दे, कष्टो दे,

इफिसियों 3:7

पंण्मिश्वर ऐ आप्णी शँक्त्ति के अधिकार शे मुँखे ऐजी कृपा देऐ थऐ, के हाँव तेसी खुषख्बरी का दास बणू;

कुलुस्सियों 1:23

तुँओं बिश्वाष दे पाक्के अरह् अट्ल बंणों अंदो रहणों पड़ो, जू तुँओं खे खुषख्बरी के जाँणें देऐ गऐ, सेजी खुषख्बरी अस्माँनों थाईली बादी संईसारी खे शुँणाऐं गऐ, अरह् हाँव पौलुस तिनका सेवक-दास असो।

कुलुस्सियों 1:25

ईयों ही कलीसिया की ताँईऐ हाँव तुओं खे पंण्मिश्वर के जाणें दिती गंऐ, सेवा खे सेवक च़ूणाँ-छ़ाँटा गुवा, के हाँव पंण्मिश्वर की अज्ञाँ का ठीक ढंग शा बचन का प्रचार करूँ।

1 तीमुथियुस 1:12

हाँव आप्णे प्रभू मसीया का जिन्ऐं मुँखे शक्त्ति देऐ थऐ, धन्यबाद करू, के तिन्ऐ मुँह बिश्वाष ज़ूगा सम्झियों आप्णी सेंवा कर्णो वाल़ा बाँणा।

1 पतरस 4:10

ऐकी नाँमों खे पंणमिश्वर के जाँणें खास बर्दाण भटी रूआ, ईन्देंखे से पंणमिश्वर के अपार कृपा के आछे भणडारी के रूप दे ओका ओकी की जरूर्तो पुरी कर्णो खे तिन्दें के ईसतेमाल करह्।