1 कुरिन्थियों 3:23 - Sirmouri

²³ अरह् तुँऐं मसीया के असो, अरह् मसीया पंणमिश्वर का असो।

सिरमौरी नौवाँ नियम

²³ औरौ तुऐं मसीह कै औधिकार कै अधीन औसौ, औरौ मसीह पौरमेशवर कै औधिकार कै अधीन औसौ।

1 कुरिन्थियों 3:23 ပူးပေါင်းရင်းမြစ်များ

मत्ती 17:5

तेने बुली ही लों थियों, के ऐक ओज्ल़े बांद्ल़े तिनू मैठी दिते, अरह् तेसी बाद्ल़ो मुँझ्शी ऐक धाव पड़ी: “ऐजा मेरा प्यारा बैटा असो, जेस्छ़ा हाँव खुशी असो: ऐस्की शुणों।”

यूहन्ना 17:18

जेष्णाँ तुँऐं मुँह संईसारी दा डेयाल़ा थिया, तेष्णें ही मुँऐ भे ईनू संईसारी दे डेयाल़ी थुऐ;

यूहन्ना 17:21

हे बाबा! ऐजे बादे झुणें ऐक हों; जेष्णें तुऐं मुँह्दे, अरह् हाँव तुओं दा; तेष्णें ही ऐ बादे झुणें, आँमों आरी ऐक हों; जिन्दें लंई ऐजी संईसारी बिश्वाष करह्, के मुँह डेयाल़्णों वाल़े तुँऐं ही असो।

रोमियों 14:8

जे आँमें जीऊँदे असो, तअ प्रभू खे जीऊँदे असो; अरह् जे मंरो ऐ, तअ प्रभू खे मंरो; तअ: आँमें जींयों भाँव मंरो, आँमें प्रभू के ही असो।

1 कुरिन्थियों 11:3

परह् हाँव ऐजो चहाँऊ, के तुँऐं ऐजो जाँणी पाव, के ऐक नाँम मंर्दो को मुँढ मसीया असो, अरह् ऐक नाँम तिरंई को मुँढ मरोद् असो; अरह् मसीया को मुँढ पंणमिश्वर असो।

1 कुरिन्थियों 15:23

परह् ऐक नाँम आप्णी बारी शे: आगला फल़ मसीया, तबे मसीया के आँणों गाशी तिनके लोग हंदे।

1 कुरिन्थियों 15:28

अरह् जबे सब-कुछ तिनके बष दो करो, तअ बैटा आपु भे तिनके बष दा हंदा, जिन्दें लई सब-कुछ तिनके बंष दो करी दितो; जू सोभी दा पंणमिश्वर ही सब-कुछ हों।

1 कुरिन्थियों 7:22

किन्देंखे के जे कोसी दास-बैटू की दषा दा प्रभू ऐ बय्दी थुवा, तअ से प्रभू का अजाद करा अंदा असो। अरह् जेसी अजादी की दषा दा बऐदी थुवा, से मसीया का दास असो।

1 कुरिन्थियों 8:6

परह् आँमों खे तअ ऐक ही पंणमिश्वर असो: मतल्व परंम-पिता पंणमिश्वर जिनके जाँणें बादी चींजो असो, अरह् आँमें तिनके ही असो। अरह् ऐक ही प्रभू असो, मतल्व प्रभू यीशू मसीया जिनके जाँणें बादी चींजो बंणी, अरह् आँमें तिन्हीं के जाँणें असो।

2 कुरिन्थियों 10:7

तुँऐं ईन्ही बातो दे:खो, जू आ:खी के साम्णें असो; जे कोसी के आपु गाशी ऐजा भूर्षा हों, के हाँव मसीया का जंण असो, तअ से ऐजो भे जाँणी पाँव; के जैष्णाँ से मसीया का जंण असो, तैष्णें ही आँमें भे मसीया के जंण असो।

गलातियौं 3:29

अरह् जे तुँऐं मसीया के असो, तअ अब्राहम के बंष अरह् बाय्दें के हिसाब शे वारिस मतल्व हंकदार भे असो।

गलातियौं 5:24

अरह् जू प्रभू यीशू मसीया के असो, तिन्ऐ देह्-शरीर की बुरी हिछा, अरह् तिन्दें के शोक, समेत शुँल़ी-फ़ाँशी चढ़ाऐ पाँव।

इफिसियों 1:10

पंण्मिश्वर का सेजा पलाण थिया के ठीक बख्त आँणों गाशी स्वर्गो की अरह् धर्ती गाशली बादी चींजो मसीया दी कंट्ठी करह्।