1 कुरिन्थियों 3:18 - Sirmouri

¹⁸ कुँऐं आपु-आप्खे धोखा ने दिऐं, किन्देंखे के जे तुँओं मुझ्षा कुँऐं, ईयों संईसारी दा आपु-आप्खे ज्ञाँनी जाँणों, तअ तुँऐं संईसारी की नंजरी दे ज़ोगर मुरूख बोंणों, जू तुँऐं पंणमिश्वर की नंजरी दे ज्ञाँनी बंणले।

सिरमौरी नौवाँ नियम

¹⁸ जै तुऔं मुंजीदै कुणिए बै इयौं दुनिया कै लोगौ कै राय दै सौमझदार औसौ, तौ तुऔं इयौं दुनिया कै लोगौ कै राय मुंजी आपी खै मूर्ख बाणणा पौड़दा, ताकि आमु पौरमेशवर कै राय दै सोही मायनै दै सौमझदार बौणै सौकु।

1 कुरिन्थियों 3:18 ပူးပေါင်းရင်းမြစ်များ

मत्ती 13:22

सेजी जीम्मीं जेथै सेजो बींज़ झाल-झाड़ी मुँझी पड़ो, से सेजा आदमी असो, जुण्जा बचन की खुषख्बरी का प्रचार तअ शुणों ऐ; परह् से संईसारी का फिकर, अरह् धनं का धोखा, तेसी बचन तेस्की सासो दा ही दबाँऐ दियों, अरह् से तिन्दें के फल़ के बिना ही रंह्।

मत्ती 18:4

जुण्जा कुँऐं आपु-आप्खे ऐसी नहाँन्ड़िया जेष्णाँ छुटा बंणाला, तेसी स्वर्गो के राज्य दा सोभी शा बड़ा बंणाँया ज़ाँदा।

मरकुस 10:15

हाँव तुँओं खे खास बात बुलू, के जू कुँऐं पंणमिश्वर को राज्य नहाँन्ड़िया जेष्णों ने माँन्दा, तअ सेजा आदमी कद्दी भे पंणमिश्वर के राज्य दा ज़ाऐं ने सक्दा।”

लूका 18:17

हाँव तुँओं खे खास बात बुलू, के जू कुँऐं पंण्मिश्वर को राज्य नहाँन्ड़िया, छ़ैढ़ू जैष्णों ने माँन्ला, से कद्दी भे पंण्मिश्वर के राज्य दा ने ज़ाऐ सक्दा।”

लूका 21:8

प्रभू यीशू ऐ तिनखे जबाब दिता, “च़ौक्क्ष रूऐ, के तुँऐं कोसी के बंकावे दे ने आँओ; बैजाऐ लोग मेरे नाँव शे आले, अरह् बुल़्लै, के ‘हाँव ही मसीया असो’ अरह् ‘सेजा बख्त्त आऐ गुवा’ परह् तुऐं तिनू पाछी ने ज़ाऐ।

रोमियों 11:25

हे भाऐ बंईणों, कद्दी ऐशो ने हईयों, के तुँऐं आपु खे बद्धीमाँन जाँणों; ईन्देंखे हाँव ने चहाँदा के तुँऐं ऐसी राज भेद् शे अजाँण्दे ने रंह्, के जबे गऐर यहूदी पुरी रित्ती शे ने आऐ ज़ाँव, ताँव-तोड़ी इस्राएल का ऐक हिस्सा ऐष्णा ही कुठूर रंह्दा।

रोमियों 12:16

आपु मुँझी मिली-चालियों रूऐ; तारीफ ने करे, परह् गरीब आरी संग्त्ति करे; आप्णी नंजरी दे बुद्धीमान ने बंणें।

1 कुरिन्थियों 15:33

धोखा ने खाऐ, “बुरो साथ-हाथ आछा चाल-चल्ण बिगाड़ी दियों।”

1 कुरिन्थियों 3:17

जे कुँऐं पंणमिश्वर की देऊँठी नष्ट करला, तअ पंणमिश्वर तेसी नष्ट करला; किन्देंखे के पंणमिश्वर के देऊँठी पबित्र असो, अरह् सेजे तुँऐं असो।

1 कुरिन्थियों 4:10

आँमें मसीया खे ज़ोगर मुरूख असो, अरह् तुँऐं मसीया दे ऐक हऐयों बुद्धी-मान असो! आँमें कंमजोर असो, अरह् तुँऐं बलवान असो! तुँओं आदर-ईज्जत भेंटो, अरह् अमाँरी बैस्त्ति हों।

1 कुरिन्थियों 6:9

कियों तुँऐं जाँण्दे ने के अनियाँऐ कर्णो वाल़े लोग पंणमिश्वर के राज्य के वारिस ने हंदी? परह् धोखा ने खाऐ; ना बैष्या गंम्मी, ना मुर्ती पुज्णों वाल़े, ना पराई तिरोंई आरी चोरी-जारी कर्णो वाल़े। ना मरदो आरी मरोद भोग-बिलास कर्णो वाल़े,

गलातियौं 6:3

किन्देंखे के जे कुँऐं कैथी ज़ूगा ने आथी, अरह् तबे भे आपु खे किऐ जाँणों, तअ से आपु आपु खें धोखा दियों।

गलातियौं 6:7

धोखा ने खाऐ, किन्देंखे के पंण्मिश्वर ठाठे खे ने करदा, किन्देंखे के आदमी जू किऐ बों ऐ सेजो ही काटो ऐ।

इफिसियों 5:6

कुँऐं तुँओं खे बै-कार बातो शा धोखा ने दियों, किन्दें खे के ईनही काँम-काज़ के जाँणें; पंण्मिश्वर की सजा का कुरूध अज्ञाँ ना माँनणों वाल़े गाशी भड़को।

2 तीमुथियुस 3:13

परह् दुष्ट अरह् बकाँणों वाल़े, धुखा देंदे अरह् धुखा खाँदे बिगड़ी ज़ाँदे।

तीतुस 3:3

किन्देंखे के आगे आँमें भे बै-अक्ले, अरह् अज्ञाँ ने माँनणों वाल़े थिऐ, धोखे अरह् ऊकी हिछ़या की सूख-विलास के कर्जदार थिऐ, बईर भाव, अरह् डाह-जल़ंन कर्णो दा जीवन बिताँव थिऐ, अरह् ओकी दे शंगाँव थिऐ, अरह् ओकी शो बईर करह् थिऐ।

याकूब 1:22

परह् बचनों गाशी चाल्णों वाल़ें बंणों, सिर्फ शुण्णों वाल़े ही ने बणें जू आप्खे धोखा दियों।

याकूब 1:26

जे कुँऐं आप्खे भगत्त-संत्त जाँण्ल़ा, अरह् आप्णी जीभों दे लगाम ने लाँव, तअ से आप्णें मंन दा धोखा खाँव; अरह् तेस्की भगत्ति बै-कार असो।

1 यूहन्ना 1:8

जे आँमें ऐजो बुलो, के आँमों दो किऐ पाप ने आथी, तअ आँमें आपु आपू खे धोखा दियों; अरह् आँमु दी किऐ सच्चाऐ ने आथी।