1 कुरिन्थियों 3:12 - Sirmouri

¹² जे कुँऐं ईयों पह्-नींव गाशी सुनौ-चाँदी के किम्त्ती पाथर के लाकड़ी के घास-भुस का रंद्दा थंह्,

सिरमौरी नौवाँ नियम

¹² जै मसीह सेवक सोही शिक्षा शिखांव जू पौरमेशवरे तिनु दैय रैई, तौ सै तैसी घोर बाणणौवाल़ै कै जैशणै औसौ जू सूनु, चांदी या कीमती पाथरो जैशणै आछै गुणो वाल़ै सामान का इस्तैमाल कौरेयौ नीयुं कै बाणौ। पौरौ जै सै झूठै शिक्षा शिखांव, तौ सै तैसी घोर बाणणौवाल़ै कै जैशणै हौंव, जू लाकड़ी, घास औरौ पराल जैशणी खराब गुणो वाल़ै सामान का इस्तैमाल कौरौ।

1 कुरिन्थियों 3:12 ပူးပေါင်းရင်းမြစ်များ

प्रेरितो कै काम 20:30

ऐती ने! परह् तुवाँरे बीच दे ऐशे भे आदमी खह्ड़े हले; जुण्जे गलत्त शिक्क्षा देले, अरह् तुवाँरे ही मंडल़ी मुँझ्शे आपू खे चैले तैयार कर्ले।

रोमियों 16:17

ऐबे हे भाऐ बंईणों, हाँव तुँओं खे ढाल-अरज करू के जू लोग तियों शिक्क्षा के बिरूध असो, जुण्जी तुँओं भेटी रंई, फूट पाँणों खे अरह् ढैस-ठूकर का कारण बंणों, तिनू ताड़ी पाव, अरह् तिन्शे दुर्के रूऐ।

1 कुरिन्थियों 3:11

किन्देंखे के तियों पह्-नींव के सुवाऐ जू आगे ही पाँऐ थऐ, अरह् से प्रभू यीशू मसीया असो, तिन्दे गाशी कुँऐं ओकी पह्-नींव ने पाँऐ सक्दा।

1 कुरिन्थियों 3:13

तअ ऐकी नाँमों की काँम-काज़ का पत्ता लागदा; किन्देंखे के सेजो देस तेस्खे बुल्दो ऐ, ईन्देंखे के सेजो देस आगी आरी पर्गट होंदो, अरह् सेजी आग ऐकी नाँमों की काँम-काज़ के जाँच परख कर्दी के कैष्णी असो।

2 कुरिन्थियों 2:17

किन्देंखे के आँमें ईनू भहीते जैष्णें ने आथी, जू पंण्मिश्वर के बचन दी मिलावट करह्; परह् मंन की सच्चाई शे अरह् पंण्मिश्वर की ढबे शे पंण्मिश्वर हाजिर जाँणियों मसीया दो बुलो।

2 कुरिन्थियों 4:2

परह् आँमें बै-शर्मी की अरह् चुप्पी की काँम-काज़ छ़ुड़ी दिती, ना चपलुसी शे चाल्दे, अरह् ना पंण्मिश्वर के बचन दी किऐं मिलावट कर्दे; परह् सच्चाऐ पर्गट करियों, पंण्मिश्वर के साम्णें ऐक नाँम आदमी के मंन दी आप्णी भलाऐ बईठाल़ो।

कुलुस्सियों 2:8

ईन्दें चौक्क्ष रूऐ, के कुँऐं तुँओं ईनू देखावे के ज्ञाँन अरह् बै-कार के धोखे दे आप्णें बष दे ने करी पाँव; जुण्जी के आदमी के रित्ति-रूवाज अरह् संईसारी के पुराँणी शिक्क्षा असो, जुण्जी के मसीया के हिसाब शी ने आथी।

1 तीमुथियुस 6:3

जे कुँऐं झ़ुठी शिक्क्षा दियों, अरह् अमाँरे प्रभू यीशू मसीया के बचन ने माँनोंं, जू भगति के मुँताबिक शे असो।

2 तीमुथियुस 2:20

सैठो आदमी के घरह् दे सिर्फ सुन्नें-चाँदी के ही बाँस्णों ने हंदी, परह् लाकड़ी अरह् माटी के बाँस्णों भे जरूर हों ऐ; कुँऐं-कुँऐं बाँस्णों ईज्जती खे, अरह् कुँऐं-कुँऐं बाँस्णों बर्तोणों खे भे जरूर हों।

2 तीमुथियुस 3:13

परह् दुष्ट अरह् बकाँणों वाल़े, धुखा देंदे अरह् धुखा खाँदे बिगड़ी ज़ाँदे।

2 तीमुथियुस 3:7

अरह् तेष्णीं तिरंई शिख्णों के तअ कोशिष करह्, परह् से सच्चाई के ज्ञाँन तोड़ी ने पंह्ऊँची संक्दी।

2 तीमुथियुस 4:3

किन्देंखे के ऐशा बख्त्त आला, के लोग आछ़ी शिक्क्षा संऐन ने करी सको, परह् काँन के काचे हंणों के कारण आप्णी मंन की हिछ़या के मुँताबिक शे आप्खे बैजाऐ भहिते शिक्क्षा देणों वाल़े कठै कर्ले,

इब्रानियों 13:9

बदल़ी अंदी कंई किस्म की शिक्क्षा के बंहकावे दे ने आऐ; अरह् अमाँरे दिल खे ऐजो ठीक असो, के कृपा के कारण तेसी पाक्का करा ज़ाँव; ना के खाणों-पीणो की चीजो के जाँणें; किन्देंखे के खाणों-पीणों के रित्ति-रूवाज के जाँणें कोसी का किऐ भे भला ने हंदी।

1 पतरस 1:7

अरह् ईन्देंखे हों के तुवाँरा पर्खा अंदा बिश्वाष जू आगी शे भाड़े अंदे नाँष हंणों वाल़े सुन्नें शा भे कैथी बैजाऐ किम्त्ति असो; प्रभू यीशू मसीया के पर्गट हंणों गाशी, तारीफ, अरह् बड़ियाऐं अरह् आदर का कारण बंणों।

प्रकाशितवाक्य 2:14

परह् मेरे तेरे बिरूध दी किऐ बातो बुल़्णी, किन्देंखे के तेरे जागें दे किऐ ऐष्णें लोग असो, जू बिलआम के शिक्क्षा माँनों, जेने राजा-बालाक इस्राएलियों खे आगे ढैस-ठूकर का कारण मुर्त्तियों गाशी चढ़ाई गई बल़ी करी अंदी चीजो खाँव; अरह् बिचका कू-कर्म कर्णो खे उकसाव थिया।

प्रकाशितवाक्य 21:18

तिन्देंकी जाँग्गीं यशब की थी, अरह् नंगर ऐशे शुद्ध सुन्नें का थिया, जेष्णाँ के से साफ़ काँच का जिया हों।

प्रकाशितवाक्य 3:18

ईन्देंखे हाँव ताँव्खे मंत्त-शीख देऊँ, के आगी दो भाड़ो अंदों सुन्नों मुँह कैई शो मोंले लो, के तू धनी-सैठ बंणी ज़ाऐ, अरह् चीट्टे खोट्णों करह् के बाँम्बियों ताँव आप्णें नाँगे-पंण की शर्मिंन्दगी ने हों, अरह् आप्णी आखी दा लाँणों वाल़ा शुरमा करह् के तेरे आगू देखिलो।