1 कुरिन्थियों 3:10 - Sirmouri

¹⁰ पंणमिश्वर की तियों कृपा के मुताबिक जुण्जा मुँखे दिता गुवा, मुँऐंं संम्झदार बाढ़ई की जेऐ पह्-नींव पाँऐ, अरह् ओका तिन्दें गाशी रंद्दा लाँव। परह् ऐक नाँम आदमी च़ौक्क्ष रूऐ के से तिन्दें गाशी केष्णा रंद्दा लाँव।

सिरमौरी नौवाँ नियम

¹⁰ पौरमेशवरे जू वरदान मुखै दैय राए, तिथका इस्तैमाल कौरदै बैई मोऐं तिथु घौरौ कै नीयुं ऐकी बुध्दिमान राजमिस्तरी साए राखै। औरौ औकै लोगै तियौं नीयुं पांदी काम छैड़ राए, पौरौ सौबी लोगौ खै चौकश रौणौ चैंई कै तिथपांदी कैशै काम छैड़ राए।

1 कुरिन्थियों 3:10 ပူးပေါင်းရင်းမြစ်များ

मत्ती 24:45

“कुँण्जा असो, सेजा बिश्वाष ज़ूगा, अरह् सम्झदार दास-बैठू, जेस कैई घर का मालिक आप्णें कुँड़बे-घरोऊँच़ीं की जूमेबारी दियों; के से बख्तो के मुँताबिक सोभी खे भोजन खाँणों का ईन्तजाँम करह्।

मत्ती 7:24

“ईन्देंखे ऐकी नाँमों के बुरा-बरी तिनू आरी करी ज़ाली, जुण्जे मेरी ईनू शिक्क्षा शुणियों ईन्दें का पाल़्ण करह्, से तेसी बुद्धी माँन आदमी जेष्णा हंदा, जेने आप्णों घर ऐकोऊँरी-कऐड़ी गाशी बाँणों।

लूका 11:35

ईन्देंखे ख्याल थुऐ, के जुण्जा त्तेज-प्रकाष तुओं दा असो; सेजा ईनाँरा अंन्धकार दा ने बंणी ज़ाँव।

लूका 21:8

प्रभू यीशू ऐ तिनखे जबाब दिता, “च़ौक्क्ष रूऐ, के तुँऐं कोसी के बंकावे दे ने आँओ; बैजाऐ लोग मेरे नाँव शे आले, अरह् बुल़्लै, के ‘हाँव ही मसीया असो’ अरह् ‘सेजा बख्त्त आऐ गुवा’ परह् तुऐं तिनू पाछी ने ज़ाऐ।

प्रेरितो कै काम 18:27

जबे तेने अपुल्लोस ऐ संमुँन्द्रों गाशी यूनान देश खे जाँणों चहाँव, तअ बिश्वाषी भाऐ-बंईणों ऐ तेस्खे दीड़-हिमम्त्त दित्ती; अरह् चैले के नाँव दी पत्री देंऐयों, तिन शी बीनन्ती करी; के से ऐस्का सु-स्वागत्त् करह्; तबे तेने अपुल्लोस ऐ यूनान पंह्ऊँचियों, लोगों के बैजाऐ सहाँऐता करी; जुण्जे लोग प्रभू की कृपा के कारण बिश्वाषी बंणी रूऐ थिऐ।

रोमियों 1:5

तिनके जाँणें आँमों कृपा अरह् प्रभू यीशू के खास-चैला बंण्णों खे मुका भेटा, के तिनके नाँव के जाँणें बादी गऐर यहूदी के लोग बिश्वाष करियों तिनकी बष दे हों,

रोमियों 12:3

किन्देंखे के हाँव तियों कृपा के जाँणें जू मुँह भेटी, तुँओं मुझ्शे ऐक नाँम खे बुलू, के जेष्णों सम्झणों पड़ो, तिन्दें शो बड़ियों कुँऐं भे आपु-आप्खे ने सम्झे; परह् जेष्णों पंणमिश्वर ऐकी नाँमों खे बिश्वाष के नंतिजे के हिसाब शो बाँडी थो, तेष्णें ही आच्छ़ी बुद्धी आरी आपु-आप्खे संम्झे।

रोमियों 15:15

तबे भे मुँऐ कैथी-कैथी चित्ते कराँणों खे तुँओं खे बैजाऐ हिम्मत्त करियों लिखो। ऐजो तेसी कृपा के कारण असो, जू पंणमिश्वरे मुँखे देऐ थई।

रोमियों 15:20

परह् मेरे मंन के हिछ़या ऐजी असो, के जेथै-जेथै मसीया का नाँव ने लईदा तेथै ज़ाईयों खुषख्बरी शुणाँऊ, ऐशो ने हईयों के ओकी की तल़ी-पह् गाशी घर बंणाँऊ।

1 कुरिन्थियों 3:11

किन्देंखे के तियों पह्-नींव के सुवाऐ जू आगे ही पाँऐ थऐ, अरह् से प्रभू यीशू मसीया असो, तिन्दे गाशी कुँऐं ओकी पह्-नींव ने पाँऐ सक्दा।

1 कुरिन्थियों 9:2

जे हाँव ओकी खे प्रभू यीशू का खास-चैला ने आथी, तबे भे हाँव तुँओं खे तअ जरूर असो; किन्देंखे के तुँऐं प्रभू खे तिन्दें का सबुत असो।

2 कुरिन्थियों 10:15

आँमों सीमा-हद् शे बाऐर ओकी की मेहनन्त गाशी तारीफ ने कर्दे; परह् आँमु भूर्षा असो, के जैष्णाँ-जैष्णाँ तुवाँरा बिश्वाष बड़्दा ज़ाला तैष्णे-तैष्णें आँमें आप्णी सीमा-हद् के मुताबिक तुवाँरे कारण हजो भे बढ़्दे ज़ाऊँबे,

इफिसियों 2:20

तुँओं लोग घरह् के जिऐ लोग असो, प्रभू यीशू के खास-चैले अरह् ऋषियों की शुरूवात की पह्-नींव गाशी खह्ड़े असो, अरह् जिनके कुँणें का पाथर आपु यीशू मसीया असो।

कुलुस्सियों 1:29

ईन्देंखे हाँव तिनकी तियों शक्त्ति के मुँताबिक, जुण्जी मुँदी तागत आरी असर पाँव, तिन्देंखे हाँव तन-मंन लाऐयों मेंह्नत भे करू।

कुलुस्सियों 4:17

अरह् भाई-अर्खिप्पुस खे बुले के जू सेवा प्रभू दी ताँवखे देऐ थऐ, तियों च़ौक्क्षशाई शी पुरी करे।

1 थिस्सलुनीकियों 3:2

अरह् आँमें तीमुथियुस, जू मसीया की खुषख्बरी दा अमाँरा भाऐ अरह् पंण्मिश्वर का दास असो; तेसी ईन्देंखे डेयाल़ा के से तुँओं पाक्के करह्, अरह् तुवाँरे बिश्वाष के बारे दे तुँओं सम्झाँव।

1 तीमुथियुस 4:16

आप्णीं तरफ़ शा आप्णें भाष्ण दा च़ौक्क्ष रूऐ, अरह् ईनू ही बातो गाशी पाक्का भे रूऐ; किन्देंखे के जे तू ऐष्णों ही करदा रंईला, तअ तू आप्णाँ अरह् तेरी बातो शुँण्णों वाल़े लोगों खे भे ऐक आच्छ़ा-नंमुँना बंणला।

2 तीमुथियुस 2:15

संच्चाई के बचन ठीक-ढ़ंग शे बखाँण करियों, पंण्मिश्वर के ऐशे धारण कर्णो ज़ूगै सेवक बंण्णों के कोशिष करह्; के तिनकी सहाँम्णें शोर्मिन्दो ने हंणों पड़ो।

याकूब 3:1

हे मेरे भाऐ बंईणों, तुँओं मुँझ्षे भहीते शिक्क्षा देणों वाल़े ने बणे, किन्देंखे के तुँओं कैई पता भे असो, के शिक्क्षा देणों वाल़े जादा कसुरबार बाँण्दें।

1 पतरस 4:11

जे कुँऐं बचन बुलो, तअ तेष्णा बुलो, जेष्णाँ तेसी पंणमिश्वर कैई शा भेटियों तेने बुली लुवा; जे कुँऐं सेवा करह्, तअ तियों शक्त्ति शी करह्, जैष्णी पंणमिश्वर कैई शी भेटी रूऐ; जिन्दे लई बादी बातो दी प्रभू यीशू मसीया के जाँणें, पंणमिश्वर की बड़ियाऐ पर्गट हों; बड़ियाऐ अरह् शक्त्ति सदा-सदा तिनकी ही असो। आमीन।

2 पतरस 3:15

अरह् अमाँरे प्रभू का सबैर मुँक्त्ति जाँणों, जेष्णाँ अमाँरे प्यारे भाऐ संत्त-पौलुसे भे तेसी ज्ञाँन के मुँताबिक जू तेसी भेटा, तेने तुँओं खे भे लिखी थो।

प्रकाशितवाक्य 21:14

अरह् तेसी नंगर की जाँग्गी बारही पात्त्थरो, की पौ-नींव गाशी खड़ी थी, अरह् तिन्दें गाशी तेसी छ़ैल़्टे के बाहरी खास-चैले के नाँव भे लिखे अंदे थिऐ।

प्रकाशितवाक्य 21:19

तेसी नंगर की पह्-नींव साँत्त-भाँत्ते मोंह्गें-किम्त्ती पात्त्थरों लई सुवाँरी अंदी थी; आगली नींव-पह् यशब की, दुज़ी नीलमंणी की, च़ीज़ी लालड़ी की, अरह् चौऊँथी मरकत की,