1 कुरिन्थियों 2:6 - Sirmouri

⁶ तबे भे संम्झदार लोगो मुँझी आँमें ज्ञाँन की बात शुणाँव, परह् ऐजा ईयों संईसारी का अरह् ईयों संईसारी के नाँष हंणों वाल़े हाक्मों का ज्ञाँन ने आथी;

सिरमौरी नौवाँ नियम

⁶ तोबै बै जोबै हांव आत्मिक रुप शै मोजबूत बिशवाशियौं कै बीच मुंजी रोऊं, तोबै हांव ज्ञान कै शब्दो कै साथै बुलू। पौरौ ऐजा ज्ञान संसारिक औरौ इयौं दुनिया कै हाकिमो का ना आथी; जिनका नाश हौणौवाल़ा औसौ।

1 कुरिन्थियों 2:6 ပူးပေါင်းရင်းမြစ်များ

मत्ती 13:22

सेजी जीम्मीं जेथै सेजो बींज़ झाल-झाड़ी मुँझी पड़ो, से सेजा आदमी असो, जुण्जा बचन की खुषख्बरी का प्रचार तअ शुणों ऐ; परह् से संईसारी का फिकर, अरह् धनं का धोखा, तेसी बचन तेस्की सासो दा ही दबाँऐ दियों, अरह् से तिन्दें के फल़ के बिना ही रंह्।

मत्ती 19:21

प्रभू यीशू ऐ तेस्खे बुलो, “जे तू हर बातो दा साचा-पाका बंण्णों चहाँऐं, तअ ज़ा, आप्णों सब-कुछ बीकियों कंगाल-गरीबों खे दे, अरह् मुँह पाछी आ, तबे ताँव्खे स्वर्गो दो धंन भेट्लो।”

मत्ती 5:48

ईन्देंखे ऐशो चेंई के जेष्णाँ तुवाँरा स्वर्गो का पिता साच्चा-पाक्का असो, तेष्णें ही तुँऐं भे साच्चै-पाक्कै बंणों।

लूका 16:8

तेने सैठ माँलिक ऐं तैसी चंतूर आगु गाड़े अंदे आप्णें खजाँन्च़ी खे शबाशी दित्ती; किन्देंखे के तेने च़तूराई वाल़ी चाल-चाली, ईन्देंखे ऐसी ज़ूगो के अलाद भे आप्णी ईयों पीड़ी की गईलो, आप्णी लेंण-देंण की चाल-चल़्ण दे जादा चंत्तूर असो!

1 कुरिन्थियों 1:28

अरह् पंणमिश्वर ऐ सेजे लोग जुण्जे संईसारी के लोगो की नंजरी दे नींच छुटे, अरह् बैकार थिऐ, तिनू पंणमिश्वरे चूणें-छाँटे, किन्देंखे के जुण्जे किऐ लोग आपु-आप्खे बड़े बंणों संम्झों थिऐ, तिनके सेजे बैकार बिचार खत्त्म हऐ ज़ाँव।

1 कुरिन्थियों 12:8

जैष्णी के ऐकी खे पबित्र-आत्त्मा के जाँणें बुद्धी की बातो देंई, अरह् ओकी खे तियों ही पबित्र-आत्त्मा के जाँणें ज्ञाँन की बातो देई ज़ाँव।

1 कुरिन्थियों 14:20

हे भाईयों-बंईणों, तुऐं सम्झदे बालक ने बंणें, बुराई खे तअ बालक बंणों परह् संम्झदें ठग्ड़े बंणों।

1 कुरिन्थियों 2:1

हे भाऐ बंईणों, जबे हाँव पंणमिश्वर का भेद् शुणाँदें तुँओं कैई आया, तअ ना बातो की चतुराई लई आई; अरह् ना ज्ञाँन की देखावे खे आई।

1 कुरिन्थियों 2:13

आँमें तिनखे जू आत्त्मिक असो, आत्त्मिक बातो का बखाँण आदमी के ज्ञाँन की भाषा दा ने; परह् आत्त्मिक भाषा दा शुणाँव।

1 कुरिन्थियों 2:8

जेसी ईयों संईसारी की हाक्मों मुंझ शा कुँणिऐं ने जाँणी, किन्देखे के जे से जाँण्दें तअ प्रकाषमाँन प्रभू शुँल़ी-फ़ाँशी ने चड़ाँदें।

1 कुरिन्थियों 3:1

हे मेरे भाऐ बंईणों, हाँव तुँओं आरी तैष्णी बातों ने करी सकी जैष्णी की आत्त्मिक लोगो आरी करी ज़ाँव, परह् मुँऐं तैष्णीं बातो करी जैष्णी बै-बिश्वाषी लोगो आरी करी ज़ाँव, अरह् तिनू आरी करी ज़ाँव जुण्जे मसीया दे नहाँन्डिया जिऐ असो।

2 कुरिन्थियों 1:12

किन्देंखे के आँमें आप्णे बिचारो के गुवाऐ-शाज़्त गाशी तारीफ करह्, के संईसारी दे प्रभू यीशू के जाँणें तुवाँरे बिचो दा, अमाँरा चाल-चल्ण पंण्मिश्वर ज़ूगा ऐशा पबित्र अरह् सच्चाई आरी थिया, जू देह्-शरीर की अज्ञाँ शा ने परह् पंण्मिश्वर की कृपा आरी थिया।

2 कुरिन्थियों 13:11

तअ: हे भाऐ, बंईणों, आँन्दित्त-खुशी रंह्; साच्चै बण्दे ज़ाव; हिम्मत थुऐं; ऐक ही मंन थुऐ; मेल शे रूऐ। अरह् पियार अरह् शाँण्त्ति का दाता पंण्मिश्वर तुँवारी गईलो हला।

2 कुरिन्थियों 4:3

परह् जे अमाँरी खुषख्बरी दा पड़्दा असो, तअ ऐ नाँष हंणों वाल़े खे ही पड़ी रूआ।

2 कुरिन्थियों 4:4

अरह् तिनू बै-बिश्वाषी खे, जिनकी बुद्धी ईयों संईसारी के ईश्वर ऐ शैड़ी बाँणी थऐ, जे मसीया जू पंण्मिश्वर का सरूप असो, तिन के त्तेजमंऐं खुषख्बरी का प्रकाष तिनू गाशी ने चंम्को।

इफिसियों 2:2

किन्देंखे के तुवारा चाल-चल्णँ आगे ऐसी ज़ूगौ के रित्ति-रूवाज के मुँताबिक, जू अस्माँनों दा हंक-अधिकार जमाँनों वाल़े, हाकमों के मुँताबिक थिऐ; जुण्जे तियों आत्त्मा के बंष दे थिऐ, जुण्जी आत्त्मा हेभी तोड़ी पंण्मिश्वर के बिरोधियों आरी काँम-काज़ करह्।

कुलुस्सियों 1:28

जिनका प्रचार करियों आँमें हर ऐक आदमी च़ौक्क्ष करी दियों, अरह् बादे ज्ञाँन शे ऐक नाँम आदमी कैई शो शिखाँव ऐ, के आँमें ऐक नाँम आदमी खे मसीया दा पाक्का सीद्ध करियों हाजिर करह्।

कुलुस्सियों 4:12

भाऐ-इपफ्रास, जू तुँओं मुझ्षा असो, अरह् मसीया का दास असो, तुँओं खे नमंष्कार बुलो, अरह् सदा तुँओं खे प्रार्थना दा लागा अंदा रंह, जिन्दे लई तुऐ लोग बादी बातो दे पंण्मिश्वर के हिछ़या पुरी करियों, पुरी कर्णो दे पाक्के बंणों।

इब्रानियों 5:14

परह् नाँज अरह् भारी खाणाँ, तअ बह्ड़े सम्झदार लोगों खे ही हों, जुण्जे ज्ञाँन-संहम्झ़ दे अरह् भले बुरे के भेंद् कर्णो दे संहम्झ़दार हों।

इब्रानियों 6:1

ईन्देंखे आँमें सीद्धत्ता आप्णाँ निशाणाँ बाणियों, मसीया शी मेल-झ़ोल थंणों वाल़ी पंह्-नींव की शिक्क्षाओं शे ऊबे बीऊँजियों पंबित्रत्ता की ढंबै बंड़ो; अरह् किऐ ओकी पंह्-नींव ने पाँव, ऐबे आँमें मंऊँत्ती की ढ़बै ज़ाँणों वाल़े कर्मो शे आप्णाँ मंन बंद्ल़ियों, पंण्मिश्वर दा बिश्वाष करह्।

याकूब 3:15

ऐजा ज्ञाँन स्वर्गो के ईश्वर का ने परह् संईसारिक, सभाव अरह् दुष्ट-आत्त्मा शैतान का हों।

याकूब 3:2

आँमें बादे झोणें कैथी ना कैथी किऐ ना किऐ भूल-चूक जरूर करह्, परह् सिद्ध-पाक्का सेजा असो, जू किऐ भे बचन दी भूल-चूक ने करदा, किन्देंखे के सेजा आदमी आप्णी देह्-शरीर दी लगाम आप्णें बष दी थऐ सको।

1 पतरस 5:10

ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।