1 कुरिन्थियों 2:12 - Sirmouri

¹² परह् आँमों दी ईयों संईसारी की आत्त्मा ने, परह् आँमों सेजी पबित्र-आत्त्मा भेटी रंऐ, जू पंणमिश्वरे आप्णें दिल शी आँमों खे देऐ थऐ, के आँमें सेजी बादी बातो जाँणी पाँव जुण्जी पंणमिश्वर की असो।

सिरमौरी नौवाँ नियम

¹² आमु दुनिया कै आत्मा नी पौरौ सैजी आत्मा भैटी रौए, जू पौरमेशवर कै ढौबौशी औसौ कै आमै सैजौ सौबै जाणै सौकु, जू पौरमेशवरे आमु दया शै दैय राए।

1 कुरिन्थियों 2:12 ပူးပေါင်းရင်းမြစ်များ

रोमियों 8:1

तअ: ऐबे जू मसीया यीशू के असो, तिनू् गाशी पंणमिश्वर की सजा के अज्ञाँ ने आथी। (किन्देंखे के से देह्-शरीर के मंन की बुरी हिछ़ा शे ने, परह् पबित्र-आत्त्मा की हिछ़ा शे चालो।)

रोमियों 8:32

जिन्ऐं आप्णा ऐकलता बैटा भे बंचाऐयों थंई ने, परह् तेसी भे अमाँरी पाप शे आँमों बंचाँणों खे बल़ीदाँण करी दिता; तअ ऐत्रों भहितों देणों गाशी भे से कियों आँमों खे सब-कुछ ऐई मुँझी देंदी ने?

1 कुरिन्थियों 1:27

परह् पंणमिश्वरे तिनू लोग चूंणें-छाँटे, जिनू संईसारी के लोग मुरूख-ज़गर जाँणों थिऐ; किन्देंखे के तिनू दे:खियों संईसारी के ज्ञाँन-वाँन लोग सरमाँऐं ज़ाँव; अरह् पंणमिश्वरे तिनू लोग चूणें-छ़ाँटे जिनू संईसारी के लोग कंंमजोर जाँणों थिऐ; किन्देंखे के तिनू दे:खियों सेजे संईसारी के बल़्वान लोग भे सरमाँऐं ज़ाँव;

1 कुरिन्थियों 2:6

तबे भे संम्झदार लोगो मुँझी आँमें ज्ञाँन की बात शुणाँव, परह् ऐजा ईयों संईसारी का अरह् ईयों संईसारी के नाँष हंणों वाल़े हाक्मों का ज्ञाँन ने आथी;

1 कुरिन्थियों 3:22

का पौलुस, का अपुल्लोस, का कैफा, का संईसारी, का जीवन, का मंरण, का ऐजो जू होंदो लागो, अरह् का सेजो जू हंणों वाल़ो असो; ऐजो सब-कुछ तुवाँरो असो,

2 कुरिन्थियों 4:4

अरह् तिनू बै-बिश्वाषी खे, जिनकी बुद्धी ईयों संईसारी के ईश्वर ऐ शैड़ी बाँणी थऐ, जे मसीया जू पंण्मिश्वर का सरूप असो, तिन के त्तेजमंऐं खुषख्बरी का प्रकाष तिनू गाशी ने चंम्को।

इफिसियों 2:2

किन्देंखे के तुवारा चाल-चल्णँ आगे ऐसी ज़ूगौ के रित्ति-रूवाज के मुँताबिक, जू अस्माँनों दा हंक-अधिकार जमाँनों वाल़े, हाकमों के मुँताबिक थिऐ; जुण्जे तियों आत्त्मा के बंष दे थिऐ, जुण्जी आत्त्मा हेभी तोड़ी पंण्मिश्वर के बिरोधियों आरी काँम-काज़ करह्।

याकूब 4:5

कियो तुँऐं ईयो जाँणों के पबित्र-ग्रन्थों का ऐसी कथंन का किऐ अर्थ ने आथी: सेजी आत्त्मा जियों “पंणमिश्वरे आँमों दी बसाऐ थऐ, से बैजाऐ आप्णी हिछ़या शी आँमों खे ऐजी काँमना करह् जिन्दें का प्रत्ति-फ़ल़ डाह्-जल़ण हों”।

1 यूहन्ना 2:20

परह् तुवाँरा राज-तिंलक तअ तेसी पबित्र मसीया प्रभू यीशू के जाँणें हऐ रूवा, जिन्दें के बारे दो तुऐं सुची भे ने थंई।

1 यूहन्ना 2:27

परह् तुवाँरा राज तिलक जुण्जा तिनके जाँणें करा गुवा, सेजा तुँओं दा पाक्का अट्ल़ रंह; अरह् तेसी राज तिलक के असर लई, ऐजो जरूरी असो, के कुँऐ तुँओं खे किऐ ओकी शिक्क्षा ने दियों; किन्देंखे के जुण्जी शिक्क्षा तुँओं खे देऐ थऐ, अरह् जुण्जो तुँओं कैई शो शिखाऐ थो; सेजो साच्चो असो, अरह् तुँऐं तियों ही शिक्क्षा के मुँताबिक मसीया दे पाके अट्ल़ रंह।

प्रकाशितवाक्य 12:9

तबे सेजा बड़ा पाँखों वाल़ा अजंगर मतल्व सेजा ही पुराँणा शंगाव जैस्खे इबलीस, मतल्व जेस्खे शैतान बुली, अरह् बादी संईसारी का भरंमाँणों वाल़ा थिया, तेसी तेस्के दूत्तों आरी ऊदा धर्ती गाशी फेरकाऐयों पट्की दिता।

प्रकाशितवाक्य 22:6

तेने स्वर्गदूत्ते हजो मुँखे बुलो, “जुण्जो किऐ हेभी तोड़ी बुलो गुवो; सेजो साच्चो अरह् बिश्वाष ज़ुगौ असो, प्रभू ऐ, जुण्जे ऋषियों की आत्त्माओं के पंण्मिश्वर असो, तिन्ऐं आप्णें स्वर्गदूत्त आप्णें दासो कैई सेजो सब-कुछ पर्गट कर्दे डेयाल़े, जुण्जो शीघों हंणों वाल़ो असो।”