1 कुरिन्थियों 2:10 - Sirmouri

¹⁰ परह् पंणमिश्वर ऐ तिनू बातो आप्णी आत्त्मा के जाँणें आँमों गाशी पर्गट करी, किन्देखे के पबित्र-आत्त्मा बादी बातो, मतल्व पंणमिश्वर की गईराई की बातो भी जाँचो-पर्खो ऐ।

सिरमौरी नौवाँ नियम

¹⁰ पौरौ पौरमेशवरे इनु बातौ खै आमु पांदी यानी चोणेयौंदे चैलै पांदी इनु चीज़ौ खै आपणै पवित्र आत्मा कै दवारा प्रकट कौरी; जिथुकै ऐशणौ किछै ना आथी जू पौरमेशवर कै आत्मा खै पौता नै हौली। इथै तौड़ी कै पौरमेशवर कै डुंगै विचारो खै बै सै ठीक शै जाणौ।

1 कुरिन्थियों 2:10 ပူးပေါင်းရင်းမြစ်များ

मत्ती 13:11

तबे प्रभू यीशू ऐं जबाब दिता, “तुँओं खे स्वर्गो के राज्य के भेद् की संम्झ देऐ थंऐ, परह् ईनखे ने देऐ थंई।

मत्ती 16:17

प्रभू यीशू ऐ तिनखे बुलो, “हे शमौन, योना का बैटा, तू भागोईत असो! किन्देखे के ताँव कैई ऐजा सचाई का प्रकाष कराँणा, कोसी आदमी का काँम ने आथी; परह् मेरे स्वर्गो के पिता का काँम असो, जिन्ऐं ऐजी बात ताँव गाशी पर्गट करी।

लूका 10:21

तैख्णी प्रभू यीशू पबित्र-आत्त्मा की खुशी शे भरपुर हऐयों बुलो; “हे पिता! स्वर्ग अरह् धर्त्ती के प्रभू! हाँव तुवाँरी प्रार्थना करू, किन्देंखे के तुऐं ऐजी बात्तो ज्ञाँनियों, अरह् बुद्धीमाँनों शी चुप्पी थंई; परह् नहाँन्ड़िया गाशी पर्गट कअरी; होर, पिता, तुओं ऐजो ही आच्छ़ो लागो।

लूका 2:26

अरह् पबित्र-आत्त्मा ऐं तैस्खे आगे बुली थो थियो; के जाँव तोड़ी तुऐं प्रभू का मसीया ने दे:खा ताँव तोड़ी तू मंरदा ने।

यूहन्ना 14:26

परह् ‘मद्त्तगार’ मतल्व पबित्र-आत्त्मा, जियों बाबा मेरे नाँव शी डेयाल़्दा; से तुँओं कैई शी बादी सब-कुछ़ बातो शिखाली, अरह् जुण्जो किऐ मुँऐं तुओं कैई बुली थो, सेजो से तुओं कैई शो चींत्ते-मंने कराली।

यूहन्ना 16:13

जबे सेजा मंद्त्तगार, मतल्व सच्चाई की आत्त्माँ आली; तअ से पुरी सच्चाई दी, तुओं खे बाट लाँह्दी; से आप्णीं तरफ़ शो किऐ ने बुल्दी, परह् से सेजो ही बुल्दी; जुण्जो से शुँण्ली, से तुवाँरी ताँईऐ आँणों वाल़ी घट्णाँ पर्गट कंरियों तुवाँरे संहाँम्णें आँण्लीं।

1 कुरिन्थियों 14:30

परह् जे ओकी गाशी जू बईठा अंदा असो, तेस कैई किऐ पंणमिश्वर का प्रकाशित बचन भेटो, तअ सेजा बुल्णों वाल़ा आगला चुप्पी रंह्।

1 कुरिन्थियों 2:11

आदमी मुझ्शी कुँण कोसी आदमी की बातो जाँणों ऐ, सिर्फ सेजे ही जिन्दी आदमी की आत्त्मा असो? तैष्णी ही पंणमिश्वर की बातो भे कुँऐं ने जाँण्दा, सिर्फ पंणमिश्वर की आत्त्मा ही जाँणों।

गलातियौं 1:12

किन्देंखे के ऐ मुँह आदमी कैई शी ने भेंटी रंई, अरह् ना कोसी आदमी ऐ मुँह कैई ईन्दें की शिक्क्षा देऐ थई; परह् यीशू मसीया ऐ मुँह कैई पर्गट हऐयों देऐ थऐ।

इफिसियों 3:3

मंतल्व ऐजा के सेजा भेंद्-पता मुँह कैई बखाँण के कारण ही पर्गट हुवा; जैष्णों के मुँऐ आगे भे तुओं खे दाँणिक-दाँणिक लिखी थुओं,

इफिसियों 3:5

ऐजा गुप्त भेद्-पता आगली पीड़ी के लोगो कैई ने बुली थई थी, परह् ऐबे पबित्र-आत्त्मा के जाँणें तिनके पबित्र खास-चैले अरह् ऋषियों कैई पर्गट करी थुवा,

1 तीमुथियुस 4:1

परह् पबित्र-आत्त्मा ऐ साफ-साफ बुलो, के आँणो वाल़े बख्ते कैतोड़े लोग भरमाँणो वाल़ी आत्त्माओं के शिक्क्षाओं गाशी आप्णा मंन लाऐयों बिश्वाष शे भट्की ज़ादे।

1 पतरस 1:12

तिन कैई शो ऐजो दे:खाव गुओं थियों, के तिनू बातो का बचन का बखाँण कर्दे से आप्णी ने परह् तुँवारी सेवा करह् थिऐ। सेजी बातो स्वर्गो शी भेजी गई पबित्र-आत्त्मा के जाँणें तुँओं खे खुषख्बरी की शिक्शा देणों वाल़े के जाँणें बुली गई थी, अरह् तिनू बातो जाँण्णों खे तअ स्वर्गो के दूत भे तर्शोऐ।

1 यूहन्ना 2:20

परह् तुवाँरा राज-तिंलक तअ तेसी पबित्र मसीया प्रभू यीशू के जाँणें हऐ रूवा, जिन्दें के बारे दो तुऐं सुची भे ने थंई।

1 यूहन्ना 2:27

परह् तुवाँरा राज तिलक जुण्जा तिनके जाँणें करा गुवा, सेजा तुँओं दा पाक्का अट्ल़ रंह; अरह् तेसी राज तिलक के असर लई, ऐजो जरूरी असो, के कुँऐ तुँओं खे किऐ ओकी शिक्क्षा ने दियों; किन्देंखे के जुण्जी शिक्क्षा तुँओं खे देऐ थऐ, अरह् जुण्जो तुँओं कैई शो शिखाऐ थो; सेजो साच्चो असो, अरह् तुँऐं तियों ही शिक्क्षा के मुँताबिक मसीया दे पाके अट्ल़ रंह।

प्रकाशितवाक्य 1:1

यीशू मसीया का बखाँण, जुण्जा तिनखे पंण्मिश्वर की ढंबे शा भेंटा थिया, जिन्दे लंई से आप्णें सेंवक-दास खे नंजीक आणों वाल़ी घट्णाँ देखाँव; तिन्ऐं आप्णें स्वर्गदूत्त डेयाल़ियों ऐसी बखाँण का ज्ञाँन आप्णें सेवक संत्त यहून्ना कैई शा कराया;

प्रकाशितवाक्य 2:24

परह् तुँऐं थुआतीरा के ओकी लोगो खे, जैतोड़े ईयों शिक्क्षा ने माँन्दे; अरह् सेजी बातो जिन्देंखे शैतान की गह्ईरी बातो बुली, से ऐजो जाँण्दें ने के हाँव तुँओं खे ऐजो बुलू, के हाँव तुँओं गाशी किऐं ओका भार-बोझ़ ने पाँदी।