1 कुरिन्थियों 16:6 - Sirmouri

⁶ परह् हऐ सको के हाँव तुवाँरे ही कागी ठहरी ज़ाँऊ, अरह् शैल़े के देसो हीऊँदों तुँवारी ही कागी काटू, अरह् तबे जबे हाँव किऐ खे ज़ाँणों चहाँऊ, तअ तुँऐं मुँह तेथै खे पह्ऊँचाऐ दिऐ।

सिरमौरी नौवाँ नियम

⁶ हौए सौकौ कै हांव तोंवारै साथै लाम्बै सौमय तौड़ी रोऊं या शायद पूरै जाड़ै कै मौसम दा, औरौ औटेयौ जिथै बै हांव जोऊं, तौ तुऐं मुखै मैरी यात्रा पांदी भैजै सौकौ।

1 कुरिन्थियों 16:6 ပူးပေါင်းရင်းမြစ်များ

प्रेरितो कै काम 15:3

तबे: अंन्ताकिया की कलीसिया ऐं तिनू तेथै शे बिदा करे: तबे तिन्ऐं फीनीके अरह् सामरी ईलाके बाटी यात्रा करी; अरह् तेथै के भाऐ-बंईणों खे बुलो, के गऐर-यहूदी लोगे केशे दाँई आप्णें मंन बद्ल़े, अरह् ऐजो शुँणाँऐयों तिन्ऐ सोभी लोग आँनन्दित्त-खुशी करे।

प्रेरितो कै काम 17:15

संत्त-पौलुस के साथिऐ तेसी एथेंने नंगर तोड़ी डेयाल़ा, अरह् संत्त-पौलुस के ईयों अज्ञाँ आरी पाछ़ू आऐ; के जैतड़ी शिघवाँत्त हऐ सको, सीलास अरह् तीमुथियुस मुँह कैई पाछ़ू आँव।

प्रेरितो कै काम 20:38

सेजे बिश्वाषी लोग बैजाऐ दु:खी हुऐ! खास करियों संत्त-पौलुस की तियों बातो शुँणिंयों, के तुऐं मेरो मुँह हजो कोद्दी ने देखी सक्दे; ईन्दें पाछ़ी से बादे के बादे संत्त-पौलुस बिदा कर्दे पाँणी की जहाजो तोड़ी छ़ूड़दे आऐ।

प्रेरितो कै काम 21:5

जबे तेथै शा अमाँरे ज़ाँणो का बख्त्त पुरा हुवा; अरह् आँमें बिदा हंऐयों जाँदे लागे, तअ बादे लोग तिरंई अरह् नहाँन्ड़िया आरी, नंगर शे बाँईडे आँमों डेयाल़्दे आऐ; अरह् आँमें संमुँन्द्रो के काटल़ो गाशी आप्णें घुण्डू नाँऐयों प्रार्थना कर्दे लागे।

प्रेरितो कै काम 27:12

सेजा टापू शेल़ै-जाड़ै के हेऊँद काट्णों खे आछा ने थी, ईन्देंखे भहित्ते लोग तेथै शे ज़ाँणों के पंक्ष दे थिऐ; से कैई-कैई फीनिक्स नंगर तोड़ी ज़ाँणों चहाँव थिऐ; अरह् तेथै शेल़ै-जाड़ै का हेऊँद बिताँणों का भोर्षा थिया; किन्देंखे के फीनिक्स क्रेते टापू को ऐक खुलो काट्ल़ थियों। जुण्जो च़ौऊँ ढ़बे खुलो थियों; “पुर्ब-पंशिच्म; उत्तर-दक्षिण” चारे धोहरी खुली हों थी।

प्रेरितो कै काम 28:11

आँमें च़ीन भीनें बित्त्णों गाशी सिकन्दरिया के ऐक पाँणीं के जहाजो दे बंईठे, जैथू जहाँजे तेसी टापू गाशी शेल़ै-जाड़ै के देसो तैथी काटी थुऐं थिऐ; अरह् तेसी जहाजों के निंशाणीं थी; “मिथुन-दियुसकूरी”।

रोमियों 15:24

ईन्देंखे जबे हाँव स्पेन खे ज़ाँऊबा तअ तुँओं कैई शा चग्राईयों ज़ाँऊबा, किन्देंखे के मुँह भूर्षा असो, के तियों यात्रा दी तुँओं आरी मेरी भेंट मील हंदी, अरह् जबे तुँवारी साथ-हाथ शा मेरा जीऊँ कुछ भरी ज़ाँव, तअ तुँऐं मुँह किऐ आगुड़े तोड़ी डेयाल़ी दिऐ।

1 कुरिन्थियों 16:11

ईन्देंखे कुँऐं तेसी छूटा ने जाँणें, परह् तेसी सुवाँ करियों तेसी ढबे पहूचाल़ी दिऐ, के से मुँह कैई आऐ ज़ाँव; किन्देंखे के मुँऐ तेस्की बाट-बाट दे:खी लऐ, के से बिश्वाषी भाऐ आरी आँव।

2 कुरिन्थियों 1:16

अरह् तुँओं कैई शा जाँदी बई मकिदुनिया खे जाऊँ, अरह् तबे मकिदुनिया शा पाछु तुँओं कैई आँऊ; अरह् तुँऐं मुँह यहूदिया की ढबे किऐ आगुड़े तोड़ी डियाल़ो।

तीतुस 3:12

जबे हाँव ताँव कैईं भाऐ-अरतिमास, अरह् भाऐ-तुखिकुस डेयाल़ुबा, तअ मुँह कैईं निकुपुलिस नंगर दी आँणों की कोशिष करे, किन्देंखे के मुँऐं तेथै हेंऊँदो काट्णों का ईरादा करी थुवा।