1 कुरिन्थियों 16:22 - Sirmouri

²² जे कुँऐं प्रभू शो पियार ने करह्, तअ से निर्भाग असो। हे अमाँरे प्रभू आव!

सिरमौरी नौवाँ नियम

²² ओए रै अमारै प्रभु, आए जा!

1 कुरिन्थियों 16:22 ပူးပေါင်းရင်းမြစ်များ

मत्ती 10:37

“सेजा जेस्के मुँह शा जादा आप्णें माँ-बाबा शा लगाव असो; सेजा मुँह ज़ूगा ने आथी; अरह् जेस्के मुँह शे जादा आप्णें नहाँन्ड़िया प्यारे असो, सेजा भे मेरा चैला बंण्णों ज़ूगा ने आथी।

यूहन्ना 14:15

“जे तुँऐं मुँह आरी प्यार कर्दे, तअ तुऐ मेरी अज्ञाँओं का पाल़्ण कर्दे।

यूहन्ना 14:21

सेजे जुण्जे मेरी अज्ञाँऐं माँनों, अरह् तिन्दे का पाल़्ण करह्; सेजै ही मुँह आरी प्यार करह्, अरह् जुण्जे मुँह आरी प्यार करह्; तिनू आरी बाबा प्यार करदा, अरह् हाँव भे तिनू आरी प्यार करदा; अरह् हाँव आपु आप्णें आप तेसी कैई पर्गट हंदा।”

यूहन्ना 14:23

प्रभू यीशू ऐ तेस्खे जबाब दिता, “जुण्जा कुँऐं मुँह आरी प्यार करला, से मेरे बचन का पाल़्ण करदा; अरह् मेरा बाबा तेसी आरी प्यार करदा, अरह् आँमें तेसी कैई आऐयों तेस्की गंईलो रंह्ऊँबे।

यूहन्ना 15:24

जे हाँव तिनके बीच दे सेजे काँम-काज़ ने करदा, जुण्जें कुँऐ ओका ने करी सक्दा; तअ से दोषी-कसूरबार ने बंण्दे थिऐ; परह् ऐबे तिन्ऐं मुँह देखी थुवा, अरह् तिन्ऐ मुँह अरह् बाबा दुईं आरी बंईर करी थुओं।

यूहन्ना 16:14

सेजी ही पबित्र-आत्त्माँ मेरी बड़ियाऐं कराली, किन्देंखे के से मुँह कैई शी भेंटी अंदी बातो ही तुओं कैई बुल़्ली।

यूहन्ना 8:42

प्रभू यीशू ऐ तिनखे बुलो, “जे पंण्मिश्वर तुवाँरा बाबा हंदा; तअ तुऐं मुँह आरी प्यार कर्दे, किन्देंखे के हाँव पंण्मिश्वर शा पय्दा हऐ रूवा; हाँव आप्णी हिछ़़या शा ने, परह् पंण्मिश्वर ऐ मुँह डेयाल़ी थुवा।

प्रेरितो कै काम 23:14

तिन्ऐं मुँख्या-याजकों अरह् बुड़े बुजूर्गो कैई ज़ाऐयों बुलो, “आँमें ठाटी थो, के जाँव तोड़ी आँमें पौलुस मारी ने दियों, ताँव-तोड़ी जे आँमें किऐ चाख्ह भे तअ आँमों खे फीट्कारा-लाँणत् असो।

रोमियों 9:3

किन्देंखे के हाँव ऐते ज़ुगौ चहाँऊ, के इस्राएली लोग जू मेरे देह्-शरीर के भाव शे भाऐ-बंईण, अरह् मेरे कुढ़्बे के असो, तिनकी भलाई खे हाँव मसीया का श्राँप-फींटकारा आपु गाशी लंणों खे; अरह् तिन्दें शा ज़ई रंहणों खे भे तियार असो।

1 कुरिन्थियों 12:3

ईन्देंखे हाँव तुँओं कैई शो चित्ते कराऊँ के जुण्जा कुँऐं पंणमिश्वर की आत्त्मा की शक्त्ति शो बुलो, से ऐजो बुली ने सक्दा के यीशू श्रापित असो! अरह् ना कुँऐं पबित्र-आत्त्मा भेटे बिना ऐजो बुली ने सक्दा के यीशू ही प्रभू असो।

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

इफिसियों 6:24

जुण्जा कुँऐ अमाँरे प्रभू यीशू मसीया शो साच्चो प्यार करह्, तिनू सोभी गाशी अपरंम-पार कृपा हंदी रंह्।

फिलिप्पियों 4:5

तुँवारी नरमाँऐं बादे आदमी गाशी पर्गट हों, प्रभू नंजीक असो।

इब्रानियों 6:10

किन्देंखे के पंण्मिश्वर अनियाँऐ कर्णो वाल़े ने आथी, के तुँवारी काँम-काज़, अरह् सेजो प्यार बिसरी ज़ाव, जुण्जो तुँऐं तिनके नाँव शो ऐशो ढंग शो देखाव, के पबित्र लोगो की सेवा करी, अरह् हजो भे सेवा करी लऐ।

1 पतरस 1:8

तिनशो तुँऐं बिना दे:खी भे पियार करह्, अरह् ऐबे तअ तिनू गाशी बिना दे:खी भे बिश्वाष करियों ऐशे खुशी अरह् मंगन हों, जिन्दे का किऐं बखाँण ने करा ज़ाँव; अरह् से बड़ियाऐ शा भरा अंदा असो;

1 पतरस 2:7

तअ: तुँओं लोगो खे जू बिश्वाष करह्, सेजा पाथर बैजाऐ किम्त्ति असो, परह् जू विश्वाष ने कर्दे तिनखे, पबित्र-ग्रन्थों दो ऐशो बुलो, के “बाड़िऐ जेसी पाथर निकाँमा बाँणीं थुवा थिया, सेजा ही पाथर कुँणे का कंडवारा बंणा,”

1 यूहन्ना 4:19

आँमों दा पियार-भाव ईन्देंखे असो; के आगे तिन्ऐं आँमों आरी पियार करी थो।

1 यूहन्ना 5:1

जैस्का ऐजा बिश्वाष असो, के प्रभू यीशू ही मसीया असो, तअ सेजा पंण्मिश्वर की अलाद असो; अरह् जुण्जा कुँऐं आप्णें परमं-पिता पंण्मिश्वर शो पियार करह्, तअ से तैस्की अलादी आरी भे पियार करह्।

प्रकाशितवाक्य 22:20

ईनू बातो की गुवाऐ-शाज़्त्त देणों वाल़ा ऐजो बुलो, “हाँव जरूर शीघा ही आँदा लागा।” आमीन! हे प्रभू यीशू आओ!