1 कुरिन्थियों 15:57 - Sirmouri

⁵⁷ परह् पंणमिश्वर का धन्यबाद हों, जू अमाँरे प्रभू यीशू मसीया के जाँणें आँमों जींताँव भेटा।

सिरमौरी नौवाँ नियम

⁵⁷ पौरौ पौरमेशवर का धन्यवाद हौंव, जू अमारै प्रभु यीशु मसीहे अमारै खातिर कौरे राए तिथकै दवारा पौरमेशवरे आमु पाप औरौ मौत पांदी जीत दैय राए।

1 कुरिन्थियों 15:57 ပူးပေါင်းရင်းမြစ်များ

यूहन्ना 16:33

मुँऐं तुओं कैई ऐजो सब-कुछ़ ईन्देंखे बुलो, के तुँओं शाँण्त्ति भेटो; किन्देंखे के संईसारी दे तुओं खे सिर्फ दु:ख्ह अरह् कल़ेष असो; परह् आँनन्दित्त खुशी हुऐ, के मुँह संईसारी गाशी जींत्त भेंटी रंऐ।”

प्रेरितो कै काम 27:35

ऐजो बुलियों संत्त-पौलुस ऐ रोटी करी, अरह् सोभी के सहाँम्णें पंण्मिश्वर का धन्यबाद करा; अरह् च़ूड़ियों खाँदा लागा।

रोमियों 7:25

पंणमिश्वर ही छुड़ों दें, अमाँरे प्रभू यीशू मसीया के जाँणें; ईन्देंखे तिनका धन्यबाद हों। ईन्देंखे के हाँव आप्णी अंध्यात्त्मिक सोंच शा तअ पंणमिश्वर के निय्म का पाल़्ण करू, परह् मंन की हिछ़ा शी पाप के निय्म के सेवा करू।

रोमियों 8:37

परह् ईनू बादी बातो दे आँमें तेसके जाँणें जिन्ऐं आँमों शो पियाँर करी थो; जिनके जाँणें आँमें ऐक शुभाल़ी-जींत्त दे जीत्त्दें लागे।

1 कुरिन्थियों 15:51

दे:खो, हाँव तुँओं कैई ऐक राज भेद् की बात बुलू: आँमें बादे ने मर्दे परह् बादे बद्ल़ी ज़ाँदे,

2 कुरिन्थियों 1:11

तुँऐं भे मीलियों प्रार्थना के जाँणें अमाँरी सहाय्ता कर्दे, के जू बर्दांण भहीते के जाँणें आँमों भेटा, तिन्दे के जाँणें बैजाऐ लोग अमाँरी ढबे शा पंण्मिश्वर का धन्यबाद करह्।

2 कुरिन्थियों 2:14

परह् पंण्मिश्वर का धन्यबाद हों, जू मसीया दी सदा आँमों खे जय की खुशी दे नियों फिरह्, अरह् आप्णें ज्ञाँन की खुष्बू अमाँरे जाँणें ढिक्को हर जागे दी फईलाऐ दियो।

2 कुरिन्थियों 9:15

पंण्मिश्वर का, तिनके तेसी दाँण खे जिन्दें का बखाँण ने हऐ सक्दा। धन्यबाद हों।

इफिसियों 5:20

अरह् सदा बादी बातो खे अमाँरे प्रभू यीशू मसीया के नाँव शे पंण्मिश्वर का धन्यबाद कर्दे रंह्।

इब्रानियों 2:14

ईन्देंखे के अलाद लंह्ऊँ अरह् माँस के हों, अरह् तबे मसीया यीशू भे लंह्ऊँ अरह् माँस के बंणीं गुऐ, के मऊँती के कारण से तेसी मतल्व शैतान जेस्दे मंऊँत्ती के शक्त्ति थी, तेसी तिन्ऐ नाँष करी दिता।

प्रकाशितवाक्य 12:11

से छ़ैल़्टे के लह्ऊँ, के कारण अरह् आप्णीं गुवाऐ-शाज़्त्त के बचन के कारण तिन्ऐं शैतान गाशी जींत्त पाऐ; किन्देंखे के तिन्ऐ आप्णें जीवन को प्यार छ़ुड़यों मंऊँत्ती का सू-स्वागत्त करा।

प्रकाशितवाक्य 21:4

से तिनकी आँखी शे बादे आशुओं आगू घुष्दा; तिन्दे पाछी ना तअ मंऊँत्त रह्दीं, अरह् ना शोग, बिलाप, ना दु:ख, किन्देंखे के पुराँणीं बातो बीती गंई।”