1 कुरिन्थियों 15:54 - Sirmouri

⁵⁴ अरह् जबे ऐजी नाँष बाँन देह्-शरीर अभिनाँषी देह्-शरीर धारण करी पाली, अरह् जबे ऐजी मंर्णों वाल़ी देह्-शरीर अमर हंणों वाल़ी देह्-शरीर धारी पाली, तअ सेजा बचन जू पबित्र-ग्रन्थों दा लिखी, थुवा से पुरा हऐ ज़ाँदा: “जींवन ऐं मंऊँत्त भे घुटी पाँऐ।

1 कुरिन्थियों 15:54 ပူးပေါင်းရင်းမြစ်များ

लूका 20:36

किन्दें खे के सेजे लोग हजो कंद्दी ने मंर्दी; अरह् से स्वर्गोदूत्त के जैष्णें हंऐ ज़ाँव; अरह् से तबे पंण्मिश्वर के अलाद अरह् बारीस बंणी ज़ाँव।

रोमियों 1:23

अरह् अभिनाँषी पंणमिश्वर की बड़ियाऐ नाँष बाँन आदमी, अरह् पक्षियों, अरह् बंईच़ी, अरह् रिंगणों वाल़े, जींव-जन्तुओं की मुर्ती की बरा-बरी दी बद्ल़ी दिती।

रोमियों 2:7

जुण्जे आछे काँम-काज़ कर्दें अट्ल़ रंह्ले, से बड़ियाऐ, अरह् आदर-ईज्जत, अरह् अमर हंणों की खोज दा असो, तिनखे से अमर जीवन देंदा;

रोमियों 6:12

ईन्देंखे पाप तुँआरे नाँष बाँन देह्-शरीर गाशी राज ने करह्, जू तुँऐं पाप की हिछ़या के बंष दे कद्दी ने चालो;

रोमियों 8:11

जे तेस्की ही आत्त्मा जिन्ऐं यीशू मरे अंदे मुँझ्शे जीऊँदे करे, से तुँओं दे बसे आँदें असो; तअ जिन्ऐं यीशू मसीया मरे अंदे मुँझ्षा जींऊँदा करा, से तुवाँरे देह्-शरीर भे आप्णी आत्त्मा के जाँणें जुण्जा तुँओं दा बसा अंदा असो, से जियाल़्दा ऐ।

2 कुरिन्थियों 4:11

किन्देंखे के आँमें जींन्दे जीऊँ सदा यीशू के जाँणें मंऊँती के हाथो दे दिऐ ज़ाँव, के यीशू का जीवन भी अमाँरे नाँष बाँन देह्-शरीर दा पर्गट हों।

2 कुरिन्थियों 5:4

अरह् आँमें ऐसी डेरे दे रंह्ऐयों बोझ़ दे दब्बे रह्ऐयों रूदे रंह्, आँमें ऐसी खुल्णा ने चहाँदे, अरह् हजो ओका नुवा बाँम्णा चहाँव; जू ऐजा मरहण हार असो, से जीवन दा डुब्बी ज़ाँव।

2 थिस्सलुनीकियों 1:10

ऐजो तेसी देसे होंदो, जबे से आप्णे पबित्र लोगो शी बड़ियाऐ अरह् बादे बिश्वाष कर्णें वाल़े मुँझ़ी हेरानी के कारण आँदे; किन्देंखे के तुँऐं अमाँरी गुवाह्-शाज़्त्त गाशी बिश्वाष करा।

प्रकाशितवाक्य 20:14

ईन्दें पाछ़ी मंऊँत्त अरह् अंधलोक दुईन्नें आगी की झ़ील दे पाऐ दिते। अरह् सेजी आगी की झ़ील जुण्जी दुज़ी मंऊँत्त असो;

प्रकाशितवाक्य 21:4

से तिनकी आँखी शे बादे आशुओं आगू घुष्दा; तिन्दे पाछी ना तअ मंऊँत्त रह्दीं, अरह् ना शोग, बिलाप, ना दु:ख, किन्देंखे के पुराँणीं बातो बीती गंई।”