1 कुरिन्थियों 15:3 - Sirmouri

³ ईन्देंखे मुँऐं आगे तुँओं कैई शी सेजी ही बात शुणाँऐ, जुण्जी आगे मुँह कैई शी शुणाँऐ गई; के पबित्र-ग्रन्थों के बचन के मुँताबिक मसीया अमाँरे पापो की ताँईऐं मारे गुऐ;

सिरमौरी नौवाँ नियम

³ मोऐं सैजा सौबिदा खास सौंदेश बौतौऊवा जू मुखै प्रभु यीशु शा भैटी रौआ थिया। सैजा सौंदेश ऐजा औसौ, पवित्र शास्त्र कै हिसाब शै अमारै पापौ कै खातिर मसीहे प्राण कै दैय राए।

1 कुरिन्थियों 15:3 ပူးပေါင်းရင်းမြစ်များ

मत्ती 26:24

आदमी का बैटा तअ जेष्णों तेस्के बारे दो पबित्र-ग्रन्थों दो लिखी थो, तेस्खे तेष्णों ही होंदो; परह् तेसी आदमी खे श्राँप-फीटकारा असो! जेस्के कारण आदमी का बैटा थंम्बड़ाया ज़ाला: जे सेजा आदमी पय्दा ही ने हंदा तअ तेस्खे सेजो आछो होंदो थियों।”

मत्ती 26:28

किन्देखे के ऐजो बाय्दे को मेरो लंह्ऊँ असो, जुण्जो भहीते के पाप की माँफी खे बुवाऐ ज़ाँदो।

लूका 24:25

तबे प्रभू यीशू ऐ बुलो, “ओ, ज़ोगरंह्! जुण्जो ऋषियों ऐं किऐ बुलो थियों, कियों तुऐं तिन्दें गाशी बिश्वाष कर्णो खे मंद्बुदी असो!

यूहन्ना 1:29

दुज़ै देसे संत्त-यूहन्ना नहाँण-कराँणों वाल़े ऐ प्रभू यीशू आप्णे ढबे आँदे देखियों बुलो, “देखो, ऐजा पंण्मिश्वर का छैल़्टा असो; जुण्जा संईसारी के पाप टीपियों नींह्दा।

प्रेरितो कै काम 17:2

तबे: संत्त-पौलुस आप्णें ढंग शे तेथै तिनू यहूदी लोगो कैई शा भेंटिदा हुटा, अरह् च़ीन बिषाँव के देसे लगातार तिनके च़ौत्रें दे ज़ाऐयों तिनू आरी बाद-बिबाद करदा लागा; अरह् पबित्र-ग्रन्थों के बचनों का बंखाँण करदा लागा।

प्रेरितो कै काम 3:18

पंण्मिश्वर ऐ ऐशा दाँई आप्णाँ बुल्णाँ पुरा करा, जिन्दे के मुँताबिक तिनके मसीया खे दु:ख्ह भोगणाँ थिया; अरह् जेसी तिन्ऐं सोभी ऋषियों के मुँख्ह शा आगे ही घोषित्त करी थुवा थिया।

प्रेरितो कै काम 8:32

तेने पबित्र-ग्रन्थों का जुण्जा पाठ पढ़ी लुवा थिया, से ऐजा थिया: के जेष्णीं भैंड़ काट्णों-माँर्णों खे आगू नींह्, अरह् गाब्टा ऊँन कत्रर्णों वाल़े कैई चूप्प-चाँण रंह्, तेष्णों ही तिन्ऐं आप्णों मुँह ने खुली।

रोमियों 3:25

पंणमिश्वर यीशू मसीया के बल़ीदाँण गाशी बिश्वाष कर्णो के जाँणें पाप शा मुँक्त्ति देणों खे बाट बरंम्बाणीं, अरह् बिश्वाष कर्णो वाल़े आप्णी नंजरी दे बै-कसूर बाँणें, पंणमिश्वर ऐजो साबित कर्णो खे ऐशो करह् अरह् आप्णी संह्नशक्त्ति पर्गट कर्णो खे ऐष्णों करो, अरह् ऐष्णों करियों तिन्ऐं अमाँरे पाछले जीवन के पाप नंजर अंन्दाज करे।

रोमियों 4:25

तिनू अमाँरे अपराध की ताँईऐं थंम्ब्ड़ाऐ गुऐ, अरह् आँमों पंणमिश्वर की नंजरी दे बै-कसूर बंणाँणों की ताँईऐं ऊबे जीयाल़े भे गुऐ।

1 कुरिन्थियों 11:2

हे भाईयों-बंईणों, हाँव तुँओं खे शबाषी देऊँ, के बादी बातो दा तुँऐं मुँह चीते थंह्; अरह् जुण्जे भुवार मुँऐं तुँओं कैई शे शुणाँऐं थुऐ, तुँऐं तिन्दे का ही पालन करे।

1 कुरिन्थियों 11:23

जुण्जों मुँह प्रभू कैई शो भेटी रोह्, सेजो ही मुँऐ तुँओं खे दितो: प्रभू यीशू ऐ, जियों रात्ती तिनू थह्बड़ाऐं गुऐ, तियों रात्ती प्रभू ऐ रोटी करी,

2 कुरिन्थियों 5:21

जू पाप शा अजाँण्दा थिया, तेसी ही तेने अमाँरी ताँईऐं पापी बंणाँऐया, के आँमें तिन के जाँणें धार्मिक्त्ता बंणी ज़ाँव।

गलातियौं 1:12

किन्देंखे के ऐ मुँह आदमी कैई शी ने भेंटी रंई, अरह् ना कोसी आदमी ऐ मुँह कैई ईन्दें की शिक्क्षा देऐ थई; परह् यीशू मसीया ऐ मुँह कैई पर्गट हऐयों देऐ थऐ।

गलातियौं 1:4

तिन्ऐ ही आपु-आप्खे अमाँरे पापो की ताँईऐं देऐ दिता, के जू कुँऐं अमाँरे पंण्मिश्वर के हिछ़या, के मुताबिक आँमों ईयों बुरी संईसारी शे छुड़ाऐ दियों।

गलातियौं 3:13

मसीया ऐ जिन्ऐं अमाँरी निरभागऐता के अब्ल़ी आपु गाशी लऐयों, मूसा खे भेटे गुऐ अज्ञा-निय्म के रित्ती के निरभागऐता शे आँमों छुडाऐ दिते। किन्देंखे के पबित्र ग्रन्थो दो लिखी थो; के जुण्जा “काठो गाशी टाँगा गुवा, से निरभाग असो!”

इफिसियों 1:7

अरह् तिनही दे आँमों खे बैजाऐ कृपा के मुँताबिक तिनके ही लंह्ऊँ के जाँणें छ़ुट्कारा अरह् अमाँरे अपराधों की माँफी भेटी।

इफिसियों 5:2

प्यार की बाटो दे चालो, जेष्णों मसीया ऐ तुँओं आरी प्यार कोरो, अरह् आच्छ़ी खुष्बू बणियों आपु अमाँरी ताँईऐं पंण्मिश्वर के साम्णिऐं भेंट बंणियों बल़ीदाँण करी दियों।

इब्रानियों 5:1

किन्देंखे के ऐक नाँम महाँ-याजक आदमी मुँझी शा ही चुणा-छाटा ज़ाव, अरह् आदमी ही खे ईन बातो के बारे दा जुण्जी के पंण्मिश्वर के बारे दी असो, अरह् बंणाँई गंई, के से भेंट अरह् पाप की बंल़ी चड़ाया करह्।

इब्रानियों 5:3

ईन्देखे ऐजो जरूरी ही असो, के से पापो खे बंल़ी चड़ाया करह्; ओकी लोगों के पापो की ताँईऐ, अरह् आप्णें पाप के ताँईऐ भी।

1 पतरस 1:11

तिनू ऋषिऐं जू मसीया की पबित्र-आत्त्मा के जाँणें सेजो जाँणों, जू मसीया गाशी दु:ख के बारे दो बुली लो थियों, अरह् सेजी बड़ियाऐ जू तिनू दु:खो पाछी पर्गट हली, तियों पबित्र-आत्त्मा ऐ तिन कैई बुली लो थियों। सेजी बातो ईयों संईसारी दी कद्दी हंदी अरह् तबे ईयों संईसारी को का हंदों।

1 पतरस 2:24

से आपु ही अमाँरे पाप आप्णे देह्-शरीर दे निईयों शुँल़ी-फ़ाँशी हुटे, जिन्दे लई आँमें पापो खे मरियों धार्मिक्त्ता खे जीवन बिताँव: तिन्ही की ही मार खाँणों शे आँमें चाँगे हुऐ।

1 पतरस 3:18

किन्देंखे के मसीया ऐ भी अमाँरे पापों की ताँईऐं ऐकी बंई दु:ख भूगा, मतल्व जू बै-कसूर थिऐ, तिन्ऐं आँमों पापियों की ताँईऐं ऐकी बई मंऊँत्त कबूल करी, जू आँमों पंणमिश्वर के साम्णें नीयों, शरीर के भाव शे तअ से माँरी गुऐ, परह् पबित्र-आत्त्मा के भाव शे तिनू ऊबे जीयाल़े गुऐं।

1 यूहन्ना 2:2

अरह् से ही अमाँरे पापो खे ऐक बल़ीदाँण असो, सिर्फ आँमों खे ही ने; परह् बादी संईसारी के पापो खे।

प्रकाशितवाक्य 1:5

अरह् यीशू मसीया की ढबे शी जू बिश्वाष ज़ूगे गुवाह्-शाज़्त्त अरह् मँरे अँदे मुँझ शे जीऊँदे हणों वाल़े मुँझ्शे जैठे अरह् धर्ती के राजाओं लोगो का हाकम असो, तुँओं खे कृपा, अरह् शाँण्त्ति, भेंट्दी रंह्। से आँमों आरी प्यार करह्, अरह् तिन्ऐं आप्णें लह्ऊँ के कारण आँमों पाप शे छुड़ाऐ थुऐ।